كلمت والدك ووافق على طول وحقيقي رغم قلقي على ماما إلا اني من طاير من الفرحه، بعد ما اتجوزنا كنت لما اشوفك غصب عني بيتملكني حبي ليكِ، ببقي عاوز أقرب وعاوز اشاركك حاجات كتير لكن حبي ليكِ مش كفايه شويه شويه بقيت بشاركك الحاجات دي من غير ما احس
بناكل سوا وده بالنسبه ليا كان كتير والله تخيلي مجرد إني باكل معاكِ كان كتير!
نخلص ونشرب كباية الشاي سوا واحنا بنتفرج على التلفزيون
كل ده كان بالنسبالي حاجه كبيره اوي
كنت بحبك كل مره غصب عني وعلى قد ما كان قلبي بيوجعني بس كنت مستسلم لأي حاجه منك حتى لو وجع! سكت ياخد نفسه ورجع كمل
_في كل لحظه كنت بحبك اكتر واكتر ورغم إني عارف انها فتره وهتبعدي وانا اللي هتوجع إلا إني مندمتش إني حبيتك، امبارح لما طلبتي الطـ,ـلاق حسيت ان قلبي هيقف، معقوله في الفتره دي قلبك متحركش خالص؟، ولو متحركش انا مش شخص كويس طيب تحاولي معاه؟
_كأنك كنتِ مستنيه بفارغ الصبر يحصل حاجه عشان تبعدي
انا مش بلومك انتِ ملكيش ذنب في اني حبيتك وان كل ده حصل، ولو على الطـ,ـلاق متخافيش اقف على رجلي وورقة طلاقك هتبقي عندك خلص كلام وفضل باصص للسقف وانا واقفه زي مانا من اول كلامه لحد ما جاب سيرة الطلاق انهرت على الأرض وانا حاسه رجلي مش شيلاني
هيستسلم بعد كل ده؟ مكنتش قادره افكر أصلا
حاوطت وشي بإيدي وبكيت ضاع وقت قد اي مننا في البُعد؟
ونيضيع وقت قد اي تاني في نفس البعد؟
هو قوي وهيعرف يستحمل بُعدي.. وانا؟
ده انا كنت بمـ,ـوت النهارده لما اتأخر برا! هعرف اعيش من غيره عمر بحاله وهو عمري؟ قام رغم تعبه وقعد قدامي
_طب انتِ عايزه اي طيب؟ بتعيطي ليه؟ بصتله وهو قاعد بتعب قدامي وعيطت اكتر
_كل ده عشان تطلقي؟ عيطت اكتر وصوتي طلع وانا مش قادره اتلكم اقوله لا حتى!
مش قادره أصدق اللي حصل اصلا ولا ازاي كنت مغفله طول الفتره دي اتنهد بتعب وفتح دراعه
_تعالي طيب
جريت حضـ,ـنته وانا دافنه وشي في حضـ,ـنه وبعيط وهو بيطبطب عليا وبيبـ,ـوس راسي همس وهو بيتنهد بحزن
_يعز عليا افارقك والله _يبقي متفارقش سكت وهو مش مستوعب فكملت وانا لسه بعيط
_متسيبنيش، مش بعد ما اتعودت عليك
مش هينفع تبعد بعد ما حبيتك حسيت بيه بيتخشب من الصدمه فضل شويه بيبصلي بس
وبعدني عنه وبصلي وعيونه مدمعه واتكلم بعتاب
_وساكته كل ده؟ حضـ,ـنته تاني وانا بعيط
_كنت فاكره إنك مش بتحبني _مش بحبك؟ ده انا روحي فيكِ يا وتين!
فكرة بعدك عني كانت بتقـ,ـتلني من جوا وارجع اقول عشانك وعشان متبقيش مغصوبه
عيطت لعياطه وانا بشدد على حضـ,ـنه
شدد على حضـ,ـني هو كمان واتكلم ودموعه لسه نازله
_الحمد لله، كنت عارف ان ربنا هيجبر خاطري بس متوقعتش الجبر يبقي حلو اوي كده بعدني عنه ومسح دموعي براحه وابتسم
_لو ربنا بارك في عمري هعملك فرح يليق بيكِ
يا فرحي وكل فرحتي _يعني مش هتبقى آخر مره تقولي بحبك؟ _بحبِك..♡ ” وقعت أسيرًا لعيناكِ وما أنا بفلسطيني لأقاوم، وظل سؤال يُؤرقني في ليلي “كيف لشخص مثلي إعتاد الإنتصار أن يُهزم بسبب عينين؟”
تمت بِحمد الله’.
