حمزه بقلم ميمي عوالمي 3

التاسع عشر والعشرون 19 حمزة الفصل التاسع عشر صباحا بأمريكا… يفتح حمزة عينيه ليجد حياة باحضانه مستغرقة فى النوم وعلى شفتيها ابتسامة جميلة ، وتنام جديلتها بجوارها وكأنها حارس لها لا يفارق ظلها، فأول ما فكر فيه بعد تأملها ان يحل لها جديلتها التى بلون قشرة البندق، فأخذ يحلها حتى بدايتها واخذ ينثرشعرها على الوسادة ليتفاجئ بطوله الذى كانت تخبئه الجديلة، فوجد اطراف شعرها قد وصلت حتى مست ركبتيها… ليجذبه بيده مرة أخرى وهو يشتم عبيره ويقبله ليرفع عينيه إلى وجهها ليقابل زيتونيتيها وهى تبتسم قائلة : كده فكتلى شعرى…. يبقى انت اللى هتضفرهولى تانى حمزة بابتسامة مبهورة : ماكنتش متخيل انه بالطول ده حياة : بابا الله يرحمه كان محرج عليا اقصه او اعمل فيه اى حاجة غير الضفيرة دى… لحد مااتعودت…… وبعد ما مات قررت انى افضل برضة سايباه كده….. رغم انه بيتعبنى جدا وانا بسرحه حمزة : ولا يهمك…. من النهاردة هنحل الضفيرة وانا ياستى هسرحه معاكى كل اما ابقى معاكى وانتى بتسرحيه ليقترب منها وهو يشد على رأسها لتقول : بتعمل ايه!؟ حمزة بخبث : ايه! هنعكشلك شعرك… عشان اسرحهولك ……….. فى القاهرة… بمكتب حمزة ترفع رقية سماعة الهاتف لتحدث خالد قائلة : خالد… الكشف جالى وفيه المادة اللى قولتولى عليها… اعمل ايه خالد : أقفللى انا جايلك وماهى الا دقيقتين الا دلف عليها خالد متسائلا : مين اللى جابلك التقرير رقية : فى موظف جالى من المخازن اسمه استاذ سعد وقدمهولى وهو متوتر ولما سألته لو عاوز يقوللى حاجة قاللى فلاش باك سعد : يابنتى انا بشتغل فى الشركة دى من ايام والدك الله يرحمه، والعيش والملح يحتموا عليا انى مااسكتش رقية : خير يا استاذ سعد فى ايه…. اتكلم وماتخافش سعد : يابنتى ماتقبض الروح غير بأمر اللى خلقها…. كل الحكاية ان المخازن فيها لعب مش نضيف من حوالى سنة دلوقتى بس انا ماكنتش عارف ايه اللى بيحصل بالظبط وعشان كده مااتكلمتش قبل كده رقية : طب وايه اللى جد النهاردة سعد : فى مادة معينة اسمها……. المادة دى بقالها اكتر من 3شهور بتتحط فى النواقص وبتجيلنا منها كميات كبيرة وانا بقيده بنفسى لما بتوصل….. اخر كمية وصلت المخازن وايدتها كانت من عشر ايام وبكمية ضعف كل مرة…. والنهاردة دكتور منصور مشرف المعامل جه من ساعتين وقال انه محتاج منها كمية كبيرة عشان فى طلبية ضخمة بيجهزولها وكان رد الاستاذ عدلى انها خلصت وطلب منى اعمل بيها طلبية خاصة بكمية ضخمة جدا واطلع لحضرتك اخد امضتك بالموافقة، وطلبوا منى انى ادخللك بنفسى عشان تمضيها… مااسيبهاش فى السكرتارية بما انك بتنوبى عن دكتور حمزة لغاية مايرجع بالسلامة رقية بابتسامة امتنان : ماشى ياعم سعد… اتفضل حضرتك وسيبهالى وقولهم انى رفضت امشيها غير لما اراجعها سعد : لا يابنتى….. اخاف عليكى…… انا هقول انك مشغولة وانى ماعرفتش ادخللك رقية : تخاف عليا من ايه بس سعد : معلش طاوعينى وانتى لما تشوفى هتعملى ايه او لو احتجتينى فى اى حاجة انا رقبتى سدادة رقية بابتسامة عذبة : تسلملى ياعم سعد باك خالد : انا هكلم العقيد محيى وابلغه بالكلام ده واشوف رأيه ايه … ……… فى أمريكا …. وفى تمام الثانية بعد الظهر يتجه حمزة وحياة إلى خارج القصر بصحبة الحراسة متجهين لرؤية طفلة حمزة للمرة الأولى وكان يبدو على حمزة التوتر الشديد… رغم محاولات حياة لصرف ذهنه لاشياء اخرى الا انه كان سرعان مايعود لشروده وتوتره، حتى وصلا أمام بناية عملاقة.. وعندما ترجلا من السيارة وجدوا ان مراد المحامى يترجل هو الاخر من سيارته ليتقدم منه ويحيى حمزة بحب ابوى كبير.. ثم يحيى حياة وهما يتجهان إلى مدخل البناية ليدق مراد احد أرقام الانتركم ليتحدث لثانية لينفتح باب البناية فيدلفوا إلى الداخل ويصعدون إلى شقة كيت…. ليجدوا سيدة شديدة الأناقة ويبدو على ملامحها انها كانت فاتنة فى شبابها تقف بباب الشقة وهى تحييهم بابتسامة دبلوماسية وتدعوهم للدخول وعند استرخائهم فى مقاعدهم تبدأ السيدة فى التحدث جوليا : انا أسمى جوليا… وانا من تحدثت معك فى الهاتف واخبرتك عن ابنتك سيد حمزة حمزة : هل انتى والدة كيت حقا جوليا : نعم…… ولما سأكذب بهذا الشأن حمزة : لا تؤاخذينى سيدتى… ولكن طوال معرفتى بكيت كانت تقول لى انها يتيمة وليس لها احد لتبتسم جوليا ابتسامة حزينة وتقول : طوال حياتها البائسة لا تعترف بوجودى من بعد مـ,ـوت والدها…. فدائما ماكانت تتخذنى عدوة لها لمجرد انتقادى لطريقة حياتها، وانفصلت عنى من عمر الثالثة عشر حمزة ببعض الفضول : ألم تعلمى بزواجنا من قبل جوليا : عندما ذهبت إلى القاهرة اخبرتنى بأنها ستعيش بقية حياتها ثرية بفضل طموحها الذى كنت دائما اهاجمها بشأنه… ولم اعلم عنها مرة أخرى الا حين عودتها هاربة فعندما عادت الى أمريكا قالت لى انها هربت منك لأنك كنت تعذبها بدنيا حمزة بغضب : كاذبة، هذا لم يحدث ابدا ليجذبه مراد وهو يهدئ من روعه قائلا وهو ينظر إلى جوليا : تملك أعصابك حمزة فجميعنا هنا بلا استثناء نعلم ذلك ليجلس حمزة مرة اخرى وهو يحاول ان يتمالك نفسه من الغضب جوليا : سامحنى سيد حمزة…. لم يكن امامى وقتها الا ان اصدقها واعاونها على الاختفاء ولكن بعد فترة قصيرة بدأت تتعرض لنوبات من الإرهاق والمرض حتى علمنا بحملها وفوجئت بها تصمم على إجهاض ماتحمله ببطنها الا ان الأطباء حذروها من ذلك لأنها لم تكن المرة الاولى حمزة بصدمة : كيف ذلك… لقد كانت بكر عندما تزوجتها لتنظر له جوليا وهى تحرك رأسها ذات اليمين وذات اليسار ثم قالت : كانت تعلم أن الشرقيين لهم مفهوم خاص بهذه المسألة ولذلك عندما قررت الذهاب إلى القاهرة كانت قد اتخذت تدابيرها الخاصة ليتذكر حمزة انها قد افهمته انها تعرضت للاختطاف ليقول : هل تعرضت قبل سفرها للقاهرة للاختطاف حقا لتضحك جوليا بشدة قائلة : كانت فى هذا الوقت مع اصدقائها فى رحلة سفارى لتوديعهم لينكس حمزة رأسه خجلا من خداعها اياه بهذا الشكل، ليقطع مراد صمتهم قائلا : سيدة جوليا…. لقد وعدتينا برؤية ابنتنا جوليا : اجل… اعذرونى لقد أخذنا الحديث لتنادى على فتاة ما وتطلب منها إحضار الطفلة لتذهب وتعود إليهم وهى تحمل طفلة رائعة الجمال شقراء.. شديدة البياض بعيون بنية واسعة كعيون حمزة ورموش كثيفة وشفاه كحبة توت مشقوقة نصفين لتقع حياة فى حبها على الفور، نظرت لحمزة بابتسامة واسعة لتجده يتأمل الطفلة كأنه يسجل كل انش من ملامحها بذاكرته وكأنه لم يصدق بعد بأن له ابنه رائعة كحلوى المارشميلو لتقف حياة وهى تنظر للطفلة بابتسامة واسعة وتمد يدها اليها تلاعبها قائلة : اهلا باميرتى الجميلة…. انا أسمى حياة وانا جد سعيدة برؤيتكى، هل تسمحين لى بأن احملك واقبلك لتبتسم الصغيرة لحياة وترفع كلا يديها سامحة لها بحملها…. لتحتضنها حياة وتقبلها بمرح وهى تشير الى حمزة قائلة: احب ان اعرفك اميرتى الجميلة على فارسك الشجاع.. انه السيد حمزة… هل تسمحين له هو الاخر بحملك وتقبيلك مثلما سمحتى لى، لترفع الطفلة عينيها لحمزة ضاحكة ثم ترفع كلتا يديها إشارة على موافقتها ليمد حمزة يديه ليلتقطها من حياة وهو يتأملها لبرهة من الزمن ثم يضمها إلى صدره ويقبلها بحنان قائلا : كيف حال حلوى المارشميلو خاصتى الصغيرة : هل ستاكلنى سيدى ليضحك حمزة قائلا : انكى شهية كالمارشميلو صغيرتى الصغيرة وهى تنظر بابتسامة لحياة: احب اميرتى اكثر حمزة ضاحكا ببعض الشجن : اذا كما تأمر اميرتى وكانت الصغيرة كتلة من المشاغبة والذكاء فظلت تلعب وتلهو معهم وكانها ترعرعت بأحضانهم حتى مر اكثر من ثلاث ساعات حين قالت جوليا : اعتقد ان هذا يكفى ليرفع حمزة رأسه مستفهما : اقترب موعد عودة كيت وانا لا أريدها ان تعلم بوجودكم الان حمزة : ولكن لماذا جوليا : لقد شرحت للسيد مراد كل شئ… دعه يشرح لك… ولكن بعد ان تغادرا مراد وهو يومئ لحمزة بالموافقة : دعنا نذهب الان وساشرح لك كل شئ ليودعوا جوليا والصغيرة التى حزنت لفراقهم ولكن حمزة وعدها بزيارة اخرى قريبة وبعد مغادرتهم… اتجه ثلاثتهم لاحد المطاعم الراقية للحديث أثناء تناولهم للعشاء حمزة : انا محتاج افهم يا استاذ مراد مراد : الحكاية ان جوليا كانت مصدقة كل اللى كيت حكيتهولها عنك من انك كنت بتعذبها وبتحبسها وبتعرف عليها ستات لحد شهرين فاتوا لما سمعت كيت وهى بتتكلم مع صديق ليها عن انك ماتعرفش ببنتها، وانها عاوزة تعرفك من غير ماتبان فى الصورة عشان ماتأذيهاش بسبب اللى عملته فيك وفى نفس الوقت تقايضك على بنتك عشان تاخد منك فى المقابل قرشين حلوين، وطلبت من امها انها تكلمك تقولك اللى قالته لك وهى بتحاول تفهمها انك هتخلص فلوسك على الستات اللى بتعرفهم وان الفلوس دى من حق بنتك وانها لازم تساعدها من غير ماهى تظهر فى الصورة…. وقتها جوليا مثلت انها اقتنعت واتصلت بيك قدامهم وقالتلك اللى قالتهولك ساعتها، لكن بعد اتصالات معها، لقيتها جاتلى المكتب من أربع أيام وقالتلى فلاش باك جوليا : يجب أن تعود الصغيرة إلى ابيها مراد : وهذا بالفعل ماسيحدث، ولكن هل يمكنني معرفة سبب تغيير رأيك جوليا : سيد مراد… اود ان اقص عليك شيئا هاما وبعد أن قصت عليه جميع ماتعرفه مراد : وماذا تريدى ان تفعلى الان جوليا : انا لا يهمنى سوى مصلحة الصغيرة…. فان ظلت مع امها لتنشأتها ستصبح نسخة مكررة من امها وانا أفضل المـ,ـوت على ذلك مراد : اذا……. جوليا : اذا.. ساساعد والدها فى استردادها ولكن على شرط واحد مراد : وما هو جوليا : ان يسمح لى السيد حمزة بأن ازورها فى القاهرة كلما سمحت لى الظروف ولا يحرمنى من رؤيتها فهى اعز ما لى فى هذه الحياة مراد : اوعدك بذلك باك حمزة : طب وهتساعدنا ازاى بقى مراد وهو يعطى حمزة بعض من تقارير المراقبة الرسمية تفيد القبض على كيت اكثر من مرة بسبب الشغب والسكر : التقارير دى كفيلة انها تخلى المحكمة تحكملنا بالبنت من اول جلسة صمت حمزة برهة من الوقت ثم نظر لمراد قائلا : انا عاوزك تعين حد يراقبلى كيت 24ساعة فى ال 24ساعة وتتصلى بيها وتعرفها انى هنا وانى عاوز اقابلها ضرورى لمصلحتها 20 حمزة الفصل العشرون نظر مراد باستغراب شديد لحمزة قائلا : انا مش فاهمك الصراحة، القضية فى ايدينا وهنكسبها من اول جولة… عاوز تعطلنا ليه يا بنى حمزة وهو يطرد زفيرا عميقا : انت مش فاهم يا استاذ مراد، لو جوليا عاوزة تفضل على علاقة ببنتى… فأنا عاوز ده اكتر منها، بس عاوز العلاقة دى تبقى بامها كمان، ثم انا مش عاوز فى اى وقت حد يضحك على دماغ البنت ويفهمها انى حرمتها من امها او حرمت امها منها ثم اكمل وهو ينظر لحياة ويحتضن كفها : رغم انى وفرتلها فى مصر اكتر انسانة ممكن تعوضها عن حنان امها اللى أشك انها ممكن تكون داقيته من الأساس، لكن انا عاوزها لما تكبر تبقى كل حاجة قدامها واضحة وصريحة ووقتها هسيبلها حرية الاختيار فى المكان اللى عاوزة تعيش فيه بس بعد ما اكون رميت الأساس مظبوط لتبتسم له حياة بحب وهى تضغط على كف يده التى تحتضن كفها وهى تومئ له برأسها تشجيعا له مراد بحيرة : طب فهمنى بس هتقوللها ايه حمزة مبتسم : ماتقلقش، هتبقى حاضر معايا، انت بس اعمللى اللى طلبته منك …………. فى اليوم التالى بالقاهرة تستدعى رقية الاستاذ سعد بمكتبها وعند حضوره وإغلاق الباب تنهض مرحبة به قائلة : اهلا ياعمو سعد ازى حضرتك… اتفضل استريح سعد : الله يكرم اصلك يابنتى رقية : عملت ايه امبارح سعد : قلتلهم زى ما اتفقت معاكى امبارح ولما عرفوا ان ورق الطلبية خليته معايا وماسيبتوش فى السكرتارية كانوا هيشيلونى من على الارض شيل رقية : كويس جدا، انا دلوقتى عاوزاك تنزل تبلغهم انى مضيت على أمر الاستيراد وبعتته للمشتريات عشان يخلصوا الاجراءات سعد : ايوة يابنتى بس هم ممكن يسألوا ويعرفوا انى كذبت عليهم رقية : ماتقلقش من الناحية دى و عشان تتطمن……. قالت ذلك وهى تستدعى أميرة وامرتها بعد ان وقعت على الأوراق بأن ترسلها إلى المشتريات وبعد أن خرجت أميرة سالها سعد فى ذهول : طب احنا كده عملنا ايه رقية وهى تعطيه ورقة مطوية : بص ياعمو سعد… الورقة دى فيها رقم العميد محيى، عاوزاك تكلمه النهاردة الساعة خمسة بعد الضهر وانت لوحدك ياعمو….. اوعى حد يعرف بالكلام ده غيرنا، وهو هيفهمك ويتفق معاك على كل حاجة سعد بانتشاء لثقتها به : حاضر… حاضر يابنتى، انا رقبتى ليكى وللدكتور ليضع الورقة فى جيب بنطاله وهو يغمز لها بعينيه بطريقة كوميدية جعلت رقية تضحك بملئ فاها وهى تقول : طب ياللا ياعمو على شغلك لايفهمونا غلط وبعد انصرافه تذهب لمكتب خالد لتقص عليه كل ماحدث وما ان فتحت الباب حتى وجدت نورا تجلس بجواره على المكتب وعلى مايبدو انه يحاول أبعاد يديها من حول عنقه وهى تتذلل عليه لتشهق رقية وتتصنع نورا الانزعاج لدلوفها المفاجئ ليتنحنح خالد بتصنع قائلا : خلاص يامدام نورا… ماتضايقيش نفسك، انتم مش لوحدكم، واعتبرينى مكان حمزة بالظبط لحد مايرجع بالسلامة رقية وقد تجمعت بعض الدموع بعينيها وهى تحاول ضبط نفسها من غضبها وغيرتها مما رأت : انا اسفة لو كنت قطعت كلام مهم…. ازيك يانورا… وازى عمتو خالد : تعالى يارقية.. مافيش حاجة، دى بس نورا صعبان عليها انهم لوحدهم من غير راجل وكان فى حرامى امبارح بيحاول يسرقهم وهم نايمين لتنسى رقية ما رأته للتو وتهرع إلى نورا وهى تطمئن عليها وعلى عمتها : حد فيكم حصل له حاجة… انتو كويسين ليبتسم مراد لرقة قلب معشوقته فى حين تحاول نورا بخبث ادعاء البكاء قائلة : انا زهقت من وحدتى.. انا ماليش حد غيركم، انا كنت طلبت من حمزة انى اشتغل معاكم والظاهر انه كان فاكرنى بهزر، وادينى بعيد طلبى منك انت ياخالد… خدونى معاكم هنا… عاوزة احس انى بعمل حاجة عليها القيمة فى حياتى.. ساعدنى ياخالد ارجوك لينظر خالد إلى رقية قائلا : خلاص يانورا…. اعتبرى نفسك اشتغلتى.. بس ادينى فرصة لاول الاسبوع اكون حضرتلك مكان مناسب، ويبقى قريب منى…. عشان يعنى اعلمك كل حاجة مظبوط لتنهض نورا مهللة وقد نست ماكانت تتصنعه من دقائق قليلة واقتربت من خالد محاولة احتضانه ليبعدها خالد بسرعة قائلا : اعقلى…… ثم ينظربجانب عينيه لرقية التى تستقيم بوقفتها لتقول : انا عندى شغل…. عن اذنكم لتعود إلى مكتب حمزة والغيرة تأكلها أكلا، اما نورا فابتسمت بخبث لينهرها خالد قائلا وهو يدعى الانزعاج : وبعدهالك يانورا… انتى كده هتعملى مشكلة كبيرة بينى وبين حمزة…. وبعدين بصراحة انا ما اقدرش استغنى عن شغلى مع حمزة نورا بلؤم : حمزة مايقدرش يستغنى عنك مهما حصل، ثم انت اللى شايل له الشركة على اكتافك وهو عمال يكنز ويعد فى الفلوس وخلاص، انت أحق منه بكل الثروة دى خالد وهو يدعى الاندماج معها : هعمل ايه بس، ماهى كل حاجة بتاعته… ملكه هو واخته نورا بخبث : وعشان كده اتقدمت لرقية، عشان ينوبك من الحب جانب خالد : اعمل ايه يعنى، ماهو على يدك، سنين وسنين وانا تابع ليه وادى النهاية.. مجرد موظف، يعنى فى اى لحظة ممكن انه يطردنى من جنته لتضحك نورا بانتصار قائلة : اخيرا فهمت ورجعت لعقلك خالد بخبث : انا فاهم من زمان… بس كل شئ باوان نورا وهى تغمز بعينها : لأ….. تعجبنى خالد وهو يقترب من نورا دون أن يلمسها : عاوزك تساعدينى نورا بلهفة : طالما المصلحة واحدة…… رقبتى خالد : نورا انا معجب بيكى من زمان اوى، بس اسلوبك وطريقة لبسك اللى مطمعة الكل فيكى دى كانت بتضايقنى…. انا راجل شرقى وغيور…. عاوزك ليا لوحدى نورا وهى تحاول احتضانه : انا كلى ليك ليبعد يدها عنه قائلا : لما نتجوز…. لما نتجوز يانورا نورا بصدمة : ايه… نتجوزنتجوز !… طب و رقية خالد بابتسامة : هتجوزها برضة… رقية دى ضمان حقى….. وحقك، لكن انتى مش لازم حد يعرف بجوازنا لحسن كل حاجة تبوظ نورا بسعادة : طب وهنتجوز امتى خالد : بعد جوازى من رقية بشهر لتمتعض نورا قائلة : وليه مش النهاردة خالد : وافرضى اتعرف باى شكل… يبقى كل حاجة اتهدت….. اصبرى يانورا.. اصبرى نورا بتأفف : حاضر.. هصبر واسكت خالد : وبلغى ثريا هانم انى هزوركم بكرة بالليل عشان اطلب ايدك منها نورا بدهشة : بجد ياخالد خالد : طبعا ياحبيبتى بجد، لازم مامتك تبقى معانا فى كل خطوة، مامتك دى دماغها الماظ.. اكيد هنستفيد منها كتير…. ياللا ..ياللا انتى دلوقتى على البيت و زى ما اتفقنا نورا بسعادة : حاضر ياحبيبى… سلام لتنصرف مغلقة الباب وراءها ليزفر خالد زفيرا حارا وكأن هما ثقيلا قد انزاح من على عاتقيه ليرفع سماعة الهاتف ليحادث رقية ليعلم انها قد انصرفت منذ غادرت مكتبه، لينهض مسرعا ليلحق بها فهو يتذكر كم كانت الدموع متكومة بعينيها، ليذهب إلى شقة حمزة لتخبره وردة انها منذ وصولها إلى المنزل وهى بغرفتها لم تخرج بعد ليومئ برأسه ويذهب إلى غرفتها ويدق الباب ليأتيه صوتها وعليه أثر البكاء : سيبونى انام شوية ولما اقوم هبقى ااكل ليفتح خالد الباب ليجدها متكومة على فراشها تضم جسدها بكفيها تاركة لشعرها العنان والتى كانت المرة الأولى التى يرى فيها خالد شعرها الحالك السواد، وكان شديد الكثافة فلم يكن طويلا فبالكاد كان يتخطى كتفاها، وكان يتميز بالمظهر الغجرى اللذيذ والذى عشقه خالد من اول نظرة، فوقف مشدوها أمام مظهرها الطفولى اللذيذ وهى تبكى بنشيج مكتوم فكانت كأنها چنية قد خرجت لتوها من بلورة سحرية، فما كان من خالد الا ان نام خلفها واحتضنها بكل قوته من ظهرها لتشهق رقية مزعورة ليعيدها إلى سيرتها الأولى وهو يقول : شششششششش انا خالد… ليه كل ده ياعمر خالد وقلبه…. اشحال ان ماكناش متفقين على كل حاجة من الاول، وانتى وافقتى وقلتيلى هستحمل فدا حمزة وسلامته…. يبقى ليه بقى كل ده رقية من وسط نشيجها : مقدرتش ياخالد… قلبى وجعنى لما شفتها بتعاملك كده خالد وهو يلفها لتعتدل بمواجهته وهما ما ذالا نائمان على الفراش ليجد غرتها قد التصقت بجبهتها من أثر البكاء وحرارة الجو… ليمد اصابعه وهو يجمعها وراء اذنيها هامسا : تعرفى ان نورا دى على قد ماانا نفسى اخنقها على قد ما عاوز اديها بوسة لترفع عينيها اليه بغيظ وغضب…. ليقهقه ضاحكا وهو يكمل : اصل بصراحة ياقلبى من ساعة كتب كتابنا وانا بتحايل عليكى اشوف شعرك اللى يجنن ده وانتى مش راضية… والنهارده اديكى انتى بشعرك فى حضنى وعلى سريرك كمان لتشهق رقية منتفضة وهى تحاول تخليص نفسها من بين يديه ولكنه يقبض على خصرها بكل قوته وهو يضحك بقوة حتى كفت عن المحاولة وهى تعلن استسلامها له خالد وهو يقترب من شفتيها وهو يمنى نفسه بان ينهل من شهد شفتيها حتى يشبع ليتفاجئ برقية تسحب جسدها بسرعة من جواره وتسرع إلى خارج الغرفة وهى تضحك بمشاكسة وهى تخرج لسانها : عيب عليك ده أنا رقية خالد ضاحكا : القردة ليفتح ذراعيه وهو يقول لها بهدوء : تعالى لتذهب رقية إلى احضانه باستسلام تام، ليتنهد خالد وهو يضمها إلى قلبه قائلا : اوعى فى يوم ثقتك فيا تضيع رقية وهى ترفع رأسها اليه : مش عدم ثقة ياخالد صدقنى.. بس انا…… خالد بمشاكسة : ايه… غيرتى عليا رقية بخجل وهى تعود برأسها لترتكز على صدره : مش من حقى خالد : ده شئ يسعدنى ان حبيبة عمرى بتغير عليا، بس ياقلبى اللى يغير يغير من حد يستاهل…. مش من دى ابدا رقية بخجل: اصلها بصراحة ليها حركات جريئة اوى، ده انا ياللى مراتك اتكسف اعملها خالد بهيام : قوليها كمان مرة لتفهم عليه رقية لتبتسم قائلة بدلال : انا مرآة خالد عبدالله السيوفى ليلتهم خالد شفتيها عند هذا الحد وعند انفصال شفاههم يقول بصوت اجش : انا لازم أمشى قبل ما افقد السيطرة على روحى، وهبعتلك تسجيل باللى حصل ابقى اسمعيه وبعدين كلمينى على الموبايل رقية : ماشى وعشان احكيلك عملت ايه مع عمو سعد خالد : تمام ياحبيبتى… ياللا سلام ………….. فى منزل ثريا ثريا بتوجس : وانتى متأكدة انه مابيلعبش بيكى نورا بكبرياء : مين ده اللى يلعب بنورا يا ماما….. ده انتى اكتر واحدة عارفانى وعارفة دماغى ثريا بحيرة : بس برضة عارفة خالد وانه طول عمره فى ضهر حمزة.. ايه اللى جد عشان يقلبه كده نورا ببعض الحيرة : مش متأكدة بس حسيته زهق من دور الحارس الأمين وان عمره ضاع هدر فاول حاجة فكر فيها انه ياخد فلوس رقية اهو على الاقل يبقى ضمن حاجة ثريا : وانتى بقى هتفضلى طول عمرك متجوزاه فى السر لتضحك نورا بمكر : طب دى احلى حاجة ثريا : انتى هتجننينى نورا : طول ما انا فى الضل هيفضل يلبيلى كل طلباتى عشان ماكشفهوش قدام حمزة ورقية اللى لو عرفوا هيخسر كل حاجة….. وفى نفس الوقت انا هفضل بنت عمتهم اللى محتاجالهم ومسئولة منهم ….. يعنى طالعة واكلة… نازلة واكلة، والأهم انى هعيش حياتى براحتى… وانتى فهمانى طبعا لتفتح ثريا عينيها عن آخرهم : ده انتى شيطانة نورا ضاحكة بغل: تلميذتك ياثريا هانم ……………… فى أمريكا….. يجلس حمزة يتحدث مع مراد فى الهاتف وبجواره حياة بين احضانه حمزة : يعنى حددتلى معاها معاد مراد : ايوة…. بكرة الساعة 8 بالليل حمزة : تمام… فين مراد : مارضيتش عندك ولا عندها، شكلها مرعوبة لاتعمل فيها حاجة حمزة باشمئزاز : لو كنت عاوز اعمل كنت عملت من زمان مراد : المهم… المقابلة فى مكتب المحامى بتاعها… هبعتلك اللوكيشن ونتقابل هناك قبل المعاد بربع ساعة حمزة : تمام.. اتفقنا.. نتقابل بكرة ان شاء الله ليغلق الهاتف ويستدير مقبلا حياة من جانب رأسها لتسأله : هاجى معاك حمزة : بلاش المقابلة دى بالذات… هتتعمد تضايقك وتجرحك حياة متبسمة : مش وانت جنبى حمزة : عاوزة ايه حياة : عاوزة ابقى معاك وجنبك حمزة : هتضايقك حياة : ولا اكنى شايفاها او سمعاها، كله يهون فدا قلبك ليضمها إلى صدره وهو يتوعد كيت بداخله على كل مابدر منها بحقهم جميعا الواحد والعشرون والثاني والعشرون 21 حمزة الفصل الحادى والعشرون فى أمريكا، وفى موعد مقابلة حمزة مع كيت، يتقابل حمزة مع مراد أمام احدى البنايات الشاهقة التى يوجد بها مقر مكتب المحامى الخاص بكيت، ليتحدثوا القليل من الوقت ثم يتوجهوا إلى وجهتم و حياة بصحبتهم. وعند دلوفهم إلى مكتب المحامى يجدوا ترحيبا من مديرة مكتبه والتى قامت بادخالهم فورا إلى قاعة راقية للاجتماعات وماكادت تغلق الباب حتى انفتح بابا جانبيا ليدلف منه محامى كيت الذى بدأ على الفور بالترحيب بهم ديفيد : مرحبا سيد حمزة.. تشرفت بمقابلتك، مرحبا سيد مراد نحن تقابلنا من قبل مرارا وأرجو أن نتعاون فيما بيننا على أن ننهى هذه المسألة دون اى نزاعات ثم نظر الى حياة وقد برقت عيناه بالاعجاب بها، فتوجه اليها وهو مادا يديه لتحيتها : اهلا سيدتى.. لقد سمعت كثيرا عن الجمال الشرقى ولكنى لم أكن اتوقع انه لهذه الدرجة من الابهار ليضم حمزة حياة تحت جناحيه وهو يقول بصوت عالى : سيد ديفيد.. ارجو ان تلزم حدك.. فالسيدة تكون زوجتى ونحن كعرب غيورين على كل مايخصنا…. وانا أحذرك ان توجه لها نظرك او حديثك مرة اخرى ديفيد وهو يتنحنح وينقل نظره بين حمزة ومراد : اسف سيدى… اعدك ان لا اكررها ولكن هل لى برجاء حمزة وهو يضم حاجبيه وكأنه يقرأ افكار من أمامه : ماذا تريد ديفيد : سوف تأتى الان السيدة كيت… فهل من الممكن أن يكون حديثنا متحضرا وبعيدا عن الغضب او الشدة ليبتسم حمزة بزاوية شفتيه قائلا : اسمح لشرقى عربى مسلم مثلى ان يعرفك على معنى التحضر لدينا، ولكن أريدك اولا ان تبلغ مديرة مكتبك ان هناك ضيفة ستنضم إلينا الان فلتسمح لها بالدخول فورا ديفيد : هل لى بمعرفة اسم الضيفة حمزة : ستعلم عند حضورها ليعود ديفيد من حيث أتى ثم يعود مرة أخرى بعد دقيقتين بصحبة كيت والتى ما أن دخلت ورأت حياة حتى توهجت عينيها ووجنتيها من الغضب ومن يراها يشعر بأنها ستهشم أسنانها من قوة ضغطها على نواجزها غيظا وقهرا، فيدعوها ديفيد للجلوس بجواره وماهى الا لحظات حتى دق الباب ودخلت جوليا مما جعل كيت تهب واقفة وتقول بغضب : ما الذى أتى بكى إلى هنا الان ومن دعاكى ولما اتيتى، فما يحدث هنا لا دخل لكى به….. ارحلى فورا ليقول حمزة بهدوء وهو يشير لجوليا بالجلوس : استريحى سيدة جوليا…. سعيد برؤيتك كيت وهى توجه حديثها لحمزة : هل تعرفها من قبل… هل رأيتها سابقا حمزة بحزم : اجلسى كيت.. ودعكى من هذه التفاهات.. دعينا نتحدث فيما اتيت من أجله، فليس لدى وقت كثير ديفيد بعملية : حسنا سيد حمزة، لقد طلبت لقاء موكلتى، فهل من الممكن اطلاعنا على اسبابك حمزة وهو يضع مظروفا أمامه وهومظروف به صور ضوئية لكل الأوراق التى اعطتها جوليا لمراد : اريدكم ان تتصفحواهذه المستندات لتجحظ عينى ديفيد وكيت التى كانت تشتغل غيظا ديفيد وهو يحاول تمثيل اللا مبالاة : وماذا تفيدنا تلك المستندات حمزة ساخرا : لا تفيدكم بشئ.. انها تفيدنى انا بل فى الحقيقة تجعلنى افوز بصغيرتى فى اقصر وقت ممكن ومن الجائز ايضا ان اطلب عدم التعرض لضمان الحفاظ على سلامة ابنتى كيت بعصبية واضحة : ماذا أتى بك حمزة، ماذا تريد منى، هل اتيت لتنتقم منى ام ماذا، حمزة بهدوء : جئت لكى اضم ابنتى إلى حضانتى كيت، ابنتى التى اخفيتى حملك بها عنى بعد هروبك بمالى وسرقة مجوهرات شقيقتى بجانب مجوهراتك ومحتويات خزانتى، ابنتى التى حاولتى اجهاضها ولكنك امتنعتى خوفا على نفسك وليس عليها، ابنتى التى اخفيتيها عنى قرابة الثلاث سنوات، ابنتى التى تحاولين بكل قذارة ان تقايضينى عليها…. هل علمتى لما اتيت لتصمت كيت وهى تعض على نواجزها فى حين يتحدث ديفيد : سيد حمزة… لقد اتيت لنا وانت تعلم انك ستفوز بقضيتك فى ساحة إلقضاء، أليست غريبة بعض الشئ! اعتقد ان هناك سبب اخر للقائنا هذا حمزة وهو يزفر أنفاسه وينظر لكيت : اسمعى كيت…. اعلم بفوزى الأكيد ولكنى لا اريد هذا ليتحول الغضب فى ملامحها إلى الدهشة وهى تقول : الا تريد ابنتك ليقول حمزة بتصميم وهو يضرب بقبضته على المنضدة : بل أريدها وبشدة ولكن ليس بهذه الطريقة، فأنا لا اريد لابنتى عندما تمر بها السنوات ان تعرف ان ابيها وامها قد استدرجوا بعضهم إلى ساحة إلقضاء، لا أريدها ان تشعر اننا أعداء كيت، أريدها طفلة سوية غير معقدة، ثم نظر الى حياة وضم كفها بكفه وهو يكمل : اعلم ان حياة سوف تعطى لها كل جميل وطيب ولكنى لا أريدها ان تعلم بقذارة افكار امها كيت ببعض الغضب : ماذا تريد حمزة حمزة : ماذا تريدين انتى كيت كيت باستغراب : لا افهم حمزة : لقد كنتى تحاولين خداعى واستدراجى لكسب مبلغ كبير مقابل ان احتضن ابنتى أليس كذلك……. وعندما لم يجد رد اكمل قائلا : وانا أوافق على ماتريدين كيت بسعادة : ماذا تقصد حمزة، هل تقصد انك ستعطينى العشرة مليون دولار حمزة وهو يضحك بشدة : بالطبع لا ياعزيزتى كيت وهى تعود للازعاج : هل جئت بى إلى هنا لتسخر منى حمزة أمام عاهرتك حمزة منتفضا من مكانه : الأفضل لكى ان لا تتحدثى عن زوجتى الا بكل احترام كيت كيت وهى تحاول ازدراد لعابها : زوجتك! هل تزوجت هذه ال…… حمزة صارخا : احذرى كيت…. احذرى والا سوف أتراجع عن كل ماكنت سافعله كانت حياة تجذب حمزة لتهدئته ، فى حين قال ديفيد وهو يحاول تهدئة الموقف : أهدأ سيد حمزة ارجوك ودعنا نعود إلى ماكنا نتحدث فيه ثم مال على اذن كيت وهمس لها بشئ جعلها تصمت تماما وهى ممتعضة وتنظر لحياة بغضب شديد، ليجلس حمزة مرة اخرى وهو يحتضن كف حياة وهو ينظر بعينها كأنه يعتذر لها عما حدث لتبتسم له وهى تحرك شفتيها بكلمة بحبك ليفهمها حمزة ليبتسم بشدة وسعادة و يجول بعينيه بين الجالسين ليعلم ان كان قد رآها احد غيره، ثم يعيد نظره مرة أخرى لديفيد قائلا : بما انى سافوز بقضيتى فورا فأنا ساصطحب ابنتى معى عائدا إلى مصر وسوف اسمح لجوليا ولام ابنتى بأن يزوراها وقتما يشائون والمدة التى يحددونها ولكن ببيتى وتحت نظرى وغير مسموح لهما بأن يصطحباها خارج منزلى قبل موافقتى واذا حدث عكس ذلك ساقاضيهم وسيتم كتابة كل هذا باتفاق بيننا لضمان جدية تنفيذه وكادت ان تنهض كيت غاضبة كعادتها ولكن ديفيد قد سبقها وقيد كفها بكفه وهو يقول بمنتهى العملية : وما المقابل سيد حمزة، ماذا ستجنى كيت من موافقتها على كل ذلك حمزة بنشوة المنتصر وهو ينظر لكيت باستهزاء : قد رفعت دعوة قضائية على كيت بمصر عندما سرقت ماليس لها وهربت به وتم الحكم عليها بالسجن عشر سنوات، وسوف اتنازل عن القضية بمجرد التوقيع لتجحظ عينا كيت غير مصدقة بأن عليها حكم بالسجن ليكمل حمزة : وعند توقيع الاتفاق ايضا سأقوم بالتوقيع على شيكين بنكيين…. الاول باسم كيت بمبلغ مئة الف دولار وهذا كى تحافظ والدة ابنتى على مابقى لها من كرامة … لتبرق عينى كيت فها هى الأموال قد بدأت فى لعب دور البطولة حمزة مكملا وابتسامته تزداد سخرية وهو مازال ينظر لكيت: اما الشيك الاخر فهو بمبلغ مليون دولار فهو باسم جوليا لتنتفض كيت من مكانها غاضبة : ماذا، ولما باسم جوليا، انها ابنتى انا وليست ابنة جوليا حمزة وهو مستمتع بغضبها وكأنه قد أخذ بثأره كاملا منها : لانى لا أثق بكى كيت، ولأن جوليا تفضل مصلحة ابنتى عن مصلحتها الشخصية، ولأنها آوت ابنتى عندما كنتى لا زلتى تحملينها بين احشائك، وهى من اهتمت بها وقامت برعايتها منذ ولادتها، بينما انتى لم تتذكرينها الا عندما تذكرتى مصرف النقود المسمى بحمزة زيدان والذى هو بالصدفة والد ابنتك الملقاة لدى امك لتبهت كيت قائلة : انا لست بهذه البشاعة حمزة، انا فقط لم اتحمل أفكارك وطريقة معيشتك حمزة : اتعلمين كيت…. اقسم انك لو كنتى صريحة معى لكنت اكرمتك واغنيتك طوال عمرك، ولكنك ماذا فعلتى، انفصلتى عنى دون علمى وظللتى بأحضانى رغم انفصالنا حتى يوم هروبك، سرقتينى كيت، خنتى ثقتى بكى، لقد وضعتك تاجا فوق راسى، ولم ابخل عليكى باى شئ، اختلافنا الوحيد كان فى مظهرك و تصرفاتك الغير مسئولة، وفى المقابل قابلتى كل ماقدمته لكى بالخـ,ـيانة والغدر كيت بغضب : كل هذا لانى رفضت ان اكون كعشيقتك القديسة حياة حمزة بغضب : انتبهى لحديثك كيت كيت بثورة : لا حمزة، هذه هى الحقيقة، لقد كنت دائما ماتقارنى بها، دائما ماكنت أراها فى عينك حتى دون قولها، ولقد وضحت لك فى كل مرة انى اختلف تماما عن هذه الحياة، انا كيت ولدت وتربيت وتعلمت بأمريكا.. اكثر دول العالم حضارة… اتقارننى انا بهذة الحياة، اتضعها معى فى جملة واحدة هذة ال….. حمزة بغضب وهو يسحب حياة معه : اذا فلقاؤنا فى المحكمة كيت واعدك بانى سوف استغل كل مالدى من سلطة ونفوذ لالقيكى بالسجن كى تتعلمى ادب التحدث مع من هم ارفع منكى مقاما وقيمة ليسود الهرج فى القاعة بين من يعـ,ـنف كيت ومن يحاول تهدئة حمزة وردعه عن ما نوى فعله ولكن حمزة كان منفعلا للغاية حتى وجد جوليا تقف أمامه وهى تبكى وحياة ترجوه ان يستمع اليها واخيرا سمح لها بالحديث، ليعلو صوت ديفيد قائلا : اخرسى كيت… سوف تفسدين كل شئ بغبائك ورعونتك لتقول جوليا وهى تنظر لحمزة : كنت دائما اعلم اننى فشلت فى تنشئة ابنتى لكنى لم أكن أعلم انها وصلت لهذه الدرجة من الانحطاط ثم اكملت وهى ترجو حمزة : ولكن ارجوك من أجل الصغيرة ان تعود إلى اتفاقك الذى اتيت من أجله من البداية، فأنا رغم غضبى الشديد مما فعلت كيت .. الا انى لا استطيع ان ارى ابنتى تزج بالسجن…. ارجوك سيد حمزة… لقد لمست فيك انسانيتك الشديدة… ارجوك…. ارجوك ليزفر حمزة أنفاسه بغضب ليجد حياة تحتضن ذراعه قائلة بهمس : ارجوك ياحمزة عشان خاطرى بلاش تخلينى احس انى السبب ان الموضوع ماتمش زى ماكنت ناوى…. عشان خاطرى اهدى لينظر حمزة بعينها ليجد بعض الدموع المتجمعة ليمد كفيه إلى وجهها ليمسح بابهاميه على عيونها وهو يقول بجمود : انا هرجع للتعاقد اللى اتكلمت عليه بس عشان خاطر حياة ومراعاة لمشاعر جوليا لكن اقسم انى لو سمعت صوت كيت مرة أخرى سوف أنهى كل شئ كيفما اريد ولن أتراجع ابدا مهما حدث ليتفاجئ الجميع بديفيد وهو يكمم فاه كيت بكف ويسحبها بكفه الأخرى حتى ادخلها فى حجرة جانبية ثم عاد بعد خمس دقائق كانت تحاول جوليا خلالهم الاعتذار لحمزة عما افتعلته كيت من توتر ديفيد وهو يزفر أنفاسه : اذا سيد حمزة… دعنا ننهى هذه المهزلة لينظر حمزة الى مراد ليخرج مراد من حقيبته بعض الأوراق ليعطيها إلى ديفيد للإطلاع عليها وبعد أن اطلع عليها أخذها بيده و نهض قائلا : سوف اجعلها توقع على الاوراق مراد : عفوا سيد ديفيد اسمح لى ان اكون بصحبتك ليتجهوا إلى الداخل وغابوا حوالى عشر دقائق سمعوا فيها صرخة عالية من كيت ثم فتح مراد الباب ودلف منه وهو يقدم الأوراق إلى حمزة قائلا بابتسامة : أمضى وهات الشيكات وعندما نظر له حمزة مستفهما قال مراد : هفهمك بعدين عندما انتهوا من كل شئ قام حمزة بعمل مكالمة تليفونية اشترك فيها مع جوليا ليعود بنظره إلى الباب الذى دخلت منه كيت ليجدها تقف تطالعه بغل ووجهها يبدو عليه الاحمرار الشديد وكأن أحدهم قد صفعها بشدة فيبتسم حمزة بتشفى قائلا : بنتى دلوقتى بقت معايا خلاص وانا هرجع مصر فى خلال أيام لو حبيتى تشوفيها كلمى المحامى بتاعى يحددلك معايا معاد ثم استدار إلى جوليا مكملا : اما انتى سيدتى فمرحبا بك فى اى وقت وفى كل وقت، فلكى منى كل التقدير ثم قام بجذب حياة بحب واتجه إلى الخارج دون أن يلقى التحية على احد وعندما وصلوا إلى امام البناية نظر حمزة الى مراد الذى مازال يبتسم بمرح : هو ايه اللى حصل وانتو جوة، ثم ومين اللى زين وش كيت بالقلم المحترم ده مراد : ديفيد… اتاريه اخو صاحبها وساحبين منه مبلغ محترم على حس اللى كانت ناوية عليه ولما رفضت تمضى ضربها وقاللها ان هو اللى هيحطها فى السجن بنفسه لو مامضيتش عشان تقدر ترجعله فلوسه ليضحك حمزة ملئ فمه قائلا : داين تدان… طيب احنا هنمشى بقى وانت بقى توثق لنا الأوراق دى عشان نقدر نسافر ان شاء الله وهنمشى احنا بسرعة عشان نلحق البنت عشان ماتخافش لينطلقوا إلى المنزل ليقوما بانتظار الصغيرة أمام البوابة الخارجية للقصر والتى عند وصولها ما ان هبطت من السيارة ورأت حمزة وحياة حتى صرخت قائلة…….. 22 حمزة الفصل الثانى والعشرون تنزل الصغيرة من السيارة لتجد حمزة وحياة بانتظارها فتصرخ قائلة ببهجة : دادى ليتسمر حمزة مكانه وهو لا يستوعب ماسمعه من لحظات حتى تنبه إلى اندفاع الصغيرة لترتمى عليه وتحتضن قدماه وهى ترفع رأسها اليه بابتسامة تخطف القلوب لينحنى عليها حمزة ورفعها محتضنا اياها بحنان وشوق قائلا : اشتقت اليك يا أميرة المارشميلو لتضحك الصغيرة بمرح قائلة : كيف أكون أميرة المارشميلو وانا حتى لا أمتلك قطعة مارشملو صغيرة ليقهقه حمزة قائلا : سوف اجلب لكى جبلا من المارشميلو لتجلسى فوق عرشه وتصبحى وحدك انتى اميرته لتضحك الطفلة بسعادة وهى تنظر إلى حياة التى تمتلئ عيونها بدموع الفرح : الن تحيي أميرة المارشميلو! لتلقى حياة بنفسها عليهم ليتلقفها حمزة محتضنا اياها بذراعه الأخرى ليضحكوا ثلاثتهم ويتجهوا إلى الداخل …………. فى القاهرة تجلس ثريا بغيظ أمام نورا التى تجلس كالطاووس بجوار خالد وهى متباهية بنجاحها من قربه والسيطرة عليه ثريا : وهتأمنلى مستقبلها ازاى بقى يادكتور خالد خالد بثقة : يوم كتب كتابنا هحطلها فى البنك مليون جنية… ده مهرها ده غير طقم الماظ من أشهر الماركات…. شبكتها ثريا بجشع : طب والشقة والمؤخر خالد وهو يبتسم بجانب شفتيه : المؤخر اللى تؤمرى بيه ياثريا هانم.. انا عمرى كله لنورا.. أما بالنسبة للشقة فدى هدية جوازنا منى ليها شقة تمليك متصممة ومفروشة عن طريق اكبر مصممين الديكور فى البلد كلها باسمها وتستلم عقدها فى ايدها يوم كتب الكتاب لتلتمع عينا نورا بسعادة فى حين قالت ثريا بمكر : انت طبعا عارف انى ماليش غير نورا وعشان كده عاوزة اتطمن عليها وبما ان جوازكم هيبقى غير معلن فنورا من حقها انها تشتغل فى وظيفة مرموقة بدخل كبير خالد : من الناحية دى ماتقلقش ابدا، انا ونورا لازم نحط ايدنا ف ايدين بعض لحد مانوصل لهدفنا ثريا بلهفة : يعنى هتشغلها فين خالد : فى مكتب حمزة ذات نفسه، مع حياة نورا وهى تنتفض من مجلسها : ايه! حمزة عمره ماهيوافق خالد : دى بقى سيبيها عليا، لكن على شرط نورا : اللى تقول عليه خالد : مظهرك يفضل زى ما شوفتك اخر مرة واسع وطويل وحشمة…. يعنى من الاخر كده عاوزك تتحجبى … لانى بغير ده اولا وثانيا عشان حمزة مايتلككش بشكلك نورا بامتعاض : ماشى…. أيه كمان خالد : حياة… تتعاملى معاها كويس عشان ماتعمليش مشاكل تعطلنا عن هدفنا… مفهوم نورا بضحكة ماجنة مليئة بالشر : الا مفهوم وفى تلك اللحظة يسمعوا رنين هاتف ثريا التى ترد على الهاتف وهى تسمع بريبة ولا تتحدث وماهى الا ثوانى حتى اغلقت الهاتف وهى تنظر إليهم بانتصار قائلة : يمكن نحتاج نعدل فى الخطة شوية…….. حمزة وحياة تعيشوا انتو لينتفض خالد وهو يسألها بلهفة : ايه اللى حصل ثريا بشر : الكوخ ولع باللى فيه وزمانهم بقم كلهم حتة فحمة خالد وهو يحاول السيطرة على غضبه حتى لا يقـ,ـتلها : تمام…. نستنى لما نشوف هيحصل ايه وبعد كده نقرر نورا باستغراب : انت مازعلتش على حمزة…. معقول زعلان منه للدرجة دى خالد وهو متماسك : اى حاجة تحصلله برة البلد… طالما احنا بعيد وفى الأمان يبقى خير لتبتسم ثريا وهى تربت على صدر خالد قائلة : ماتتصورش سعادتى بيك قد ايه خالد : ولا انتى كمان تقدرى تتصورى انا بخطط عشان مستقبلنا بايه …………….. يخرج خالد من منزل ثريا ليتجه إلى سيارته وما ان أدار محركها وانطلق حتى قام بالاتصال على حمزة وما ان اجابه حمزة حتى صرخ خالد قائلا : حمزة.. انتو بخير كنتم فى الكوخ لما اتحرق حمزة ضاحكا : هى الاخبار لحقت توصل خالد وهو يسب ويلعن تحت أنفاسه : لسه نازل من عندهم والخبر جالها واحنا قاعدين حمزة بشجن : ماتقلقش ياخالد احنا كلنا بخير وكمان معانا خديجة خالد باستغراب : خديجة مين حمزة بمرح : خديجة حمزة زيدان… لاهو انت فاكر انى كنت هسيبها بالاسم المايص اللى امها سمته لها ده خالد ضاحكا : مبروك يا ابو خديجة، وناويين ان شاء الله ترجعوا بالسلامة امتى حمزة : اول ما أوراق خديجة تبقى جاهزة هنيجى على طول ماتقلقش…. اسبوع بالكتير ان شاء الله.. مش هنتأخر عليك خالد : طب بقوللك… ابعتلى صور خديجة حمزة : ده بعينك…. لما تشوفها ع الطبيعة خالد : خليك جدع واقف جنب اخوك حمزة : وصور بنتى ايه علاقتها بوقوفى جنبك من عدمه خالد وهو يبتسم بحنين : اختك نفسيتها وحشة اوى بسبب اللى بيحصل… عاوز اخرجها شوية من اللى هى فيه حمزة بخبث : خلاص هبعتلها الصور خالد : تصدق انك رخم…. مش عاوز منك حاجة حمزة ضاحكا : خد بس هقوللك خالد بعبث : ولا تقوللى ولا اقوللك، انا بطلب منك ليه اصلا، انا هكلم حياة اطلب منها اللى انا عاوزة وهى عمرها ماهترفضلى طلب حمزة صارخا : إياك تعملها ياخالد… اياك اعرف انك كلمتها… وانا ماخليكش تشوف ضل رقية حتى خالد : يبقى تتلم وتبعتلى الصور من غير ماتصيع عليا انا حمزة : غور يا بن عم عبدالله خالد : اغور وهتبعت حمزة : خلاص يا زفت هبعت… غور بقى لتأتى عليه حياة بعد ان وضعت الصغيرة بفراشها : مالك ياحمزة…. صوتك عالى اوى ليقص عليها حمزة ماحدث، لتقهقه حياة بملئ فيها فى حين ينظر اليها حمزة بمكر قائلا : انتى بقى كنتى بتهمسيلى بايه واحنا فى مكتب ديفيد لتحاول حياة استرجاع ذاكرتها إلى تلك اللحظة وعند استيعابها لما يقصد أدارت ظهرها فى محاولة منها للهروب الا انه كان أسبق وامسكها من منكبيها ليديرها اليه هامسا باذنها : قوليها ياحياة… اروى قلبى… وتممى فرحة يومى… قولى ياحياة… قولى لتتوه حياة وهى تستمع لهمسه وانفاسه تداعب عنقها لتندس بين ضلوعه هامسة : قلتلك بحبك لكن دلوقتى…. حسيت ان احساسى بيك اكبر من كده بكتير.. انت بقيت روحى ياحمزة… امتى وازاى…. ماعرفش، اوعى تبعد او تتخلى عنى ياحمزة ليقتنص حمزة شفتيها فى قبلات عميقة بين تسارع دقات قلبيهما، حتى امتدت يديه وقام بحملها وهو يتجه الى الاعلى ثم فصل قبلته ليقول : يوم ما أبعد عنك اعرفى انى مابقيتش عايش ع الارض دى ………… فى اليوم التالى بشركة حمزة تجلس رقية على مكتب حمزة وهى تراجع بعض التقارير الصادرة من المعامل ليدخل عليها خالد : صباح الورد على وردة حياتى لترفع رقيه رأسها بابتسامة وهى تجيب : صباح الخير… اتاخرت خالد وهو يقبل وجنتبها : كنت عند سيادة العميد بعرفه اخر التطورات رقية بانتباه : حصلت حاجة جديدة خالد بصوت خافت : حرقوا الكوخ بتاع حمزة هناك لتشهق رقية فزعا : حد حصل له حاجة خالد : لا ماتقلقيش كلهم بخير بس طبعا هم هنا لسه مايعرفوش المهم جايبلك معايا حاجة حلوة رقية بابتسامة : ايه جايبلى معاك شيكولاتة خالد وهو يخرج مظروفا من جيب سترته ويصعه أمامها : حاجة احلى من الشيكولاتة لتفتح رقية المظروف لتقع عيناها على صور طفلة جميلة فى أوضاع مختلفة رقية وهى تتأمل الصور ببهجة : مين البونبوناية دى…. اوعى تقولى بنت حمزة خالد ضاحكا وهو يقرص وجنتها : قردة على رأى حمزة رقية بسعادة من قلبها وهى تقبل صورة بعد صورة : ياخلاثى ع الحلاوة والطعامة ياناس… بقى السكراية دى هتقولى انا ياعمتو ليتأملها خالد بسعادة لسعادتها ثم يجذبها لتقف أمامه بفرحة خالد : مبسوطة رقية : اوى جدا خالص خالد بعبث : طب مااستهلش حاجة حلوة انا كمان رقية بمكر : الحقيقة تستاهل خالد بهمس وهو يقربها منه : طب ماتيلا هاتى رقية وهى تحاول التملص من بين يديه : طب سيبنى وانا هديك لوحدى خالد بنصف عين : رقية رقية : والله هديك لوحدى ليتركها خالد وهو غير مصدقا اياها لتقول له : غمض عينك خالد : انتى هتخمى رقية : انا حلفت انى هديلك ليزفر أنفاسه وهو يغمض عينيه وماهى الا ثوانى حتى شعر بملمس بشرتها على شفتيه وهى تدس قطعة من الشيكولاتة بفمه ليضحك بشدة وهو يقبض على يديها بعد ان التهم الشيكولاتة وقال : لازم تدوقيها معايا ليقربها منه ويقبل شفتيها برقة ثم أسند جبينه على جبينها وهو ينظر اليها وهى مغمضة العين : بحبك اوى يارقية وعاوزك سعيدة ومتطمنة، انا عارف ان طول عمرك وحمزة امانك…… وانا مش عاوز اكتر من انك تحطينى انا كمان فى ضهرك وتتطمنى بوجودى يارقية. رقية وهى تهز رأسها ايجابا : انت اصلا طول عمرك فى ضهرى ياخالد وطول عمرى بعتبرك أمانى مع حمزة، لانى من زمان وانا عارفة ان ربنا مش هيحرمنى منك ابدا مهما طال الوقت ليمد خالد سبابته ليرفع وجهها اليه : بتحبينى لتومئ براسها بخجل علامة الموافقة خالد بصوت اجش : بحبك يارقية وامنيتى انى اسمعها منك تانى لتفتح عينيها وتنظر الي عينيه لتجده يتجول بملامحها بحب يملا خلجاته فوضعت الخجل جانبا وقالت : انا كمان عمرى ماحبيت ولا هحب حد غيرك… بحبك ياخالد ليضمها بين ذراعية مقبلا جبينها بعمق ليسمعوا طرقات على باب المكتب لتعود رقية إلى مقعدها ويبتعد خالد قليلا لتدخل أميرة تعلمهم بوجود عم سعد يطلب لقائها رقية : خليه يدخل يا اميرة ليدخل عم سعد وهو يلقى السلام وينقل عينيه بين رقية وخالد رقية بابتسامة : ماتقلقش ياعم سعد، اتكلم سعد : عرضوا عليا يدخلونى معاهم فى اللعبة عشان يضمنوا سكاتى وانا فهمتهم انى موافق وفهمت هم بيعملوا ايه رقية : ولقيت ايه ياعم سعد سعد : كارثة يابنتى.. كارثة رقية برعب : ماتتكلم ياعمو على طول سعد وهو يرمى بجسده على مقعدا مقابل رقية : المادة دى بقالنا سنة بنستوردها من غير ماتدخل منها المعامل غير نسبة 50٪ بس والباقى بيتباع برة خالد : ماعرفتش لمين بالظبط اللى عرفته ان مش شركتنا بس اللى بيتعمل فيها كده ده فى اكتر من 3 شركات على نفس الوضع مع اختلاف المادة لكل شركة خالد وعرفت الشركات دى ايه : ايوة…. الورقة دى فيه اسماءهم خالد وهو يتناول الورقة ويقوم بفضها ويبتسم بمكر : كنت متخيل حاجة زى كده، بس لازم نعرف مين اللى بياخد المواد دى منهم سعد : انا سمعت الاسم بس ماكانش واضح اوى وهم بيتوشوشوا… ماهم برضة ماقالوليش على كل الخفايا…. لكن هو اسمه فادى حمدان.. فادى حسان حاجة زى كدة لتبرق عينا خالد وهو يقول بصدمة : تقصد فادى عدنان سعد بلهفة : ايوة ...هو ده يادكتور الله ينور لتنهض رقية من مجلسها وهى تضع كف يدها على فمها من الصدمة بينما يسب خالد من تحت أنفاسه بغضب وهو يتوعدهم بالويل والثبور الثالث والعشرون والرابع والعشرون 23 حمزة الفصل الثالث والعشرون فى مكتب حمزة بشركته بالقاهرة، وبعد خروج سعد رقية باندهاش : ليه فادى يعمل كده، هيستفيد ايه، ده طول عمره علاقته كويسة جدا بحمزة وعمرها ما اتعكرت حتى بعد كل اللى حصل، ده حتى كان حمزة دايما واقف فى صفة خالد : كل مابنقرب.. كل ما القذارة بتزيد والدايرة بتوسع، انا هسيبك وهرجع لسيادة العميد عشان اعرفه بالتطورات دى رقية : ماتكلمه فى التليفون ياخالد… مش لازم تروحله، انا بقيت اخاف عليك، الموضوع ابتدى ياخد سكة تانية، والناس دى مش سهلة ولو عرفوا اللى انت بتعمله ممكن يأذوك ليقترب منها خالد ليضمها إلى صدره قائلا : اوعى تخافى طول ما احنا صح، الناس دى بتأذينا وبتأذى شباب البلد، لكن احنا عمرنا ماأذينا حد الحمدلله…. الناس دى بتقدم السم للناس لكن احنا بنقدم لهم الدواء… وعشان كده ربنا مش هيسيبنا واكيد هينصرنا عليهم…. وان كان عليا.. انا ان شاء الله هفضل بخير طول ماحبيبتى واقفة معايا وبتدعيلى رقية : كنت عاوزة أسألك على حاجة خالد : اسألى ياحبيبتى رقية : هنعمل ايه مع نورا خالد بانتفاضة : فكرتينى، كنت هنسى خالص رقية : خير خالد : كلمت بتوع الأمن يحطوا كاميرات مراقبة زيادة فى أماكن معينة هنا وبرة فى مكتب حياة بحيث نبقى عارفين تحركاتها بالكامل وخصوصا انى شاكك انها عاوزة توصل لحاجة معينة هنا فى مكتب حمزة نورا : انا كمان جالى نفس الاحساس لما جت هنا مع عمتو خالد : عموما للحرص مش عاوزك تسيبى هنا اى ورقة عليها امضتك او امضة حمزة وقبل ماتستلم شغلها هكون ناقل كل الملفات المهمة عندى وهسيب هنا شوية ملفات هيكلية على شغل قديم.. كده يعنى رقية : طب وانا هيبقى لزمتى ايه بقى خالد : لو احتجت امضتك فى حاجة هندهلك عندى تمضيها…. اتفقنا رقية : اتفقنا ………………. فى أمريكا، كان حمزة يتحدث مع خالد الذى يروى له مستجدات الأحداث وبعد أن أنهى المكالمة تدخل عليه حياة لتجده شاردا، لتجلس بجواره بعد ان قبلت وجنته ليبتسم لها قائلا : اهلا ياحبيبتى، اومال خديجة فين حياة ضاحكة : قاعدة مع هرم المارشميلو بتاعها هى والمربية حمزة مبتسما : طلبت منى اننا لما نرجع مصر انى لازم اخودهولها معانا حياة شاهقة : ياخبر….. وهتعمل ايه حمزة وهو يعود برأسه للخلف : قولتلها تملا شنطتها بالكمية اللى عاوزاها وأننا لما نرجع القاهرة هتلاقى هناك هرم تانى حياة ضاحكة : عشان تبقى أميرة المارشميلو على حق لتلاحظ شرود حمزة فتسأله : مين كان بيكلمك وخلاك مسهم بالشكل ده حمزة : ده خالد.. كان بيحكيلى على التطورات حياة : وفى جديد حمزة : ايوة عرفنا اسامى االشركات اللى بيحصل معاها كده واسم كل مادة بتتسحب منها ومين اللى بيشترى المواد الخام حياة : وطلع حد نعرفه حمزة : فادى عدنان لتنتفض حياة قائلة : ايوة ايوة انا بقيت عمالة اقول شفته فين قبل كده حمزة : هو مين ده مش فاهم حياة : فاكر لما قلتلك انى شفت منصور وعدلى وهم شكلهم زى مايكون بيزعقوا قدام شركة…. للادوية وكان معاهم واحد حاسة انى شفته قبل كده بس مش فاكرة فين الواحد ده كان فادى عدنان طليق نورا لتلتمع عينا حمزة بالغضب لتلاحظها حياة فتسأله برهبة : طب هو ليه بيعمل كده… مصلحته ايه حمزة موضحا : لما تحطى مادة… على مادة… على مادة… على مادة…. يحصل ايه لتبرق عينا حياة : ماكس…. بيصنعوا ماكس حمزة بغضب : وعلى حسابنا الشخصى…. بنشتريلهم المواد الخام على حسابنا وهم يادوب باضافات بسيطة يحولوها لكميات ضخمة يمـ,ـوتوا بيها شبابنا واولادنا ويربوا من وراها ملايين الملايين حياة : والعمل حمزة : هيدفعوا التمن غالى….وغالى اوى كمان حياة : ناوى على ايه ياحمزة… الناس دى مابتتفاهمش حمزة : ناوى البسهم البدل الحمرا ان شاء الله… وانا كذلك لفاعلون …………… فى مكتب خالد بالشركة يدلف إلى مكتبه صباحا ليجد نورا بانتظاره، وما ان رأته حتى هبت متجهة اليه تنوى تقبيله ليغلق الباب بعـ,ـنف ويبعدها عنه زاجرا اياها بقسوة قائلا : انتى مجنونة…. نسيتى روحك واللا ايه…. بقى هو ده اللى اتفقنا عليه نورا ممتعضة : كل الزعيق ده عشان وحشتنى خالد : ولما حد يشوفنا ويبلغ حمزة واللا رقية ونترمى فى الشارع من غير لا ابيض ولا اسود نورا وهى تزفر أنفاسها : معاك حق… انا اسفة خالد : تعملى حسابك انك اول ماهتستلمى الشغل مافيش كلام نهائى بينا غير فى الشغل ومااشوفش خيالك ناحية مكتبى الا لو حمزة او رقية اللى باعتينك عندى لتدب بقدمها على الارض ساخطة : بس ده كتير اوى خالد بحزم : لو مش هتقدرى تلتزمى يبقى تقعدى فى البيت لحد اما نتجوز او اشوفلك شغل فى شركة تانية نورا باستسلام: خلاص ياسيدى هستحمل وامرى لله… بس افرد وشك بقى.. بقولك وحشتنى ليبتسم خالد بجانب شفتيه وهو يتقدم نحو الباب قائلا : طب حصلينى ياللا عشان اسلمك شغلك ليذهب بها إلى رقية ويدلف اليها بعد ان تأذن لهم بالدخول وما ان وقعت عيناها على نورا الا وهبت واقفة وذهبت لاحتضانها مرحبة وهى تشير بيدها لخالد بعلامة القـ,ـتل ليبتسم خالد ويتنحنح قائلا : انا قلت اخليها تيجى تسلم عليكى قبل ما ابعتها لشئون العاملين عشان تمضى العقد رقية بتأنيب : ايه الكلام ده ياخالد.. نورا صاحبة شركة… ماتروحش لشئون العاملين… شئون العاملين هى اللى تجيلها لحد عندها قالت ذلك وهى تخرج ملفا من درج مكتبها وتعطيه لنورا بابتسامة كبيرة وهى تقول : خدى يانورا العقد بتاعك اهوه امضيه، بس ايه التانق والجمال ده يانورا… انتى صحيح طول عمرك جميلة بس الحجاب هياكل منك حتة ومنور وشك ياسلام بقى لما تبقى مساعدة مدير مكتب رئيس مجلس الإدارة…. وااااو وتبقى مسئولة عن المؤتمرات العالمية وتلفى العالم وتقابلى أغنى اغنياء العالم من أصحاب الشركات الطبية… ده انتى هتهيصى كانت رقية تتحدث وخالد يفتح الملف أمام رقية ويشير لها مكان التوقيع فى كل ورقة حتى انتهت وهى لا تعى سوى ما صورته لها خيالاتها واطماعها مع كلام رقية، وأغلق خالد الملف وهو يقول : انا نازل المعامل وهوصل الملف فى طريقى لشئون العاملين عشان يوثق لها العقد بسرعة وعندما استدار خالد نادته رقية قائلة : حمزة عاوزك تكلمه لتنهض نورا قائلة : حمزة كلمك….! امتى رقية بابتسامة واسعة : النهاردة الصبح، واحتمال يوصلوا على الأسبوع اللى جاى خالد بابتسامة وهو ينظر لنورا : ييجى بالسلامة.. ياللا يانورا روحى لاميرة وهى هتشرحلك كل حاجة… عاوز حمزة لما يرجع يلاقيكى البريمو ليغادر إلى مكتبه بينما خرجت نورا إلى أميرة كالطاووس وهى تخطط للاستيلاء على الشركة بما فيها …………….. بعد اسبوعين، وبعد أن عادت رقية من الشركة تجلس لتناول طعامها لتسمع رنين هاتفها لترد قائلة : موزة…. وحشتنى ياحبيبى عامل ايه حمزة ضاحكا : انا بخير ياحبيبتى انتى عاملة ايه، فى الشركة واللا روحتى رقية : روحت وباكل كمان.. تعالى كل حمزة ضاحكا : ده على حسب اللى بتاكليه هيعجبنى واللا لا لتترك رقية الشوكة من يدها وتهب وهى تجرى إلى باب الشقة لتفتحها وهى تشهق عندما وجدت حمزة مستندا على الباب ضاحكا ويقول : ااه ياقردة……. قفشتينى رقية وهى ترتمى بأحضان شقيقها وتقبله بجنون أثناء حمله لها وهو يبادلها الاحضان والقبلات بضجة شديدة : وحشتنى ياميزو…. اوعى تسافر بعيد عنى كتير كده مرة تانية ثم تترك حمزة وتتجه الى حياة لتكرار مافعلته وقالته لحمزة مرة أخرى…. ثم نظرت لخديجة بحب وفرحة عظيمة وجلست على ركبتها وهى تفتح ذراعيها قائلة : تعالى فى حضن عمتو ياقلب عمتو لكنها وجدت رقية واقفة مكانها تنقل عينيها بينهم جميعا وترسم ابتسامة كبيرة على وجهها، لتنظر رقية إلى حمزة قائلة بامتعاض: هى مابتجيش ليه حمزة ضاحكا : لأنها ياذكية لسه مابتعرفش عربى رقية بالإنجليزية وهى على نفس وضعيتها : ادخلى إلى احضان عمتك التى اشتاقت اليكى كثيرا حلوتى لترتمى خديجة بأحضانها بسعادة وهى تعطيها قطعة من المارشميلو قائلة : انا ديجا.. أميرة المارشميلو لتحتضنها رقية وهى تقبلها بسعادة وتفك غلاف المارشميلو وتضعه فى فمها قائلة : انى اعشق المارشميلو لتضحك خديجة وهى تتقافز بسعادة : اذا سأكون ثرية رقية : وما العلاقة يا ابنة اخى خديجة : سابيعك هرم المارشميلو خاصتى وساكسب ثروة عظيمة رقية وهى تفتح فمها : وهل تملكين هرما من المارشميلو خديجة : نعم، اشتراه لى والدى رقية ضاحكة وهى تقول لحمزة : قابل ياعم بنتك هتبقى نصابة عظيمة فى المستقبل ليضحكوا جميعا الا خديجة التى عنـ,ـفتهم بقولها : انا لا أفهم لغتكم، تحدثوا بلغتى حتى اضحك معكم رقية وهى تضحك بشدة : إياكى والغضب يا أميرة المارشميلو… اعطى لى فرصة لمدة أسبوعين فقط وسأجعلك عالمة بكل بواطن الامور حمزة : يبقى عليه العوض …………….. مساءا يجلس الجميع بشقة حمزة وبصحبتهم خالد يتناقشون فى كل ماحدث وتوابع الأحداث بعد نوم خديجة خالد : الشحنة هتوصل المينا بعد يومين حمزة : تمام اوى، ومين اللى هيستلمها خالد مبتسم بسخرية : الحقيقة منصور وعدلى طلعوا ولاد أصول وصمموا انهم يستلموا الشحنة بنفسهم بما انك مسافر والمصونة نورا قالت إن لازم حد مننا يبقى معاهم عشان نبقى متطمنين فاتطوعت تروح معاهم عشان بالمرة تتعلم حمزة : عاوزك تحجزلهم فى افخم الاوتيلات فول بورد طبعا ويسافروا بعربياتنا ويسوقوها بنفسهم طبعا لأنهم مش عاوزين بينهم حد غريب، والعربيات بالاوتيل يبقوا جاهزين لاستقبالهم ياخالد خالد : اوامرك يابوص… بس ناخد اذن سيادة العميد حمزة ضاحكا : طبعا… انا بحب أمشى قانونى، وانتى يارقية.. عاوزك ماتروحيش الشركة بكرة وكلمى نورا تحل محلك… عاوزين نديها فرصتها خالد بسخرية : ااه وخصوصا بعد صدمة نجاتك انت وحياة من الكوخ رقية بتساؤل : تفتكروا عمتو معاهم فى موضوع الماكس ده حمزة : ده أن ماطلعتش هى زعيمة العصابة اصلا 24 حمزة الفصل الرابع والعشرون فى اليوم التالى بشقة حمزة تخرج رقية من غرفتها وهى ترتدى ملابسها لتجد حمزة وحياة يجلسون بغرفة الطعام يتضاحكون مع خديجة وهى تتناول افطارها لتقبلهم جميعا ثم تقول رقية : صباح الخير ياحلوين ليردوا عليها التحية الا خديجة التى نظرت إليهم بغيظ لتدرك رقية الموقف فتنظر إلى خديجة وتقول وهى تمثل حركة الولاء الملكى : دمتى صباحا سمو الاميرة لتسعد خديجة وترد ضاحكة : دمتى صباحا أيتها الوصيفة ليضحكوا جميعا بينما ينظر حمزة الى رقية قائلا : عرفتى هتعملى ايه رقية : ايوة، هاخد الأوراق من خالد احطها فى مكتبك واسيبلها المكتب وامشى حمزة : تمام، وانا هكلم خالد يتأكد من شغل الكاميرا والصوت رقية وهى تمسك وجه خديجة وتقبلها بوجنتها بمرح : استأذن سموك فى الذهاب إلى العمل خديجة وهى تشير اليها بظهر كفها بشموخ : فلتذهبى ولا تنسى أن تأتى لى بما طلبته منكى لتخرج رقية بظهرها وهى تنحنى ضاحكة وتقول : امر مولاتى حياة وهى تقبل خديجة بحنان وحب : هيا ديجا، انتهى من طعامك حتى نتمكن من الذهاب والعودة سريعا حمزة : الن تسمحوا لى ان آتى معكم خديجة ضاحكة : لو تناولت افطارك جيدا سادع امى تسمح لك بالذهاب معنا ليقول حمزة لحياة التى تجمدت مكانها وهى تنظر إلى حمزة : هل تسمح الماما بأن اذهب بصحبتكم حياة والدموع تتجمع بعينها : قالت عليا ماما ياحمزة حمزة بحنان : انا اتفقت معاها على كده وهى كانت مبسوطة جدا بده ليتفاجئوا بخديجة تضرب على المائدة بكف يدها الصغير بغيظ قائلة : ألم اقل لكم لا تتحدثوا بلغة لا افهمها حمزة : انا اسف صغيرتى خديجة : تقصد اميرتى حمزة ضاحكا : حسنا اميرتى، سوف نتفق اتفاقا سريا خديجة وهى تصفق بيديها : اجل اجل اجعل لنا سرا حمزة : سوف تتعلمين لغتنا دون أن يعلم احد… خاصة عمتك رقية خديجة : ولما حمزة : حتى نلهو معا ونجعلها مفاجئة لها هى والعم خالد، ما رأيك خديجة : وماذا سنفعل حمزة : ستذهبين إلى معلمة كل يوم لمدة ساعتين فقط وفى فترة قصيرة جدا سوف تفهمين لغتنا خديجة : هل سأذهب إلى المدرسة حمزة : اجل ولكن ليس الآن فانتى مازلتى صغيرة، ولكن فى العام القادم ستصبحين كبيرة بما يكفى لان تدخلى المدرسة حياة : ماذا تريدى أن تصبحى حين تكبرين ديجا لتنظر ديجا إلى أعلى قليلا وهى تفكر ثم تقول : اريد ان اصبح مثل جوليا حمزة بتقطيبة : كيف، وماذا تصنع جوليا خديجة : جوليا تعتنى بالزهور والببغاوات حياة بدهشة : وكيف ذلك خديجة : جوليا لديها ارض صغيرة مليئة بالزهور وقالت لى مرة انها تحولها لعطور رائعة وتمتلك غرفة كبيرة مليئة بالببغاوات كنت العب معهم واطعمهم ولى ببغاء صديقى اشتقت له كثيرا كنا نلعب ونتحدث سويا ليلاحظ حمزة شوقها لببغائها فسألها : وما اسم ببغائك خديجة : اسمه الثرثار لتضحك حياة وهى تسألها : ومن اسماه بهذا الاسم خديجة : انا، فهو لا يكف عن الثرثرة، أوتعلمون بما ينادينى ذاك الثرثار حمزة بمرح : بماذا يدعوكى خديجة : يدعونى بالنسناسة الصغيرة، ثم تكمل ضاحكة : لانى كنت استطيع التنقل بمهارة بين أفرع الشجر حمزة وهو ينهض بعد ان اكمل افطاره : اذا هيا بنا خديجة بمرح : هيا بسرعة …………………. تدخل رقية إلى مكتب حمزة وتخرج من حقيبتها ملفا مليئا ببعض الأوراق أعطاه لها خالد، وقامت بوضعه بأحد ادراج المكتب ووضعت المفتاح بالدرج من الخارج ووقفت بمكانها وهى تستدعى نورا وادعت انها على عجلة من أمرها وهى تخرج بعض الأوراق لتضعها بحقيبتها أمام نورا وهى تقول لها : بقوللك يانورا انا مضطرة انى اسيب الشركة دلوقتى عشان فى اجتماع مهم برة هحضره انا وخالد انتى مكانى هنا، خليكى فى المكتب عشان الكل يعرف انك مكاننا ماشى ياقمر نورا بسعادة لم تستطع اخفائها : الا ماشى، مع السلامة انتى وماتقلقيش خالص وقامت رقية بالتلفت حولها وهى تدعى انها تتمم على أن كل شئ بخير وتعمدت الا تنظر إلى درج المكتب الذى تتدلى منه ميدالية مفاتيحها، وقامت بالذهاب سريعا بينما جلست نورا على مقعدها بسعادة ولكنها عادت لتقف وراء النافذة حتى تأكدت من ذهابهم بسيارة خالد، لتعود إلى الباب وتتأكد من إغلاقه جيدا لتسرع إلى ادراج المكتب لترى دلاية المفاتيح الخاصة برقية تتدلى من احد الإدراج لتمد يدها لتفتح الدرج بسرعة لتجد ملفا وعند فتحه تبرق عينيها بجشع وسعادة وهى تمسك بيدها بعض أوراق الملكية الخاصة بحمزة ومعهم شيكا بنكيا موقع من حمزة وغير مؤرخ بمبلغ مئة مليون دولار، ثم وبعد أن قررت أن تأخذ الملف بأكمله الا انها تراجعت عن ذلك وقررت ان تحصل فقط على الشيك لتضعه بجيب بنطالها وعقدا لملكية قطعة أرض كبيرة بالساحل الشمالى وتتجه مسرعة إلى الخارج لتحضر هاتفها وتغلق الباب مرة أخرى لتجلس بغرور على مكتب حمزة وهى تتحدث بهاتفها قائلة : انت كمان وحشتنى …………. نورا : انا فى عقر دارهم ومش هتصدق معايا ايه ………… نورا وهى تلوح بسبابتها بنصر وكان من تحادثه يراها: شيك لحامله ممضى من حمزة زيدان ذات نفسه ب100مليون دولار ومن غير تاريخ ………… نورا : يعنى اعمل ايه ………… نورا : انت اتجننت، طب والشحنة ……….. نورا : اقصد ان كده كده الشيك من غير تاريخ، يعنى احنا بعد بكرة ناخد الشحنة ونتطمن انها بقت فى مخزنا ومعملنا وبعدين اصرف الشيك واختفى للابد ………. نورا منتفضة من مكانها : لعبة.! ومين اللى يفكر يلعب عليا فى حاجة زى دى ……….. نورا بحقد : بسيطة… وقتها يبقى اقول ان خالد هو اللى اداهونى عشان اصرفه، وهو انا يعنى هجيب الشيك ده منين ……… نورا : خلاص يافادى لما نتقابل فى السفر نبقى نتفق على كل حاجة ياللا سلام دلوقتى لتغلق الهاتف وتمد يدها إلى الدرج وتغلقه بالمفتاح وتلقى بالدلاية على الأرض أسفل المكتب حتى تظن رقية انها سقطت منها من دون قصد وأتت ببعض الملفات وجلست لتكمل عملها وكأن شيئا لم يحدث بعد ان عبثت قليلا بباقى الإدراج ولم تجد بهم شيئا يثير اهتمامها وبعد عشر دقائق وجدت رقية تفتح باب المكتب وتسالها دون أن تنظر اليها : نورا… ماشفتيش المفاتيح بتاعتى بدور عليها ومش لقياها لتنهض نورا وتخرج من وراء المكتب وهى تدعى انها تبحث معها لتدخل رقية مكانها وهى تنظر فى كل اتجاه حتى هبطت على ركبتها وهى تلتقط المفاتيح قائلة : اهى الحمدلله لقيتها لتتجه الى باب المكتب مرة أخرى قائلة : سلام يانورا… اشوفك بكرة قبل ماتسافرى ان شاء الله نورا مسرعة : هو انا لازم اجى على هنا الأول، مانا ممكن اطلع من البيت عادى رقية دون اهتمام : براحتك هخلى السواق يجيبلك العربية ع البيت نورا : ليه سواق، انا بحب اسوق رقية : خلاص براحتك، هخليهم يسلموكى العربية اللى هتسافرى بيها، خديها وانتى ماشيىة لتنظر لها نورا بعدم فهم، لتقول لها رقية وهى تقرص وجنتبها : عربياتنا مميزة فى المينا واللى راكبها بيتعامل برضة معاملة مميزة، بس انتى كده هتزهقى انا قلت هتسافرى معاهم نورا : لا لا.. انا عاوزة ابقى براحتى رقية وهى تتجه للخارج مرة أخرى : تمام، ترجعى بالسلامة …………………… فى المينا، يقف فادى ومنصور وعدلى بجوار نورا فادى : فاضل ايه، احنا مستنيين ايه دلوقتى عدلى : عشر دقايق بس والعربيات تكون اتشونت ونمشى على طول نورا : الكميات اتقسمت واللا لسه هتتقسم بعدين منصور : لا من الناحية دى اتطمنى، فى عربيتين هيطلعوا على الشركة وانا وعدلى معاهم والتلات عربيات اللى باقية هتطلع على مخازنا فادى : ومافيش اخبار عن باقى المواد عدلى : كله فى المخازن من اسبوع مافاضلش غير شغل شركة….. اللى هيوصل بعد 3 ايام بالظبط نورا : تمام عدلى : ياللا ياجماعة كله كده تمام وكل الورق معانا خلونا نمشى عشان نوصل قبل الضلمة ليتجه عدلى ومنصور إلى سيارة ونورا وفادى إلى الاخرى ………………… فى سيارة نورا نورا : ها يافادى.. قررت هنعمل ايه فادى : احنا هنكمل شغلنا عادى وانتى هتروحى البنك الصبح تصرفى الشيك اللى معاكى نورا : وبعدين فادى : لو صرفتى الشيك فعلا تبقى ضربة العمر وهتبقى العملية دى اخر عملية نعملها وبالفلوس اللى معانا نطلع على أسبانيا، انا ليا أصحاب هناك و نعمل هناك مشروع نعيش منه ملوك نورا ببعض الغضب : ااه، وترجع تخسرنا الفلوس ونشحت من تانى زى ماعملت قبل كده فادى بحدة : مش كل شوية هتقعدى تبكتى قيا لا انا اول ولا اخر واحد يخسر فلوسه فى البورصة وماتنسيش انى لسه بسلطتى والا كانوا أعلنوا افلاسى من زمان نورا بتهكم : ماتنساش ان لولا أن الشركة باسم عالية اختك.. كان اتحجز عليها هى كمان وكانت فضيحتنا هتبقى بجلاجل فادى : عموما ماتقلقيش احنا هنبقى شركا وكل حاجة هتحصل هتبقى بعلمك وموافقتك ثم يزفر فادى بحنق قائلا : هو احنا لازم نتخانق كل مانتقابل نورا بمجون : احنا ماتخانقناش امبارح فادى بخبث : مانتى اصلك كنتى وحشانى الصراحة نورا بِوقاحة : تقصد انك خلاص كده فادى : وهو انتى ينشبع منك ابدا… امتى بقى ترجعى لحضنى تانى نورا بضحكة ماجنة : هانت ياروحي … هانت الخامس والعشرون والسادس والعشرون 25 حمزة الفصل الخامس والعشرون فى شقة حمزة، يجلس حمزة ومراد يتابعون تسجيلات محادثات عصابة الواغش كما يسميها خالد ويسمعون إلى احاديثهم عن طريق الميكرفونات التى زرعوها بالسيارات بعلم وتصريح من سيادة العميد محيى وعند انتهائهم من الاستماع لحديث نورا وفادى جاء إلى اذانهم حديث منصور وعدلى كالتالى منصور : مالك ياعدلى ساكت من ساعة ما طلعنا من المينا، ايه الحكاية عدلى : مش عارف يامنصور حاسس ان فى حاجة كده قلقانى منصور : حد برضة يقلق وهو داخل على هالومة الخير دى كلها! دى ملايين ياعدلى…. ملايين عدلى : ماهو عشان عارف انها ملايين يامنصور منصور : مش فاهمك عدلى بعد فترة صمت : انت مش ملاحظ حاجة غريبة منصور : نورنى انت وقولى….. ايه اللى انا مش ملاحظه عدلى : نورا وفادى منصور : اشمعنى عدلى : اول مرة يحضروا بنفسهم حاجة زى دى، كان دايما التسليم بيبقى من مخازن زيدان مش من المينا منصور : بس ماتنساش ان كده أأمن بكتير عدلى : وانت كمان ماتنساش ان الكميات كل مرة ماكانتش ابدا بالحجم ده، ثم انا شفت فى عينهم لمعة طمع قلقانى منصور بقلق : تقصد ايه عدلى : خايف من الخـ,ـيانة ياصاحبى لينتفض منصور قائلا : لا لا ياعم خـ,ـيانة ايه اللى بتتكلم عنها عدلى : ليه، انت مالاحظتش ان كل شوية كان فادى ياخد نورا على جنب ويقعدوا يتودودوا سوا بعيد عننا منصور : ماتنساش انها مراته ياجدع، واكيد يعنى فى بينهم كلام كدا واللا كدا عدلى : اهو ده ادعى انه يخلينى اقلق.. الناس كلها فاهمة انهم متطلقين، ومن كذا سنة.. ايه بقى اللى جد يخليهم ولا هاممهم كده، ده انت كمان ماشفتهومش امبارح وهم بيرقصوا فى النايت كلاب ولا وهو ساحبها على اوضته عينى عينك… لالا الموضوع مش تمام منصور : يعنى هياخد الشحنة ويخلع عدلى : مايقدرش من غيرنا… احنا اللى بنطبخ وعارفين المقادير، مايقدروش يتصرفوا من غيرنا منصور : اومال ايه ياعم…. انت عاوز تقلق وخلاص عدلى : اسمع يامنصور….. العملية دى بالذات لازم تتقسم خام منصور : تقصد ايه عدلى : يعنى كل واحد ياخد نصيبه بضاعة ويصرف نفسه بمعرفته، لانى حاسس ان الغدر هييجى من تمن البضاعة منصور : طب وهنجيبهالهم ازاى دى بقى عدلى : لما نتجمع بكرة فى المخزن انا هتصرف… المهم انت توافقنى على اللى هقوله، وكمان تبقى متسلح منصور بخوف : فى ايه ياجدع… ليه كل ده عدلى بشرود : الاحتياط واجب يابن عمى ……………………. ليعودا لتسجيلات سيارة نورا فادى : بقوللك ياحياتى نورا : قول ياحبى فادى : انا عاوز ماما تتفق مع الاسيوطى انه يقول قدام الجماعة انه هيقسط السعر عشان المبلغ هيبقى كبير حبتين نورا : طب وليه، ماتخلينا نخلص فادى : احنا مسافرين ومش راجعين تانى، يعنى محتاجين كل قرش نقدر نجمعه معانا نورا : انت تقصد اننا هناخد احنا بقيت تمن البضاعة فادى : الله ينور عليكى نورا : بس خد بالك عدلى مش بالساهل كده انه يتاكل فادى : ماتقلقيش انتى … سيبينى انا اتصرف ……………….. عند حمزة خالد : يا ريتهم لما يتجمعوا النهاردة يخلصوا على بعض ونخلص منهم خالص حمزة : اه منها الواطية، طب ليه يفهمونى انها اتطلقت خالد : لان طول ماهى فى عصمة جوزها مش هتقدر تسحب منك كل الفلوس اللى كانت بتسحبها دى كل شوية حمزة : لو كانت جت وصارحتنى بالحقيقة كنت ساعدته يقف على رجله من تانى بس بنضافة خالد : احنا هنضحك على بعض ياحمزة : مانت عارف ان فادى طول عمره شغله شمال، وعمره ماهينضف حمزة بأسى : كل ما ده وبتأكد انى مش غلطان فى اللى عملته، انا بس صعبان عليا اسم ابويا لو الصحافة والاعلام شموا خبر بالموضوع ده…. الله يسامحك ياعمتى، الله يسامحك لتدخل عليهم رقية وهى تحمل خديجة وهم يضحكون ويلتهمون المارشميلو بشغف ويرتدون ملابس منزلية متشابهه عبارة عن بنطال بعد الركبة ومن الأعلى كنزة قصيرة عليها رسوم كرتونية مضحكة ويضعون على رأسهم غطاء شبيها بباريهات الشرطة، ليضحك حمزة وخالد فور رؤيتهم بهذا الشكل حمزة ضاحكا: ماذا تفعلون وما هذا الشكل خديجة : انا وامى ورقية قررنا ان نرتدى نفس الملابس ليضحك خالد وهو يأخذ خديجة من رقية ويدغدغها من قدميها لتتعالى ضحكاتها فى حين يتجه حمزة الى الداخل ليفتح باب غرفته ويدلف إلى الداخل ويغلق الباب بهدوء ليرى حياة تجلس بهدوء وتركيز وهى تطالع على هاتفها بعض الاخبار العلمية، وهى ترتدى رداءا يماثل ما ترتدياه خديجة ورقية وترفع شعرها لأعلى دون ترتيب وهى تجمعه بقلم لتتساقط بعض الخصلات بفوضوية ليزيدها جمالا ورقة، وبعد أن توقف الزمن بحمزة وهو يراقبها باستمتاع دون أن تدرى بوقوفه، إذ بحمزة فجأة يناديها بهمس وصل لقلبها قبل اذنها، لتنهض لملاقاته وتدخل باحضانه قائلة : خلصت كلامك مع خالد ليضم حمزة حاجبيه قائلا بخبث : خالد مين، ثم يديرها أمامه وهو يشاهده بتروى ثم اكمل قائلا : ايه الحلاوة دى كلها، طالعة تجننى حياة بخجل : دى فكرة رقية : قالت كل البنات يوحدوا اللبس عشان خديجة تبقى مبسوطة، وهى اللى نزلت امبارح جابت لنا اطقم كتير اوى حمزة مبتسم بشغف : انا قلتلك النهاردة انى بحبك لتومئ حياة رأسها علامة الرضا، ولكن حمزة يرفع رأسها بسبابته ويقول : بس انا مش فاكر ليميل عليها مقبلا اياها برقة طاغية ثم قال لها : شكرا ياحياة حياة باستغراب : على ايه ياحبيبى ليمسك كفها واضعا اياه على مضخته قائلا : انك رجعتيلى الأمل انه يعيش حلمه فى الحياة وقبل ان يميل عليها مرة أخرى يسمع طرقات رقيقة متتالية على باب الغرفة وصوت خديجة وهى تنادى على حياة لترتجف حياة بين يديه عند سماع لقبها الجديد من فم خديجة لتسرع إلى الباب وتفتحه وتنحنى اما م خديجة قائلة : نعم يا حلوى القلوب خديجة : امى انا اريد ان…… وتميل على اذن حياة وهى تهمس لها بشئ ما جعل حياة تبتسم بعيون متغرغرة بالدموع فتاخذ خديجة بين احضانها وتنهض وهى حاملة اياها وتسألها قائلة : هل ذهب العم خالد ام مازال بالخارج خديجة : لقد ذهب بعد ان لعبنا كثيرا حياة : حسنا.. هيا بنا لتقوم بأخذها وتذهب إلى الخارج لتتجه الى المطبخ ووراءهم حمزة، وتقوم بتحضير الطعام لخديجة حمزة : هى كانت عاوزة ايه حياة بابتسامة سعيدة : جعانة وعاوزة تاكل حمزة باستغراب : طب ليه ماطلبتش من عزة واللا وردة لتنظر له حياة بلوم : وليه ماتطلبش منى انا، مش انا برضة امها وقبل ان يتحدث حمزة ضربت خديجة بكفها كالعادة معترضة على تحدثهم بالعربية حمزة : اميرتى الجميلة، هل انتى جائعة بشدة خديجة : نعم… وطلبت من امى ان تعد لى بعض الشطائر حمزة : ولم لم تطلبى من الآخرين اميرتى فكلهم رهن اشارتك خديجة : انا احب ان تصنع لى امى ما اريد مثل كارولين حمزة بتساؤل : ومن هى كارولين خديجة : انها ابنة بانى الصغرى حمزة : ومن تكون بانى هى الاخرى خديجة : مساعدة جدتى، ثم قالت بحزن : وهى اميرة امها المفضلة حمزة بعبوس : ولما خديجة : كانت دائما تطلب ماتريد من بانى وهى تقول لها اريد هذا الشئ امى، فكانت بانى دائما تجيبها قائلة : نعم اميرتى وتصنعه لها على الفور، اما انا فلم يكن لى امى وقتها، كنت انا وجوليا فقط حمزة بحزن : وماذا عن كيت خديجة : كنت قليلا ما أراها ، وعندما تأتى كانت تتشاجر مع جوليا، ولا تتحدث معى حمزة باسف وهو يضم خديجة : سامحينى يا اميرتى، لقد تأخرت عليكى كثيرا، ولكنى اعد لكى مفاجأة ستجعلكى تتقافزين كالنسناس الصغير خديجة بسعادة وهى تصفق بيديها الصفيرتين : وماهى حمزة وهو يمسك كفها الرقيق ويحصى على اناملها، يوم ويوم ويوم ثم تعرفينها خديجة بمرح : اذا بعد ثلاثة أيام حمزة : وهل تعرفين الاعداد خديجة : نعم، علمتهم لى امى بالأمس، وشغلت لى على الهاتف افلام جميلة تعلمت منها ان اعد حتى رقم عشرة ليرفع حمزة عينيه ليلتقى بعينا حياة التى تشاهده بحب بعد ان وضعت الطعام أمام خديجة التى بدأت فى التهامه على الفور ليهمس لها دون صوت : بحبك، لتبتسم عينيها قبل شفتيها وعندما همت بالحديث تاتى رقية وهى تنادى حمزة : ياحمزة تليفونك عمال يرن وانت ولا انت هنا حمزة : مين رقية : سيادة العميد ليأخذ منه الهاتف ليجيب قائلا : السلام عليكم، ازى حضرتك ……… حمزة بانتباه : طب وراى حضرتك ايه ……………… حمزة وهو يجيل عينيه بين حياة ورقية : انا لغاية دلوقتى ماحدش عرف انى فى مصر …………….. حمزة : اللى تؤمر بيه حضرتك، بس انا لازم ابقى موجود ……………. حمزة : حضرتك عارف انى بعرف اتحكم فى غضبى كويس …………… حمزة : تمام يافندم، هبقى عند حضرتك فى المعاد ليغلق الهاتف ثم ينظر لحياة ورقية قائلا : قرروا يهاجموا المخازن بتاعتهم النهاردة ويقبضوا عليهم متلبسين، خايفين لايهربوا رقية : طب ماهو ممكن ينكروا حمزة : التسجيلات اللى تمت كلها بأمر النيابة، وعاوزين يطلعوا تصريح بالقبض على اللى بيشتروا منهم الماكس بعد اعترافاتهم من غير شوشرة عشان مايحصلش مواجهه مسلحة، عاوزين ياخدوه من بيته حياة بخوف : والكلام ده امتى حمزة : بعد ساعتين، يادوب اغير هدومى واروحلهم لتنتفض حياة من مكانها ولأول مرة على مدى مايقرب من ثمانية أعوام يسمع صوت حياة عاليا بغضب فانتفضت صارخة بحمزة : انت اتجننت ياحمزة، تروح فين، ده شغل البوليس، ثم وبعدين ممكن يحصل ضرب نار، ايه اللى يوديك وسط كل ده، ايه…. مش خايف على روحك…خاف على بنتك… اختك، وانا…. ايه.. مافكرتش فيا لو حصللك حاجة انا هعمل ايه….. ليه كده ليه.. متبقاش انانى ياحمزة لتجلس على الارض وهى منهارة بشدة ليجذبها حمزة محتضنا اياها بيمناه وهو يضم رقية وصغيرته التى احست بالخوف دون علمها بالسبب بيسراه قائلا : انا مش انانى ياحياة انا بس عاوز اتطمن ان مش هيبقالهم ديل تانى ممكن يطول ويأذى اى حد فينا من تانى رقية وهى تحاول لملمة كلماتها من رهبة الموقف : ايوة ياحبيبى… بس حياة عندها حق، افرض لا قدر الله حصلت مواجهة بينهم وطلقة طاشت كده واللا كده يبقى ليه حياة وهى لازالت على بكائها : وبعدين ربنا سبحانه وتعالى قال ' ولا تلقوا بايديكم إلى التهلكة' حمزة : صدق الله العظيم، حاضر ياحياة، حاضر يارقية هفضل معاكم ليتبادلا الاحتضان، بينما حمزة شارد فيما سيحدث 26 حمزة الفصل السادس والعشرون فى شقة حمزة، يجلس حمزة وخالد بغرفة المكتب وسط جو من التوتر.. فقد أصرت حياة ورقية على عدم اشتراكهم فى عملية الهجوم على مخزن عصابة الواغش واصرت رقية ان يبقى خالد معهم حتى لو اضطر للمبيت ولا يبرح شقتهم الا اذا علموا بانتهاء العملية، حتى سمعوا رنين هاتف حمزة ليزدرد لعابه وهو يرد بلهفة قلقة : ايوة يافندم، طمنى ………… حمزة بتجهم : وحالتهم خطيرة ……….. حمزة : نص ساعة وهكون عند حضرتك خالد : ايه اللى حصل قبل البوليس مايهجم…. الظاهر انهم اختلفوا زى ماكانوا ناويين، وحصل بينهم ضرب نار خالد : ماتخلص ياحمزة انت هتنقطنى، ماتقول مين حصلله ايه حمزة بقهر : عمتى ماتت خالد بصدمة : هى كانت معاهم حمزة : فى حاجات لسه انا مش فاهمها، لما اروحلهم اكيد هفهم اكتر ليخرجا من الغرفة متجهين إلى الخارج لتنهض حياة مهرولة مع رقية إليهم وهما تصيحان : على فين حمزة : على المديرية، سيادة العميد طالبنا هناك حياة وهى تمسك بكف حمزة : احلف انك مش رايح تحضر الهجوم حمزة بعتاب : انا مابكذبش عشان احلف ياحياة حياة باصرار يشوبه بعض الغضب الممزوج بالدموع : احلف ياحمزة، يااما رجلى على رجلك حمزة بغضب مكبوت : مش هحلف ياحياة، ومش هتيجى معايا، ولولا ان عندى معاد كان هيبقالنا كلام تانى مع بعض، بس مش معنى كده ان حسابنا خلص على كده ليستدير بغضب متجها إلى الخارج، لتجلس حياة بمكانها أرضا وهى لا تصدق ان حمزة قد تركها وذهب غاضبا منها، قلبها يتآكل من الخوف على سلامته، لتربت رقية على كتفها وهى تهمس باذنها : ده اكتر درس لازم تتعلميه فى حياتك مع حمزة، مبيحبش الكذب ولا اللى بيكذبوا ولا ان اى حد يكذبه حياة بنشيج مكتوم : زعل منى يارقية، مشى وهو زعلان منى رقية بحنان : معلش ياحياة استحملى عقابه، وهتعدى حياة وهى تنظر لها بصدمة : عقابه! لتومئ لها رقية رأسها علامة الموافقة وهى تقول : بمعنى أدق…. خصامه حياة ببكاء : بس يرجعلى بالسلامة ويخاصمنى زى ماهو عاوز…. المهم يبقى قدامى وبخير ………………… فى مكتب العميد محيى بمديرية الامن محيى : ياترى انت عندك اى فكرة عن سر كره عمتك ليك حمزة بأسى : الحقيقة طول عمرى كنت معتقد ان السبب فى الفلوس لأنها كانت دايما بتحتاج منى فلوس وبما انها عمتى ممكن ده كان يديها احساس بالدونية، لكن انها تدبر كل ده الحقيقة انا محتار ومش فاهم محيى : هل مثلا كان فى ورث مشترك مابينكم وهى مثلا حست انها مظلومة حمزة : حسب معلوماتى انها اخدت نصيبها من ميراث جدى بالكامل وكمان ورثت كتير من جوزها، لكن اللى اعرفه انها ضيعت كل ده على حفلاتها ومظهرها الاجتماعى محيى : فى تسجيل من تسجيلات تليفونها.. كانت بتكلم فادى واللى فهمناه ان كان فى علاقة قديمة بين عمتك وابو فادى واللى والدك رفض جوازهم لان عدنان وقتها كان متجوز بالفعل وعنده اولاد، وبعد كده والدك أصر على جوازها من والد نورا واللى ماقدرش ينسيها حبها لعدنان، وعشان كده كانت ناقمة على والدك.. وانت ورثت النقمة دى بالتبعية بعد وفاة والدك الله يرحمه لأنها كانت شايفاه عايش سعيد مع والدتك لانه كان بيحبها، لكن فى نفس الوقت حرمها من حب عمرها… عل حسب وجهة نظرها حمزة بحزن : طب ونورا؟ محيى : نورا اتربت على الطمع فبقى طبع عندها حمزة : هى حالتها ايه دلوقتى محيى : مش خطيرة… الحقيقة عمتك فديتها بحياتها، لكن لما وقعت اخدت طلقة فى كتفها خالد : طب والباقى محيى : إصابات بسيطة كلها وهنبتدى نحقق معاهم من الصبح حمزة : ممكن اتكلم مع نورا محيى : ااه طبعا هخلى النيابة تطلعلك تصريح… بس بعد ماياخدوا اقوالها، يعنى مش النهاردة انا بس استدعيتك لانى حبيت اسلمك ده بنفسى، قالها وهو يمد يده لحمزة بفلاشة الكترونية حمزة : عليها ايه دى محيى : افضل انك تشوفها بنفسك ولوحدك….. عشان ماتندمش لحظة واحدة على اللى انت عملته ليزوى حمزة مابين حاجبيه باستفهام ولكن محيى لم يمهله اكثر من ذلك فوقف محييا اياهم على أن يتم استدعائهم مرة أخرى لسماع اقوالهم وتحديد موعد لاستلام الشحنة الخاصة بشركتهم ……………………. فى منزل حمزة تقف حياة فى النافذة تترقب عودة حمزة لتلمح سيارته وهو يصفها بهدوء ويترجل منها وهو يسير على مهل، ليرفع وجهه لأعلى ليلمحها تقف بانتظاره، وقبل ان تلتفت للاتجاه للداخل تلمحه يعود لسيارته وينطلق بها مرة اخرى لتعود إلى الداخل وهى مصدومة من رد فعل حمزة، فرقية اخبرتها انه سيعاقبها بالخصام ولكنها لم تظن ان وقع خصامه عليها سيكون حادا هكذا لتجلس مع رقية وهما تفكران فى طريقة تجعل حمزة ينسى او يتناسى ماحدث وقد كان هذا بالطبع بعد ان هاتفت رقية خالد وعلمت منه كل مستجدات الامور …………………… فى شركة حمزة، يعم الهدوء الشديد فى هذا الوقت من الليل، فلا يوجد غير رجال الأمن والحراسة، ليصعد حمزة الى مكتبه ويتجه إلى الحاسب ليقوم بتشغيله وما ان وجده مستعدا لاستقبال الفلاشة وضعها وهو ينتظر بفروغ صبر ان يعلم ماعليها وهو يتذكر همس محيى باذنه قبل انصرافه مع خالد : تشوفها لوحدك يا ابنى وعاوز اطمنك مافيش منها نسخة تانية لانى رفضت انها تتحرز بعد ماعرفت اللى عليها وان عمتك هى اللى عملت كل اللى هتشوفه ده بنفسها، كانت شاطرة جدا فى عمل الفوتوشوب، واكيد نيتها كانت خراب لما عملت الشغل ده لتبرق عينا حمزة بصدمة وهو يفتح فمه من الصدمة وهو يشاهد صورا تجمع بين فادى وامرأة بوجه حياة فى أوضاع من المستحيل ان تكون الا بين رجل وزوجته، وبعد الصور وجد مقطع فيديو خارج ..بطلته نفس المرأة بوجه حياة ايضا، ليخرج حمزة الفلاشة من الجهاز بغضب وهو يسب ويلعن بألفاظ نابية وهو يردد : ليه كده.. ليه ليه، وقام بتحطيم الفلاشة بالكامل، ثم اتجه إلى المنزل مرة اخرى …………………. دلف حمزة الى المنزل ليجد السكون يعم المكان، ليتجه إلى غرفة ابنته للاطمئنان عليها ليجدها نائمة فى هدوء ليقبلها بحنو ويتجه إلى غرفته وما ان فتحها حتى وجد حياة تجلس بانتظاره وهى بابهى صورة وكانها عروس بليلة زفافها، لينظر لها حمزة دون مبالاة ودون اى كلمة توجه لغرفة الملابس واخذ منها مايريد ثم اتجه إلى الحمام لتسمع حياة صوت المياة لتعلم انه يغتسل بعد كل مامر به من أحداث وشد وجذب، لتظل كما هى تفرك أصابع يديها ببعضهم البعض وهى لاتدرى هل سيقبل اعتذارها ام انه سيبيت ليلته غاضبا منها لتنتبه على حمزة وهو يفتح الباب ويتجه إلى الفراش ويطفئ الإضاءة الخاصة به وينام وهو يعطيها ظهره دون أن ينبث ببنت شفة لتعلم حياة ان قضيتها ليست هينة، لتتجه اليه وتعبث بشعره قائلة : انا اسفة، عمرى ماهكررها تانى ابدا، انا بس كنت مرعوبة عليك، كنت همـ,ـوت من رعبى ياحمزة، هو ده مايشفعليش عندك ولكن حمزة ثابت مكانه ولم يبدى اى رد فعل لتعاود حياة الحديث ولكن هذه المرة صوتها يختلط بالبكاء : عشان خاطرى ياحمزة تسامحنى، دى اول غلطة اغلطها فى حقك من يوم ما اتجوزنا، واوعدك انها اخر مرة، انت عارف انى مش هقدر انام وانت زعلان منى، ترضالى ان الملايكة تبات تلعنى عشان مزعلاك ولكنها تفاجئت بسماع أنفاس حمزة المنظمة التى تدل على استغراقه فى النوم لتضع يدها على فمها وهى تكتم شهقاتها من أثر البكاء، وبعد قليل اندست خلفه وهى تحيط خصره بيدها وهى تدعو الله ان يغفر لها وان يرق قلب حمزة لها ويعفو عنها، ولكنها تتفاجئ فى الصباح التالى عندما فتحت عينيها انها وحيدة بالفراش برغم ان الوقت مازال مبكرا لتنهض على الفور وتتجه الى الخارج دونما حتى أن تغسل وجهها او تبدل ملابسها لتصتدم برقية فور فتحها لباب الغرفة لتنظر لها رقية ساخرا : اهلا بالفاشلة… صح النوم حياة : ليه بتقولى كده رقية : ماعرفتيش تصالحيه ياخايبة لتنكس حياة رأسها قائلة : وانتى ايش عرفك رقية : عشان جوزك صحانى من أحلاها نومة وقاللى انه رايح الشركة وعاوزنا نحصله على هناك وناخد معانا خديجة لتبهت حياة قائلة : هو هيفضل مخاصمنى اد ايه رقية : مانتى اللى خايبة… لو كنتى عملتى اللى قلتلك عليه كان زمانكم متصالحين حياة : انتى فاكرة الحكاية سهلة كدة عشان بتتكلمى نظرى لكن لو انتى مكانى كان عمرك ما لتقاطعها رقية قائلة : عمرى ماهزعله اصلا حياة وهى تعود لغرفتها : انا هلبس وانتى ياللا اجهزى رقية : مش هتفطرى حياة : ماليش نفس… هلبس واجى افطر خديجة، لتغلق على نفسها الباب وتجلس شاردة تفكر متساءلة إلى متى سيظل هذا الحال، فلم يمر سوى بعض السويعات وهاهى تشعر بالاختناق والعجز ………………….. فى الشركة، يجلس حمزة مع خالد يتناقشان فى أمور العمل ويتدارسان الأسماء المطروحة لتولى منصب منصور وعدلى خالد : انا شايف ان الاستاذ سعد أحق واامن واحد ممكن يمسك المخازن حمزة : عندك حق خالد : طب والمعمل حمزة : فكر انت من غير ماتتكلم قدام حد عن الموضوع ده حتى رقية ليسمعوا دقات على الباب ثم ينفتح الباب لتدخل خديجة مندفعة اتجاه ابيها قائلة : باباااااااا ليستقبلها حمزة ضاحكا رافعا اياها لأعلى قائلا : أميرة بابااااا، من علمك هذه الكلمة خديجة : ماما علمتنى اياها كى تسعد بى، فعلمتنى ان بابا تعنى دادى وماما تعنى امى ليتجاهل حمزة النظر الى حياة ويكمل حديثه مع خديجة قائلا : هل تتذكرين المفاجأة خديجة وهى تصفق بيدها: نعم.. إن موعدها اليوم.. أين هى ليرفع حمزة هاتف المكتب محدثا أميرة : خلى محمود يجيب الامانة وبعد دقيقتين يدق الباب ليسمح حمزة بالدخول ليدخل احد العاملين وهو يحمل بيده قفصا كبيرا به ببغاء رائع الألوان لتصرخ خديجة وهى تتقافز بسعادة : الثرثار ليردد الببغاء بمرح : نسناسة صغيرة… نسناسة صغيرة لتقوم خديجة بإخراجه من القفص ليقف على كتفيها وهو يردد اسمها مرة تلو الأخرى وسط ضحكات ومرح الجميع الا حياة التى كانت تقف وهى ترسم ابتسامة حزينة على وجهها حتى تتفاجئ بحمزة وهو يناديها قائلا : مدام حياة من النهاردة هتستلمى شغلك فى المعامل مكان دكتور منصور لتنقل عينيها المغرورقة بالدموع بين عينيه بألم شديد لتردد بخفوت : امر حضرتك يادكتور لتستدير متوجهه إلى الخارج لينظر له خالد باستغراب قائلا : الله، هو انت مش قلتلى حمزة مقاطع : ااه قلتلك ولسه عند كلامى وياريت تفتكر كويس انا قلتلك ايه، لينظر إلى رقية ليجدها تقف متجهمة لتنظر إلى خالد قائلة : معلش ياخالد، بس لو ممكن تسيبنى دقيقتين بس مع حمزة وبعدين هجيلك قبل ما امشى ليشعر خالد أن هناك خلاف ما بين حمزة وحياة ليومئ برأسه ويتجه إلى الخارج مغلقا الباب وراءه لتنظر رقية إلى حمزة قائلة بتحذير : انت عارف انت عملت ايه دلوقت حمزة بحزم: رقية لو سمحتى انتى عارفة طبعى، فياريت ماتتدخليش رقية : مش هتدخل ياحمزة، بس ياريت تفكر ولو لحظة واحدة ايه اللى ممكن يكون تفكير حياة دلوقتى حمزة بعدم فهم : ايه يعنى مش فاهمك رقية : مجاش على بالك لحظة واحدة انها ممكن تأخذها على انك بتبعدها عنك بعد ما وصلت لكل اللى انت عاوزه حمزة ببعض الغضب : ايه الكلام الفارغ اللى انتى بتقوليه ده رقية : كلام فارغ! براحتك، انا حذرتك وقلتلك، لانى لو مكانها دى اول حاجة هتيجى على بالى لتنظر إلى خديجة قائلة : هيا ديجا لنعود إلى المنزل حتى نعد طعاما للثرثار وبعد خروج رقية……. حمزة وهو يهمس لنفسه : معقولة تكون فعلا فهمتها كده، بس انا ماينفعش ارجع فى عقابى ليها، طب والحل ليتجه إلى حاسبه الخاص ليدلف إلى كاميرات المراقبة الخاصة بالمعامل ليشاهد حياة تقف بين بعض المعدات وتمسك بيدها احد الدفاتر وتقيد به ملاحظاتها وهى تتحرك بآلية حتى وجدها تقف فجأة وهى تستند بيدها على احد الجدران وهى تحاول جاهدة كتم شهقات بكائها حتى لمحت احد الأطباء وهو يتجه ناحيتها فتمالكت نفسها سريعا وتحدثت معه وهى تتصنع تدوين بعض الملاحظات فى دفترها حتى لا ترفع وجهها أثناء التحدث ثم انصرفت مسرعة إلى غرفة المكتب الخاص بمشرف المعامل ليسرع بتبديل الكاميرات ليجدها تضع ماكان بيدها وتقوم بإخراج سجادة صلاة من حقيبتها وتضعها أرضا وتقف لتصلى بين يدى الله تبثه شكواها ووجدها تسجد مطيلة السجود حتى خيل اليه انها قد ألم بها سوءا ولكنها بعد طول انتظار رفعت وجهها لينصدم من شدة احمرار وجهها وهو غارقا بالدموع ليقبض على يده بشده حتى كاد ان يدميها وهو يسب نفسه تحت انفاسه ليرفع هاتفه محدثا خالد قائلا بصرامة : تشوفلى مين هيمسك مكان منصور حالا خالد : انت هتجننى ياجدع انت هو انت مش لسه حمزة مقاطع : مش هنرغى ياخالد تشوفلى مين اللى كان تحت منصور على طول وتسلمه شغله فورا وتخلى حياة تطلعلى خالد بخبث وقد بدا عليه فهم مجرى الأمور : طب ماتكلمها انت خليها تطلعلك طالما ماحناش قد الاسية حمزة بغضب : خالد، النهاردة بالذات متحاولش تلعب معايا خالد بمداهنة : ماشى، اهدى انت بس يا ابو الغضب، وكل اللى انت عاوزه هيتم …………………….. وبعد نصف ساعة يسمع حمزة دقا على الباب حمزة بهدوء : ادخل لتدخل حياة ويبدو عليها الانهاك الشديد مع شحوب وجهها الظاهر للعيان بشدة بسبب احمرار جفونها ليلتاع قلب حمزة عليها حتى أنه لولا بقية من رباط جأشه لقام اليها معتذرا حياة بآلية دون النظر الى وجهه : اوامرك يا افندم حمزة بحزم ظاهرى : سلمتى المخازن تحت للمشرف الجديد حياة وهى ترفع عينيها اليه بلوم مقهور : ايوة يافندم، حضرتك تؤمرنى بايه دلوقتى حمزة وهو يحاول ان يبتعد بعينيه عنها : استلمى شغلك من نورا وممكن لو حبيتى تحتفظى بيها كمساعدة ليكى…. ده لو حبيتى حياة بانكسار : حاضر يافندم، تؤمرنى بحاجة تانية حمزة بغضب من نفسه : متشكر وما ان خرجت من مكتبه حتى حول الكاميرات ليراها مازالت تستند على الباب وما ان همت بالاتجاه إلى مقعدها حتى تفاجئت بمن يقف أمامها وهو رث المظهر مشعث وكأنه احد المشردين وعندما دققت بملامحه وجدت انه عادل زوجها السابق لتشهق من مظهره قائلة برعب : عادل….. ايه اللى جابك هنا السابع والعشرون والثامن والعشرون 27 حمزة الفصل السابع والعشرون كان حمزة مازال أمام كاميرات المراقبة يشاهد ويسمع كل مايحدث بمكتب حياة ، وكاد حمزة ان يهرع اليها لولا أن رأى عادل يشير لها بمعنى انه سيظل بعيدا ولن يؤذيها فظل يتابع الموقف وهو على اهبة الاستعداد لنجدتها فى اى لحظة عادل : متخافيش ياسمية، انا اخر واحد ممكن انه حتى يحاول مجرد محاولة انه يأذيكى دلوقتى حياة ومازال على وجهها أثر البكاء : ايه اللى جابك ياعادل…. جاى ليه، انا مش ناقصاك عادل وهو مازال مكانه وكأنه ينظر لحياة باشتياق ممزوج بالالم : مالك ياحياة، ايه اللى واجعك حياة وهى تسقط جالسة على مقعدها : ايه اللى واجعنى! ……. عاوز منى ايه ياعادل… اتكلم لو سمحت بسرعة… يااما تمشى… انا مش ناقصة عادل وهو ينكس رأسه ويتحدث برجاء : جاى اطلب منك طلب لتبهت حياة قائلة : طلب منى انا! طلب ايه ده، ثم انا ماينفعش اتكلم معاك كتير مايصحش، ومابقاش عندى حاجة ليك ياعادل عشان اديهالك…. خلاص عادل بأسى : اسمعينى ياحياة ارجوكى انا مش هاخد من وقتك اكتر من خمس دقايق حياة : تتكلم وانت فى مكانك كده ماتتحركش عادل : ياحياة اقسملك انى مش هأذيكى ابدا حياة وكأنها تسخر من نفسها : ماعتقدش ان حد ممكن يأذينى النهاردة بالذات اكتر من كده لتقع جملتها على قلب حمزة كطلقة رصاص اخترقت شرايينه ليلعن تحت أنفاسه وهو يتابع مايحدث بالخارج بكل اهتمام وتوجس عادل : انا عاوزك تسامحينا ياحياة لتنظر له حياة فى صمت مطلق وكأنها لم تعى ما قاله لها ولكن ماهى الا ثوانى الا وانطلقت ضاحكة بهيستيريا شديدة وكلما حاولت التوقف تجد ان وتيرة ضحكتها فى ارتفاع لا تستطيع السيطرة عليها، ولكنها فجأة ودون توقع مسبق تنقلب ضحكتها إلى نشيج عالى ترتعد معه كل خلاياها، ليجد حمزه نفسه مندفعا إلى الخارج ليجذبها من مقعدها بعنـ,ـف حتى انها ارتعبت من المفاجأة ولكن حمزة لم يلبث الا ان جذبها بداخل احضانه بقوة حتى كاد ان يسمع فرقعة عظامها تحت شدة ضمته، واخذ يهمس لها بأذنها : خلاص ياحياة… اهدى…… بالراحة على نفسك، شششششششش، خلاص….. كفاية….. كفاية… وحياتى عندك وكأن كلمته الأخيرة بها سحر خاص فنزلت على قلبها أعطته قبلة الحياة لترفع رأسها لحمزة تنظر بعينية تثبر اغواره ليبادلها بابتسامة رقيقة حنونة وهو يربت على كتفيها، ثم همس لها مرة أخرى : بلاش عينيكى اللى بتقـ,ـتلنى دى دلوقتى خالص عشان ماعملش فضيحة دلوقتى وسط المكتب، خلينا نشوفه جاى ليه عشان يمشى ونفضى لبعض بعد كده ليربت على كتفها مرة أخرى وهو يستديروحياة مازالت تحت جناحه ليقول لعادل الذى مازال واقفا وعينيه ممتلئة بالاسى والألم : ممكن تتفضل فى مكتبى وتكمل كلامك معانا ليتردد عادل قليلا… ففى المرة الأخيرة بعدما خرج من مكتب حمزة ظل تحت الإشراف الطبى لفترة ليست بالقليلة حتى تعافى من اصاباته وكأن حمزة قرأ أفكاره ليقول مرة أخرى وهو يشير إلى مكتبه : اتفضل يا استاذ عادل طول مانت هتتكلم بتحضر هتلاقينا احنا كمان كده ليهز عادل رأسه ويتجه إلى مكتب حمزة خلف حمزة وحياة حمزة : اتفضل اتكلم… احنا سامعينك ليتلجلج عادل وهو يقول : انا جاى النهاردة وانا بطلب من حياة تسامحنا حمزة : مدام حمزة……. اسمها مدام حمزة لترفع حياة رأسها وهى تنظر لحمزة ببصيص امل ان يكون سامحها وتغاضى عن ما فعلته عادل : اانا اانا آسف، كنت عاوز مدام حي….. مدام حمزة تسامحنا حمزة بهدوء : طبعا دى حاجة ترجعلها لوحدها، لكن اسمحلى أسألك…. اشمعنا عادل بوجل : افندم حمزة : اش مع نا، اشمعنا،، يعنى ايه اللى جد خلاك تطلب السماح فجأة كده، اللى يشوفك دلوقتى مايشوفكش من شهرين وانت كنت بتتهجم عليها وعاوز تقـ,ـتلها عادل وهو منكس الرأس : عشان ربنا انتقملها بسرعة اوى حمزة : ممكن توضحلنا اكتر من كده عادل وهو ينظر لحياة بألم : العمارة اللى اشترينا فيها الشقق بفلوسها وفى الاخر امى طردتها منها وقعت على امى وانا فى الشغل وكانت فى شقة حيا….. اقصد شقة مدام حمزة بتوضبها عشان جوازى لتهب حياة متساءلة بفزع : انت بتقول ايه….. وطنط… طنط حصلللها ايه عادل وهو يغمض عينيه : فضلت فى المستشفى يومين فى الرعاية، وماتت وهى بتطلب منى اجيلك عشان اطلب منك تسامحيها وياريت لو تسامحينى انا كمان، ارجوكى، هى خلاص راحت للى لا يغفل ولا ينام ارجوكى تسامحيها، انا عارف ان فى عمار بينك وبين ربنا كبير اوى خلاه ينتقملك من الكل… ارجوكى، ماتدعيش عليها ولا عليا اكتر من كده قال جملته الأخيرة بنشيج يدمى القلوب لتقول حياة بشجن : انا عمرى مادعيت عليكم، انا احتسبت امرى عند ربنا عادل وهو مازال على نشيجه : واهو ربنا اكتفى بده واخد حقك وانتقملك، سامحيها، ورحمة ابوكى تسامحيها، وحياة العشرة اللى احنا ماصونهاش تسامحيها حياة وقد أثر بها مـ,ـوت والدته بهذا الشكل المؤلم : مسامحاها…. مسامحاها من قلبى ويشهد ربنا على كلامى، ربنا يسامحها ويغفرلها عادل ببارقة امل وهو يخرج شيكا بنكيا من جيبه : ودى كل فلوسك….. بالكامل مش ناقص منها مليم واحد، ويشهد ربنا، انى عملت أقصى ماعندى عشان ارجعلك حقك كامل… اتفضلى لتأخذ حياة الشيك من يده وهى مشدوهة من المبلغ الكبير الذى يتعدى العشرة ملايين جنية لتنظر اليه بتساؤل : ايه كل المبلغ ده عادل : ده تمن بيت والدك الحقيقى اللى امى خبته عنك علاوة على فلوس شغلك اللى كنت باخدها منك ، بس انا عارف انك متأكدة انى ماكنتش موافق على اللى بتعمله وعارف برضة ان ده مايعفينيش من ذنبى ولا يغفرهولى، لكن هطمع برضة انك تسامحينى انا كمان، انا خلاص مابقيتش عاوز حاجة من الدنيا غير انى ابقى ماشى وانا مش شايل ذنبك على اكتافى، وحياة اى حاجة حلوة تفتكريهالى اعفينى من ذنبك حياة بتأثر : خلاص يا استاذ عادل، انا مسامحاك عادل بفرحة : اشهدى ربنا حياة : بشهد ربنا انى مسامحاك، ربنا يسامحك ويغفرلك ليبتسم عادل قائلا : شكرا…. شكرا شكرا وظل يتمتم بشكره حتى غاب عن ناطريهما، ليسحب حمزة حياة من خصرها إلى احضانه هامسا : حبيبتى ام قلب ابيض لترفع عينيها اليه متساءلة : سامحنى ليزفر أنفاسه قائلا وهو يضمها إلى صدره متنهدا : ماقدرتش اعاقبك اكتر من كده، قلبى ماقدرش يخاصمك، لقيته بيخاصمنى انا كمان لتعاود البكاء باحضانه مرة أخرى قائلة : اوعاك تعمل معايا كده تانى، انت وجعتنى اوى.. اوى ياحمزة ،للحظة اعتقدت انك هتطردنى برة حياتك ليتذكر حمزة على الفور كلام رقية ليهمس لها قائلا : بعد كل اللى قلتهولك عن عشقى وغرامى، طب ده انتى عشان نزلتى المعامل نص ساعة ولقيتك بحالتك دى كنت هنزل اجيبك بنفسى من المعامل لولا خفت من اللى كان ممكن يحصل ساعتها حياة وقد بدأت تعود لطبيعتها : وايه اللى كان ممكن يحصل حمزة بعبث : مشهد غرامى فاضح علنى قدام كل اللى فى المعامل، ويميل عليها مقبلا اياها بقوة وكأنه يبرهن لها عن شده غرامه وعشقه لها، وعندما فصل قبلته نظر لها قائلا بحب : بس ده انتى فعلا يتخاف منك حياة باستغراب : انا…. ليه يقى حمزة : حسبنتى على الراجل ومامته جبتى أجلهم كلهم حياة دامعة : تصدقنى لو قلتلك انى لما احتسبت اللى حصللى عند ربنا عمرى مااتمنيت اذيتهم، كل اللى جه فى بالى انى هختصمهم يوم القيامة حمزة بصوت اجش : ايه اللى بينك وبين ربنا حياة : الرضا…. صدقنى ياحمزة….. طول عمرى كنت راضية بكل اللى ربنا بيكتبهولى، ااه كنت ببكى وبحزن لكن عمرى ما اعترضت…. وكنت دايما بحس ان ربنا هيفاجئنى بحاجة حلوة هتفرحنى حمزة : وعشان كده سامحتيهم حياة وهى تطأطئ رأسها : وعشان كمان سبب تانى حمزة : ايه هو حياة وهى تنظر بعينيه بلمسة ندم : عشان تسامحنى ليضم حمزة حاجبيه بعدم فهم ثم انبسطت اساريره فجأة وانفجر ضاحكا ثم قال من بين ضحكاته : بتقدمى السبت يعنى لتومئ حياة رأسها بخجل ليضمها حمزة الى قلبه قائلا : بقوللك ايه حياة : اممممم حمزة : البت رقية وخديجة راحو البيت مع البغبغان وهيتشغلوا بيه طول اليوم، ماتيجى اعزمك على الغدا فى افخم أوتيل فى البلد حياة : واشمعنى أوتيل يعنى حمزة بخبث : عشان نتغدى فى الجناح بتاعنا براحتنا من غير ازعاج… انتى وحشتينى اوى حياة : هيقلقوا علينا وخديجة ممكن تزعل ليرفع حمزة هاتفه محدثا رقية وهو يفتح الاسبيكر حمزة : ايوة ياحبيبتى رقية بمرح : حبيبتك! تبقى عاوز حاجة ها… اشجينى حمزة وهو يدعى البراءة : كده برضة… طول عمرك ظلمانى رقية : بقوللك ياحمزة… انا مش فاضية….. بنتك مصممة تدينى قرص فى لغة البغبغاتات عشان اعرف اتعامل مع البروفسور ثرثار افندى….. فماتسحبش بنزين كتير وقصر حمزة : مااسحبش بنزين! هو انتى خريجة ايه ياحبيبتى ياريت تفكرينى رقية مازحة : كلية الحياة قسم لغات حية وميتة ياميزو… لخص بقى حمزة وهو يهز رأسه يمينا ويسارا: مافيش فايدة، طب ياحبيبتى اتغدى انتى وخديجة عشان هتاخر انا وحياة رقية بخبث : امممم، انتو اتصالحتوا بقى؛ ماشى…. عشان خاطر حياة بس حياة : تسلميلى ياقلب حياة رقية : انبسطى ياحبيبتى وماتقلقيش، بس مش هنام غير لما تيجوا حاولوا ماتتأخروش اوى حمزة : حاضر ياحبيبتى، خدى بالك من نفسك ومن خديجة ………………………… فى صباح اليوم التالى يذهب حمزة الى نورا بالمستشفى ويقدم تصريح الزيارة إلى الحارس ليدلف اليها ليجدها شاحبة، مصدومة، تدور بعينيها بالغرفة وكأن بها مس من الجنون، وما ان وقعت عينيها على حمزة حتى هبت من مكانها ولكن الام كتفها جعلتها تتراجع إلى ماكانت عليه مع انكماش جسدها والتزاقها بالفراش وهى تردد : جايلى ليه… انا ماعملتش حاجة.. ماعملتش حاجة ليجلس حمزة بهدوء وهو ينظر اليها بتمعن ثم قال: ليه يانورا، ده انا عمرى مارفضتلكم طلب.. ليه نورا بغضب : ليه… انت بتسأل ليه.. عشان ابوك السبب حمزة بتساؤل : السبب فى ايه بالظبط نورا بهذيان : جوزهاله غصب عنها، كرهته وكرهتنى لانى بنته، عمرها ماحبتنى… ولا انا كمان حبيتها، لكن…. كنت بخاف منها ، كانت بتتعامل معايا اكنى انا المسئولة عن اللى حصل معاها، زرعت كرهى لابويا وكرهى ليكم جوايا، رضعتنى كيد وشر، حتى لما ابويا مات ضيعت فلوسها وفلوسى اكنها بكده بتمحى ابويا من حياتها، ولما فشلت تخليك تتجوزنى… رمتنى لابن عشيقها حمزة بغضب : ايه اللى انتى بتقوليه ده لتضحك نورا باستفزاز قائلة : ايوة…. ولازم تعرف ان عدنان هو اللى ورا كل ده… هو اللى خطط لكل حاجة عشان ينتقم من ابوك فيك، بس جشعهم و طمعهم كل مادا كان بيزيد، وخصوصا بعد مافادى خسر فى البورصة، عدنان اقنعنا ان فادى يطلقنى على الورق ويرجع يردنى عرفى عشان نقدر نستنزفك حتى لو كانت امى عرفت تقنعك انك تتجوزنى ماكانش عندهم مانع ابدا انى اجمع مابينكم حمزة : طب وخالد، كنتى ناوياله على ايه نورا بابتسامة هاذئة : اهو خالد ده الراجل الوحيد اللى كان نفسى فيه حمزة : كنتى بتحبيه نورا : انا عمرى ماحبيت، بس كان نفسى اكسر مناخيره بأى طريقة حمزة وهو ينهض استعدادا للرحيل : طبعا انتى عارفة انك هتتسجنى وياريت تحمدى ربنا على ده لانى كنت ناويلك على عقاب كان هيخليكى تتمنى المـ,ـوت،، لكن معلش.. نصيب وبعد أن اتجه إلى الباب عاد بوجهه اليها قائلا : انا كنت ناوى اعمللك قضية سرقة وتزوير بسبب العقد اللى سرقتيه والشيك اللى معاكى، بس قلت كفاية عليكى اللى انتى فيه…… ااه ااصلى نسيت اقوللك ان احنا اللى حطينالك الملف بالشيك بالمفاتيح فى الدرج عشان اصورك متلبسة بالسرقة وكمان مضيتى بنفسك لخالد على اعترافك بالسرقة واشتراكك فى تزوير بيانات المخازن والمعامل مع منصور وعدلى نورا بفزع : اللى انت بتقوله ده ماحصلش، انا مامضيتش على حاجة زى دى حمزة : حصل، اللى مضيتى عليه ماكانش عقد للعمل فى شركتى وبس، لا… ده كان اعتراف ممضى منك بكل جرايمك المشبوهة ليتركها سريعا متجها إلى الخارج وسط صراخها وهى تلعنه وتلعن جميع ايامها. 28 حمزة الفصل الثامن والعشرون بعد مرور مايقرب من خمسة أشهر وفى غرفة من غرف افخم فنادق القاهرة، كانت تجلس رقية تحت ايدى أمهر العاملات فى مجال التجميل.. فاليوم اخيرا ستجتمع مع عشق السنين تحت سقف بيت واحد وعدت نفسها ان يكون جنتهم على الارض حياة : يابنتى اثبتى شوية جننتى الست معاكى رقية : مش قادرة ياحياة.. همـ,ـوت… انا رجعت فى كلامى… مش لاعبة حياة بتنمر : نعم…. مش فاهمة سيادتك تقصدى ايه رقية بارتباك وهى تزيح يد خبيرة التجميل عن وجهها : مش عاوزة اتجوز، انا عاوزة اروح، خلاص فركش حياة وهى تنظر اليها بحنان فقد تذكرت يوم زفافها على عادل وهى وحيدة دون امها تشعر بالضياع والرهبة : اهدى بس ياحبيبتى وقوليلى مالك لترتمى رقية باحضانها وهى على وشك البكاء : خايفة ياحياة… خايفة…. خايفة اوى حياة : من الجواز واللا من خالد رقية ببعض الخجل : من الاتنين حياة بهدوء : اسمعى يارقية…. ان كان على الجواز فالجواز مسئولية كبيرة لكن انتى قدها… كفاية انك كنتى مهتمة بالبيت وحمزة سنين طويلة رغم سنك الصغير، فعندك خبرة كفاية انك تديرى مملكتك بنجاح، وأن كان على خالد…. خالد بيحبك وعمره ابدا ماهيفكر انه يأذيكى او حتى يوجعك فى يوم من الايام، بكرة تبنوا مع بعض حياتكم وتكبروا سوا وتربوا ولادكم على حبكم لبعض حبيبتى ام عقل كبير لتلتفت حياة على صوت حمزة الذى لم يشعروا بدخوله لتنكس رقية رأسها بخجل.. فياخذها حمزة باحضانه ويقبل مفرق رأسها قائلا : قردتى كبرت وبقت احلى عروسة لتوكزه رقية بخفة قائلة : بطل بقى تقولى قردتى دى خديجة بقت تقلدك وتندهلى بيها من ساعة ما اتعلمت تتكلم عربى حمزة ضاحكا : انا بنتى براحتها لا مؤاخذة، وياللا خلصوا احسن خالد بيهدد انه يخطفك كده رقية بعدم فهم : كده اللى هو ازاى يعنى حمزة وهو يشير اليها ضاحكا : كدة اللى هو نص مكياچ على نص لبس ثم وهو يتفحص قدميها…… اللي حافية حياة : طب ياللا يا دكتور على برة خلينا نخلص، ماتضيعش وقتنا وابعتلى خديجة عشان البسها حمزة : لولا خديجة كان خالد اتجنن، دى هى اللى شغلاه شوية حياة : خلاص…. نص ساعة وابعتهالى حمزة وهو يقبل رأسها : حاضر ياحبيبتى ثم استدار للانصراف ولكنه عاد ليسأل حياة : كلتى ياحبيبتى لترد رقية : لا ياحمزة، مااكلتش حاجة، وكل اما اقولها تقوللى لما أفضى لحد ماهتقع من طولها حمزة : وبعدين ياحياة…… انتى بقالك فترة اكلتك مش عجبانى، وشك باهت بقالة فترة، وكل ما اكلمك تقوليلى ماليش نفس…. هبعتلك اكل حالا ولو مااكلتيش برضة انا هوديكى بكرة للدكتور، فياريت تسمعى الكلام حياة بقلة حيلة : حاضر ياحمزة، بس والله ماقادرة ااكل، مش جعانة حمزة بحزم : انا قلت اللى عندى ………………….. فى جناح العرائس بالفندق بعد انتهاء الزفاف، تجلس رقية بخوف واضطراب ليبتسم خالد على نظراتها المترقبة لكل حركة يقوم بها وهو يخمن مايدور بعقلها، ليقول لها بهدوء : بقولك ياحبيبتى لتنظر له رقية بترقب دون أن ترد عليه ليكمل قائلا : انا عارف ان اليوم كان مرهق عليكى واكيد جعانة و تعبانة، فقومى غيرى هدومك واتوضى عشان نصلى ركعتين السنة وناكل وننام والصباح رباح لتبتسم رقية بفرحة قائلة : بتتكلم جد ليدعى خالد عدم ملاحظة تعبيراتها ويقول : ايوة طبعا، انا كمان تعبت اوى النهاردة وجعان وهمـ,ـوت من قلة النوم فيلا بسرعة قبل ما انام منك قبل مااكل لتنهض رقية مسرعة إلى داخل غرفة النوم وهى تعده بالاسراع، وبالفعل خرجت له بعد خمسة عشر دقيقة وهى ترتدى إسدال صلاتها ومستعدة للصلاة لتجده هو الاخر قد ابدل ثيابه بملابس بيتية أنيقة خالد وهو يتاملها : صليتى العشا لتنفى رقية برأسها فى خجل ليرد عليها خالد بابتسامة : يبقى نصليها الأول جماعة وبعدين نصلى السنة لتومئ رأسها بطاعة وهى سعيدة مطمئنة النفس فكم من مرة دعت الله ان يؤمها فى صلاتها وها قد استجيبت دعواتها، وبعد انتهائهم من الصلاة والدعاء النبوى لم تعى رقية بالوقت الا صباحا وهى زوجة خالد قولا وفعلا …………………… فى فيلا حمزة بعد عودتهم من الزفاف كانت خديجة على ذراع حمزة تقاوم النوم الذى يداعب جفونها، فانزلها فى حجرتها حتى تستطيع حياة ان تبدل لها ثيابها، وهو يتحدث مع خديجة حتى لا تنام أثناء تغيير ثيابها حمزة : ماقلتيليش ياديجا.. حلو الفرح؟ خديجة : القردة كان فستانها حلو اوى يابابا حياة ضاحكة : عاجبك كده حمزة مبتسم : معلش، لما تصحى الصبح هفهمها حياة موجهه حديثها لخديجة : جعانة ياديجا… اعمللك سندوتش قبل ماتنامى خديجة : لا ياماما، انا كلت سندوتش الشاورما كله ومش جعانة حمزة بنصف عين وهو ينظر لحياة بتنمر : ومين جابلك ساندوتش الشاورما ده ياديجا خديجة : ماما وهى بتلبسنى اكلتهولى كله حياة بهمس مختنق : ااه يافتانة حمزة وهو يثبت الغطاء على خديجة ويقبلها : طب يا اميرتى تصبحى على ايه؟ خديجة : على رضا الرحمن حمزة متبسما : شطورة ياقلب بابا ليخرج من الغرفة ساحبا حياة فى يده بشبه غضب حتى وصلوا إلى حجرتهم وأغلق الباب وما ان التفت اليها وهو ينوى تعنيفها لقلة طعامها حتى وجد عينيها تترقرق بالدموع فامسكها من كتفيها ببعض الحزم وهو يقول : ياترى دموعك دى عشان ايه، خايفة!.... المرة دى بجد هعاقبك ياحياة انا مش هستنى لما تقعى من طولك واللا يحصللك حاجة وانا واقف اتفرج عليكى، انا هنزل اشوفلك اى حاجة جاهزة فى المطبخ وهتقعدى تاكليها قدامى كلها بدون نقاش واللا هيبقالى معاكى تصرف تانى، واعملى حسابك بكرة الصبح هنطلع على المستشفى نشوف ايه حكاية الكلام اللى جد عليكى ده ليذهب حمزة دون أن يدع لها فرصة للتحدث ولكنه عند عودته تفاجئ بحياة قد بدلت ثيابها واندست بالفراش وراحت فى سبات عميق، ليضع الطعام على المنضدة بجواره ووقف وهو متحير من أمره، ايوقظها ويطعمها عنوة، ام يتركها لنومها الذى يبدو على ملامحها انها كانت تنتظره وتحتاج اليه بشدة، فهى أهلكت نفسها مع رقية فى التحضير للزفاف إلى جانب اهتمامها الكبير بخديجة، واعترف بينه وبين نفسه انه هو ايضا قد أنهكها عشقا، فقد أصبح يتنفسها شغفا وحبا ، ليزفر أنفاسه الحارة بشدة وهو يتوعد لها حين تفيق من سباتها …………………… صباحا عند خالد ورقية تتقلب رقية بالفراش وهى تفرد ذراعاها كما تعودت لتهبط بيدها بشدة على أنف خالد الذى كان مستغرقا فى النوم فيصحو مذعورا وهو يقول : ايه ده فى ايه ليجد رقية مازالت تحرك جسدها فى كل اتجاه حتى سقطت رأسها للأسفل وضربته بكعب قدمها فى كتفه ليضحك خالد بشده بأعلى صوته لتفيق رقية على ضحاته وهى تحاول باستماته الحفاظ على توازنها من السقوط لتتفاجئ بانف خالد شديد الاحمرار وهو يمسك بكتفه ويتأوه وسط ضحكاته، لتنظر اليه بنصف عين وقد استوعبت للتو ماحدث لتعتدل جالسه وهى ترتب شعرها المشعث بيدها قائلة : بشوف فى الأفلام العريس يصحى من النوم يحضر الفطار والورد لعروسته ويجيبهولها لحد السرير وانت صاحى تضحك عليا خالد وهو لا زال على ضحكه : مانا كنت ناوى ياحبيبتى قبل الحادثة، انا اول مرة افهم الواد حمزة اما كان يقعد يشقلبلك فى دماغه ويقولك خفاش رقية بغيظ : ماتستعجلش على رزقك واصبر اما ابقى اصحى قبلك عشان اقوللك انت من أنهى فصيلة ليسحبها خالد إلى احضانه قائلا : حبيبتى انتى لو فصيلة العنكبوت الأسود برضة همـ,ـوت فيكى رقية باشمئزاز : و اشمعنى يعنى العنكبوت الاسود خالد : بعد خناقة الذكور على التزاوج من الأنثى، لما بيتم التزاوج فعلا الأنثى بتسمم الذكر وبيمـ,ـوت رقية : ياساتر يارب، وده تشبيه تشبهنى بيه برضة يوم صباحيتى خالد متبسما : صدقينى يارقية لو مت دلوقتى همـ,ـوت وانا عملت كل اللى كنت بتمناه رقية بحب : بعد الشر عليك، بس انا لسه معملتش كل اللى نفسى فيه خالد وهو يمسح على وجهها : وياترى نفسك فى ايه رقية : نربى ولادنا سوا لحد اما نجوزهم واعجز انا وانت سوا واحنا بنتسند على بعض واغير عليك من البنات الصغيرين لما يعاكسوك وانت تقوللى انا مايملاش عيونى غيرك خالد : مش هتزهقى منى رقية : عمرى خالد : ولا هييجى يوم تقولى انا ايه اللى خلانى اربط نفسى بالعجوز ده رقية : العجوز ده كان زى الترياق لروحى ليميل عليها خالد مقبلا عينيها : وانتى كنتى حلم بعيد ولحد دلوقتى مش مصدق انه بقى حقيقة ………………………. عند حمزة تصحو حياة بكسل وإرهاق شديد وهى تشعر انها ليست بخير لتجد حمزة جالسا على الاريكة مرتديا كامل ثيابه متأهبا للخروج وينتظرها ان تفيق من نومها حياة : صباح الخير ياحبيى حمزة ببعض الوجوم: تقصدى مساء الخير ياحبيبتى حياة : ليه هو احنا امتى حمزة : الساعة أربعة العصر لتهب حياة من الفراش بسرعة وهى تهمس باسم لخديجة ولكنها ما أن حركت قدمها خطوة واحدة الا ووجدت نفسها تتهاوى بعدم اتزان ليلتقطها حمزة فى اخر لحظة قبل ان ترتطم رأسها بالارض حمزة بقلق شديد : حاسة بأية ياحبيبتى مالك حياة وهى تحاول الظهور بالثبات : انا كويسة ياحبيبى ماتقلقش انا بس عشان قمت مرة واحدة كانت تتحدث وهى تتحاشى النظر الى عينيه لتجده قد حملها ووضعها على الاريكة بجواره وهو يلملم لها جديلتها التى استطالت بشده : مالك ياحياة….. انتى مخبية عنى حاجة.؟ ليتفاجئ حمزة بحياة وهى منكسة رأسها وتتساقط دموعها، ليفزع من بكائها ليسحبها ويجلسها على قدميه محتضنا اياها بشدة قائلا : قوليلى ياحبيبتى مالك وبالراحة كده من غير قلق ولا توتر وكل حاجة ليها حل بس فهمينى مالك، تعبانة واللا زعلانة واللا فيكى ايه بالظبط حياة وأثر البكاء على صوتها : انا خايفة حمزة باستغراب : خايفة من ايه ياحبيبتى قوليلى حياة : خايفة يبقى وهم ياحمزة….. خايفة يبقى حلم جميل واصحى منه على كابوس لينظر لها حمزة وهو يضيق عينيه بتفكير وهو يحلل كلماتها وماهى الا ثوانى حتى برقت عيناه بلمعة فرحة سعيدة ولكنه كتم انفعالاته حتى لا يؤثر عليها فقال بهدؤ حذر : انتى ماعملتيش تحليل؟ لتهز رأسها يمينا ويسارا حمزة : تصدقى انك عبيطة…. بقى هو ده اللى عامل فيكى كل ده، احنا نعمل التحليل وعلى حسب نتيجته نتصرف ومهما كانت نتيجته خليكى دايما فاكرة انتى مين… انتى حياة حمزة 29 حمزة الفصل التاسع والعشرون والاخير اصطحب حمزة حياة إلى أحد معامل التحاليل، وبعد الانتهاء من أخذ العينة، يأخذ حمزة حياة ويتجه إلى الخارج بعد ترك رقم هاتفه للمعمل لابلاغه بالنتيجة رغم معارضة حياة وطلبها لانتظار النتيجة بالمعمل، ولكن حمزة أصر على اصحابها لاحد المطاعم لتناول الطعام.. فى أحد المطاعم بالقاهرة اجلسها حمزة بجواره وطلب من النادل الطعام وطلب ايضا بعض العصائر دون أن يسألها عن رأيها، وفور انصراف النادل.. اخذ كف يدها بين يده وشبك اصابعه معا وهو ينظر اليها بابتسامة قائلا : انتى ليه خايفة كدة، من يوم ماعرفتك وانتى عندك قدرة على الرضا ماشفتهاش فى حد قبل كده، ايه بقى اللى جد المرة دى حياة بهدوء شديد وكأنها تحدث نفسها : طب مانا برضة راضية الحمدلله، انا بس حاسة نفسى جوة حلم بتمنى اشوفه من زمان ومش عاوزة اصحى منه ابدا حمزة : الكلام ده ياحبيبتى لو انتى ماعندكيش ولاد لكن ده انتى عندك اتنين ياحياة لتزوى مابين حاجبيها بدون فهم ليكمل حمزة قائلا : انتى ناسية خديجة، ده انتى خليتيها تنسى كيت بالمرة حياة : ديجا دى روحى، بس انت بتقول اتنين…. انت عندك ولاد تانى ياحمزة وماقلتليش ليقهقه حمزة بأعلى صوته قائلا : يخرب بيت الأفلام ياشيخة حياة باستغراب : اومال ايه طيب حمزة : انا حياة بابتسامة : ياااه… انت… هو انا عجوزة اوى كده عشان ابقى مامتك حمزة بحب : انتى مامتى وبنتى ومراتى وصاحبتى…. وحبيبتى ليرن هاتف حمزة ليرد علي الهاتف بعملية شديدة ويغلق الهاتف وينظر إلى حياة قائلا : معلش ياحبيبتى، هناكل بسرعة ونمشى عشان طالبينى من الشركة حياة : مالها الشركة، ثم النهاردة الجمعة، ايه اللى حصل ليرفع حمزة وجهه اليها بصدمة قائلا : تصدقى صح حياة بعدم فهم : فى ايه ياحمزة… ايه اللى حصل… طمننى ليضحك حمزة وهو يحك جبهته لدقيقة ثم قال : انتى عارفة ان خالد طبعا خد اجازة وانا مروحتش الشركة امبارح وانتى ماروحتيش من اسبوع بحاله، وعشان كده فى كذا حاجة متعطلة وكلمونى عشان اخلصها حياة بتفهم : طب هاجى معاك اساعدك حمزة بسرعة : لا… ماتنسيش ان ديجا لوحدها طول اليوم ومافيش رقية، فأنا هروحك واطلع اشوف عاوزين ايه وهرجعلكم على طول حياة : ماشى ياحبيبى اللى يريحك وما ان وصل الطعام حتى بدأ حمزة فى اطعامها ولم يعطيها اى فرصة للتهرب حتى فرغوا من تناول الطعام وقام باصطحابها إلى المنزل ثم غادر إلى وجهنه ………………….. تجلس حياة بصحبة خديجة وهى تداعبها وتقرأ لها بعض قصص الأطفال المصورة، وكانت مابين الفينة والأخرى تنظر إلى الساعة التى تخطت السابعة وحمزة لم يعد بعد وكلما حاولت الاتصال به يقوم حمزة برفض المكالمة حتى تآكلها القلق لدرجة انها بدأت تتجادل مع نفسها اذا كان من اللائق ذهابها اليه بالشركة ام لا وايضا يأكلها الفضول والخوف من انتظارها لنتيجة التحاليل التى قاربت على التأكد بأن نتيجتها سلبية والتى جعلها ربطت مابين تأخير حمزة ومابين سلبية التحاليل، فهو حتما يشفق عليها من معرفة النتيجة ولذلك هرب منها إلى العمل ووسط أفكارها تسمع صوت سيارة لتخمن وصول حمزة ولكنها قبل ان تنهض لملاقاته تتفاجئ بصوت رقية وهى تنادى عليها وتنبهها إلى وجود خالد بصحبتها، لتضع وشاحها عليها وتتقدم منهم وهى تقول باستغراب : يامجانين! انتو مش المفروض هتطلعوا شرم رقية وهى تحضنها باشتياق وكأنها غائبة منذ شهور طويلة : وحشتينى وحشتينى وحشتينى لتجرى خديجة إلى احضان رقية بسعادة قائلة : عمتووووووو رقية وهى تتلقفها بسعادة وعدم تصديق : عمتو! ده ايه الأدب ده خديجة عابسة : بابا قاللى طالما لبستى الفستان الأبيض ماينفعش اقوللك ياقردتى تانى عشان لما تجيبى بيبى ترضى تخلينى العب معاه لتومئ رقية برأسها وهى ترفع حاجبيها بشكل مضحك قائلة : لا… والله ماقصر خالد : طب وانا ياديجا خديجة ضاحكة : انت خلودى وبس، انا قلت لبابا كده خالد ضاحكا وهو يرفعها للأعلى : وانا موافق ياست ديجا لازم توافق طبعا دى أوامر الاميرة ديجا كان هذا صوت حمزة وهو يدخل ومعه مجموعة من الأشخاص بيدهم الكثير من الأشياء ليصطحبهم للأعلى مستأذنا من خالد ورقية على أن يعود بعد دقائق وبالفعل ماهى الا بضع دقائق حتى عاد إليهم وهو يودع من كانوا بصحبته بالأعلى ويشكرهم كان هذا وسط اندهاش حياة مما يحدث ولكنها انتظرت حمزة حتى يوضح لها مايحدث، ثم وما ان جلس بجوارها حتى جذبها تحت جناحه مقبلا رأسها ثم قبل خديجة التى قفزت للجلوس على ساقه وهو يمازحها وهو يغض الطرف عن فضول حياة لمعرفة بواطن الامور رقية بمكر : انت كنت جايب ايه معاك ياحمزة حمزة بمشاغبة : شوية غيارات و شرابات ليضحك خالد ورقية بشدة مع ابتسامة هادئة من حياة لحمزة، اما حمزة الذى اشفق عليها من تآكل أفكارها فنهض واقفا وهو يحمل خديجة ويسحب حياة من كفها وهو يقول بمرح: تعالوا اما افرجكم كده عليهم عشان تشوفوا مقاسها مظبوط واللا ايه ليصعدوا جميعا وسط قفشات خالد ورقية ورهبة من حياة التى وجدت حمزة يقودهم إلى غرفة جانبية بجانب غرفة خديجة وما ان فتحها حتى وجدت فراش للرضع وبعض مستلزماته، وبعض مستلزمات الأطفال حديثى الولادة وسط تهليل رقية وخالد وبالطبع خديجة التى كانت تحتفل لاحتفالهم دون ادراك للاسباب اما حياة فكانت تحرك عينيها الممتلئة بالدموع وسط المستلزمات والفراش الصغير الذى يرقد بداخله الطاقم الذى اشتراه حمزة من المدينة المنورة أثناء زيارتهم لقبر الرسول صلى الله عليه وسلم ثم تعود لعينا حمزة المثبتة عليها بحنان وشغف ثم مد يديه واحتضنها بحنان وهو يهمس باذنها : مبروك ياحبيبتى، مبروك يا ام عيال حمزة وكأنه قد أعطاها الأذن بالافراج عن مشاعرها لتنخرط فى نشيج طويل طويل وكلما ظنوا انها على وشك الهدوء يجدوها تنخرط فى نشيج جديد أقوى ولا تريد الخروج من احضان زوجها وسط تعاطف الجميع لتقترب منها خديجة وهى تهزها من خصرها قائلة بصوت يهدد بالبكاء : ماااما… انتى بتعيطى ليه، لتخرج حياة على الفور من بين اذرع حمزة وتنحنى لتجلس على قدميها أمام خديجة وهى تارة تمسح دموعها وتارة تمسح على وجه خديجة ثم قالت : لا يا قلب ماما، انا بس فرحانة اوى خديجة : طب بتعيطى ليه ليمد حمزة يديه الاثنين ليسحب حياة بيمينه يساعدها على الاعتدال ويسحب خديجة بيسراه ليرفعها على كتفه وهو يقول : اصل ماما ياستى جعانة وعاوزة تاكل واحنا اتاخرنا على الاكل خديجة : طب ياللا بسرعة عشان ناكل حمزة : طب مش لما تعرفى الأول الحاجات دى بتاعة مين خديجة : بتاعة النونو اللى هتجيبه عمتو خالد ضاحكا : شفت بقى، كان المفروض تجيب اتنين حمزة بمرح : لا ياحبيبى لما تثبت كفائتك الأول وتجيبلى تحليل ممضى من اتنين دكاترة ابقى اشوف الحكاية دى… ثم التفت لخديجة قائلا : السرير ده بتاع البيبى اللى فى بطن ماما خديجة وهى تصرخ بفرحة وتصفق بيديها : بجد ياماما، يعنى مش عاوزين البيبى بتاع القردة لتشهق رقية وهى تنظر لحمزة بغيظ : عاجبك كده، مطلع البت مصلحجية، اول ماستغنت عن خدماتى رجعت لعادتها القديمة ، ثم انا غلطانة انى أجلت سفرنا وجيت عشان احتفل معاكو ليضحكوا جميعا على ما قالته رقية لتقول حياة بسعادة : سيبك منهم انتى جيالى انا ليقضوا ليلتهم فى احتفال سعيد ملئ بالحب والود بعيدا ان اى حقد او غل ………….. فى غرفة خديجة ترقد خديجة على فراشها استعدادا للنوم وتجلس حياة بجوارها تقرأ لها إحدى القصص المصورة بيدها ويجلس حمزة على الطرف الآخر من الفراش يراقبهما بحب وسعادة لعلاقتهما معا خديجة : ماما…. هو البيبي اللى فى بطنك هييجى امتى حياة : لسه مش عارفة ياقلبى.. لما الدكتور يقوللى هقوللك على طول خديجة : انا عاوزة بنت عشان تلعب معايا لتضحك حياة ويتدخل حمزة فى الحوار قائلا : حبيبتى مش احنا اللى بنحدد هو ولد ولا بنت، ربنا هو اللى بيحدد خديجة : بس انا عاوزة بنت حياة : لو بنت هتلعبى معاها وتاخدى بالك منها، ولو ولد هتاخدى بالك منه لحد ما يكبر…. وهو لما يكبر هياخد باله منك ويدافع عنك من الاشرار لتبتسم خديجة بسعادة وهى تتخيل ماقالته حياة ثم قالت : خلاص هاتيلى بنت العب معاها وولد يدافع عنى لينخرط حمزة فى الضحك مع ابتسامة واسعة من حياة وهى تتمنى من ربها ان يرزقها الخير فيما تتمناه حمزة وهو ينهض : ياللا أميرة بابا بقى تنام عشان تحلم احلام حلوة حياة وهى تقبلها وتضمها : تصبحى على رضا الرحمن ياقلبى ……….. فى غرفة نوم حمزة وحياة يرقد حمزة على الفراش وحياة باحضانه وهو يداعب وجهها ويغرق بغابات زيتونها التى عشقهم منذ سنوات حياة : بجد مبسوط انى حامل حمزة بصوت اجش : عمرك ماهتتخيلى سعادتى اد ايه حياة : انا عارفة، دى سنة الحياة، الولاد عزوة حمزة : هتصدقينى لو قلتلك ان سعادتى دى كلها عشانك انتى بس حياة : مش فاهمة حمزة : انا قلتلك قبل كده ياحياة…. انتى بنتى ولوكان ربنا كتبلنا مانجيبش ولاد عمر حبك ماكان هيتزعزع من قلبى سم واحد… لكن برضة حاسس بيكى وبانك بتتمنى ده وعشان كده شجعتك تكملى علاجك، وكمان متنسيش الدكتور فى أمريكا قال ايه، قال ان حالتك اصلا مافيهاش اى مشكلة انتى بس كنتى محتاجة تنظيم، بس تعرفى حياة : اممممم ليعتدل حمزة ليشرف عليها من أعلى قائلا وهو يلتهم غاباتها وعنقوها بعينيه بحب شديد : لما قعدت مع نفسى النهاردة شوية وهم بيحضرولى طلباتى فى المول وصلت لنتيجة مهمة جدا حياة وهى تبادل شغفه بشغف اكبر : ايه هى حمزة بحب : ان ربنا عمل ده عشان ماتخلفيش من عادل، وعشان تسيبيه، وعشان نتجوز وعشان لما يبقى عندك ولاد يبقوا ولاد حياة وحمزة، مش حياة وحد تانى يمكن لما حبيتك من زمان ماكنتيش من حقى، لكن راعيت حدود ربنا فى تعاملى معاكى، رغم انى ماقدرتش اشيلك من قلبى، لكن برضة ده كان لان ماحدش فى الدنيا دى كان هيحبك زيى، ولا هيبقى ابو ولادك… غيرى ولادك هيتسموا على أسمى زيك بالظبط، هيبقوا ولاد حمزة زى ما انتى حياة حمزة تمت

مقالات ذات صلة

لست اثمة

ابنة المـ,ـطلقه بقلم اماني عنان

واحتـ,ـضنها الوحـ,ـش بقلم عزيزة محمد

جمعني بك القدر

اترك تعليقاً إلغاء الرد