رفضتي كام عريس ؟ ميان ابتسمت لما شافت الماسدج من حمزه اللي دخلها بالجمله ديه واللي كانت في الفيلم اللي بيمثلوه سوا .. ميان ردت بضحك : هما عشرين بس حمزه : بس !!! ميان : امممم وانت رفضت كام عروسه ؟! حمزه : يااااه متعدش ياجيمي ميان : شكلها لسه مجتش اللي تخطف قلب حمزه باشا حمزه : اممممم شكلها جايه في الطريق ميان بعتتله ايموشن رقص وقالت بضحك : هتعزمني ؟ عبد الرحمن لنفسه : في عروسه متحضرش فرحها برضو
رد عليها ب اه وفضلوا يتكلموا شويه لحد ما ناموا .. تاني يوم الصبح صحيت ميان من النوم علي صوت مامتها .. ميان مياااان اصحي يابنتي يالا عندنا تنضيف .. ميان قامت اتنف*ضت من السر*ير وهي بتفرك عينيها بنعاس : في ايه النهارده العيد ولا ايه ؟ اختها وهي بتنط علي السرير وبفرحه : لا في عريس متقدملك. ميان وهي بتلوي بوقها: اااه تنضيفه العريس الجديد امها : انا بحذرك ياميان بحذزك ترفض المره ديه ..
ميان وهي بتقاطعها : والله لتسبيلي الطلعه ديه ،والله ياميان لو رفضتي لكون سيبالك البيت وماشيه ولا حد هيعرفلي طريق .. امها بقر*ف : قومي يابت بلاش لكاعه عندنا تنضيف ميان لاختها : الا قوليلي يااختي احنا مش لسه منضفين الشقه من اسبوع فات ! اختها : اه ده كان عريس تاني ميان : هو كل عريس ننضف ،وسؤال هي ليه بتنضف تحت السرير هو العريس هي*رفع الملايه ويبص تحت السرير يقول ايه الناس المع*فنه ديه ؟
اختها : علمي علمك ميان : طب سؤال ليه امك بتروق الدولاب هو العريس جاي يتفرج علي اوكازيونات في الدولاب بتاعي ! كانت لسه هترد بس امها ندهت عليها … ميان : استعنا علي الشقا بالله ،ده العريس الكام يابنتي ؟ اختها : ال خمسه وعشرين ميان : طب حلو نكملهم التلاتين اختها بغموض : لا معتقدش ميان: انتي تعرفي العريس ! اختها بتوتر : هه لا ميان : مااااشي يالا نقوم ننضف …مش فاهمه لزمتها ايه مش رمضان الشهر اللي جاي هننضف والعيد الشهر اللي بعد هننضف برضو …
اختها بضيق : يالا بقي خلصييينا ميان : طه جايه اهو متزو*قيش جه الليل وميان لبست دريس احمر طويل وبأكمام وفردت شعرها علي ضهر*ها وخرجت عشان تقابل العريس وهي بتفكر في خطه تطفشه بيها زي غيره … ميان بصدمه : ح حمزه حمزه بجمود : ممكن تسبونا لوحدنا شويه ياجماعه ميان وهي بتقوم تقف وبتوتر : لا لا احنا مش بنمثل ياسطا حمزه وهو بيق*رب منها وبجمود : لا ياسطا ايه انا ممثل محترم ياميمو
ميان بتوتر وهي بتبعد : ا انت هتحول المشهد لحقيقه ولا ايه ! حمزه : توء ،بس انا عرفت من مصادر خاصه ان رحمه اللي في الفيلم متقلش عن ميان اللي في الحقيقه اللي طفشت عرسان كتير … ميان بتوتر : هه ه هقولك بس حمزه : رفضتيهم ليه ياميان ؟ ميان وهي بتل*طم علي وشها : يالهوي ده بيعيد المشهد بجد .. يابني افهم احنا مش قدام كاميرا انت عيان ولا ايه ياسطا حمزه بحده: ردي عليا
ميان بخوف : ع عشان هما مش مناسبين حمزه وهو بيرفع حواجبه : يعني انا مناسب ؟ ميان : هه ب بس حمزه : مفيش بس انتي موافقه عليا صح ميان بخجل : موافقه حمزه بغموض: اتفضلي ميان : ا اتفضل فين حمزه : قدامي ليه هو انا ع*بيط عشان اخليكي ورايا وتغد*ري بيا *وتضر*بيني علي دماغي زي الفيلم .. ميان وهي بتضحك باهتزاز: لا حو*وويط حمزه بضحكه خطفت قلبها : يالا ياميان ميان بخفوت : لا لا انا كده هقع في حبك مش هزار
حمزه وهو بيبص في عينيها وبخفوت : طب ما تقعي مانا وقعت في حبك من زمان … ميان وهي بتبلع ريقها: لا لا كده كتير كده اوفر ،المأذون ياااااااا بعد مرور شهر “بارك الله لكما وبارك عليكما وجمع بينكما في خير ” ميان وهي بتشمر دراعها : استعنا علي الشقا بالله حمزه باستغراب : في ايه ؟ ميان : مستنيه الحيز*بونه حمزه بضحك : حيزب*ونه؟ ميان : ايوه الح*يزبونه اللي عايزه تخرب علينا حمزه : ههههههه يابنتي انتي مجنونه مفيش حيز*بونات في حياتي متقلقيش ..
ميان وهي بتقفل عنيها نص قفله : متأكد .. حمزه وهو بيبصلها بحب : مفيش حد في قلبي غيرك ياقمر انت ميان : لا لا انا كده هقع في حبك بجد حمزه :بحبك ميان وهي بتحاوط رقبته بحب : وانا كمان بحبك من زمان … يا أصفاهُم
وأبدعهم
يا أحلاهم
وأجدعهُم
يامفردهم
وأجمعهم
ياميت واحدة في روح واحدة
ما اقولش معاها
أقول معهم ♥️ تمت