ساعات عدت علينا ببطئ وكان الوقت وقف من لما دخلت
أخيراً الدكتور طلع ووراه سرير ساحبينها عليه ووشها اصفر وباين عليه التعب احمد اتنفض وعينه بتتابعها بخوف
بص للدكتور وهو بيترجاه يطمنه بأي حاجه
_الحمد لله العمليه عدت على خير بعد الجمله دي كلنا اتنفسنا بعمق وكأن قلوبنا رجعت تاني ووشونا نورت الدكتور كمل
_نقلناها اوضه عاديه تفوب من البنج ونتطمن وتقدروا تزوروها، هتقعد فتره في المستشفى نتطمن اكتر وتقدر تنور بيتها تاني ان شاء الله
احمد من الفرحه سجد على الأرض وهو بيبكي وبيشكر ربنا
قام وحضـ,ـني ودموعه مبطلتش تنزل
_سمعتي قال اي؟ عدت على خير وهترجع وسطنا تاني ابتسمت لفرحته اللي فرحتني زياده وطبطبت على ضهره بحنان بعد وبصلي شويه وهو مبتسم واستأذن انه هيروح يصلي هو وآدم اول حاجه وانا اتوضيت انا وتيسير وروحنا صلينا في مكان للسيدات خلصنا صلاه وروحنا كلنا البيت سريعا ناخد دوش ونجيب هدوم عشان هنبات معاها من اول ما يفتحوا الزياره ان شاء الله
دخلنا البيت بتعب واحمد رمى نفسه على اود كنبه قابلته
ورجع راسه لورا وغمض عينه لشويه قبل ما يفتحها
_هتيجي معايا تاني ولا تريحي انتِ؟ بصتله بغضــ,,ـب وانا بتكلم بإصرار
_لا طبعا هروح تاني دي في مقام والدتي الله يرحمها ابتسم بتعب وهو بيمدد على الكنبه
_طب ادخلي جهزي نفسك وانا هفرد جسمي شويه لحد ما تخلصي هقوم اخد شاور واجهز غيار سريعاً هزيت راسي ودخلت اخد شاور وانا كل حته فيا بتصوت
خلصت وجهزت شنطه صغيره اخدت فيها الحاجات اللي هحتاجها هناك
طلعت لقيته نايم زي ما سيبته
ندهت عليه براحه مردش فعرفت انه نام من التعب محستش بنفسي وانا واقفه بتأمله
ملامحه هاديه ومُسالِمه
وهو نفسه شخص هادي ومُسالِم ولطيف…. حقيقي لطيف
لو في ظروف تاني كنت هحبه من غير تفكير فوقت من اللي بعمله ودخلت جهزتله غيار معايا وكام حاجه هيحتاجها هناك، وطلعتله غيار جديد عشان ياخد شاور وطلعت قعدت جمبه سبته ينام ساعتين وانا قاعده بتأمله وبس
رغم تعبي وحاجتي للنوم إلا إن تأمل ملامحه كان احسن مية مره من النوم
عدى الساعتين ومكنش هاين عليا اقومه بس حاولت اصحيه براحه، ندهت عليه كذا مره مردش هزيت كتفه براحه ففتح عيونه تدريجي لحد ما شافني قدامه، بصلي بإستغراب لحد ما استوعب هو فين تقريبا قام اتعدل براحه وهو بيدعك عينه بإرهاق
_خلصتي؟ _من حوالي ساعتين كده بصلي بسرعه وهو مذهول
_ساعتين؟؟ طب مصحتينيش ليه؟ _صعبت عليا عشان كنت تعبان لو كنا في ظرف تاني مكنتش هصحيك اصلا، عموماً انا جهزتلك شنطتك وغيار عشان تدخل تاخد شاور على السريع، ادخل والشنطه على السرير شوف لو ناقصها حاجه واطلع عشان نتوكل على الله
بصلي شويه وقام قرب مني اوي لحد ما وقف قدامي تماماً
بصتله بتوتر وانا مش فاهمه في اي قبل ما الاقيه حـ,ـضني جامد اوي وبعد شويه وباس راسي وهو ماسك وشي وبيبصلي بحنان باس راسي تاني ودخل اوضته وسابني واقفه مكاني مصدومه حاولت استوعب اي اللي حصل وازاي وليه بس مقدرتش
دخلت عملتله فنجان قهوه وانا كل تفكيري في اللي حصل من شويه شويه وطلع ماسك شنطته رماها على الكنبه ورمى نفسه جنبها
_خلصتي؟ _اه اشرب فنجان القهوه ده بس فوق ونتــ,,ـحرك بإذن الله
بصلي كتير وبص للفنجان في ايدي
وانا اتوترت اكتر، ماله ده النهارده؟ سحب مني الفنجان بهدوء وهز راسه بس
مفيش شكرا طيب؟ خلص قهوته سريعاً واتحركنا على المستشفى قعدنا في الاوضه اللي جمبها وكلمنا الدكتور تاني نتطمن عليها، عرفنا ان مسموح بمرافقين اتنين بس معاها والاوضه اللي جمبها للباقي قسمنا نفسنا بعد ما نتطمن عليها اني هبات انا واحمد معاها اول يوم ساعه كمان وفــ,,ـاقت الحمد لله والدكتور طمننا عليها ودخلنا كلنا نشوفها تحت تعليمــ,,ـات الدكتور
اول ما دخلنا فتحت عينيها بضعف وبصت لأحمد وهي بتبتسم بصيتله كان بيبصلها بعتاب وعيونه مليانه دموع فتحتله دراعها وهو من غير تفكير جري على حضـ,ـنها والمره دي عيط بحُرقه بجد، وكأن كل عياطه قبل كده مكانش كافي حمدت ربنا إنها قامت بالسلامه وانا بتأملهم بحب وللحظه افتكرت ماما الله يرحمها، وحنيتها عليا ولحظاتنا الصغيره اللي لحقت اســ,,ـرقها منها قبل ما تتوفى عيني دمعت وانا بدعيلها بالرحمه وبحمد ربنا إنها ارتاحت من زوج كبابا بجد اللي بالتفكير في الموضوع مسألش عليا رغم مرور فتره مش قليله .. كأنه كان مستني اللحظه دي بفارغ الصبر
رجعت بعيني ليهم وكلهم محاوطينها واحمد اتعدل ومسح دموعه وبيبصلي! ماما بصتلي وهي مبتسمه وفتحت دراعها وانا مقدرتش غير إني اجري عليها وانا دموعي سبقاني
حضـ,ـنتها وانا بعيط في حضـ,ـنها كل حاجه توتر العمليه وخوفنا عليها، اشتياقي لماما، ذكرى بابا وهو بيبيعني بدون مبرر ولا كلام، واحمد…. بكيت كتير وكلهم بيبصولي بعدم فهم لكني مقدرتش أوقف عياط، حاسه إني بقيت لوحدي بجد وبشكل يحزن
بشكل انا مستاهلهوش حسيت إني طولت في وضع مش مناسب
قومت مسحت دموعي وبـ,ـوست راسها
_الف سلامه عليكِ يا أمي
ابتسمتلي بتعب وعيونها متبعاني وانا قومت استأذنت اني اروح الحمام، مسكت دموعي قدر الإمكان جوا الحمام وغسلت وشي عشان افوق ومعيطش قدامهم خاصة إني مش هبقي لوحدي فتره طويله، سحبت نفس عميق وطلعت لقيته في وشي بيبصلي بنظرات مش مفهومه
_بسم الله الرحمن الرحيم في اي يا احمد خضيتني بصلي شويه وسحبني من غير كلام
_واخدني فين طيب؟ مردش عليا وكمل سحب فيا لحد ما وصلنا للأوضه البي كان المفروض تيسير وآدم يباتوا فيها النهارده
قفل الباب وسند ضهري عليه وهو قدامي
_مالِك؟ سؤال عفوي لكن غصب عني عيني دمعت
حاولت استهبل فيها واقوله مالي لكن يبدو إني فشلت وبجداره حاوط وشي بهدوء وهو بيبتسم بإرهاق
_بحزن لحُزنِك وانا حتى مش عارِف السبب! بصلي وعينه دمعت هو كمان، مش فاهمه اي اللي بيحصل وليه بس افتكرت اقتباس قريته من فتره
“إن كُلاً مِنا يشكوا همهُ لِلآخَر في تواصل بصري صامت، لسنا نفهم الأسباب لكِننا نُيقن المشاعِر” حضـ,ـني وحسيت بدموعه نازله بهدوء فدموعي نزلت غصب عني بس بقوه اكبر وحُزن أكاد أُجزِم بإنه أشد
بكيت وسببي الأكبر هو!
بعيط في حـ,ـضن اللي بعيط بسببه اصلا!!
بس… مرتاحه حاسه إني عايزه افضل حضـ,ـناه على طول
اه لو كانت حياتنا طبيعيه اااه قضينا وقت طويل بنفس الوضع بإختلاف ان دموعه وقفت لكن دموعي بتزيد وصوتي بيعلى أكتر وأكتر مبطلتش عياط إلا لما تعبت ورغم ذلك فضلت حـ,ـضناه ودافنه وشي في حضـ,ـنه مش عايزه اطلع ولا عايزه اشوفه بعدت عنه بعد فتره وحسيت بوشي وارم بسبب العياط فلفيت ناحيه الباب عشان ميشوفنيش وكنت هخرج قبل ما يسحبني ليه تاني ويبص في عيني
مسح دموعي براحه وباس راسي
_تعالي نبات هنا النهارده وخلي آدم وتيسير يباتوا مع ماما _بس انت كنت عايز تنام معاها النهارده عشان تطمن عليها ابتسم وهو بيطبطب عليا بحنيه
_انا اتطمنت عليها محتاج اتطمن عليكِ انتِ بصتله من غير ما ارد فطبطب علي كتفي وهو بيبتسم ابتسامته اللي كل مره بتأكدلي إني بخسر كل ما بيضحك بحس بحاجه مش عارفه افسرها لكن بتأكدلي إني بخسر كل مره… بخسر قلبي ونفسي في معركه معرفش نهايتها اي او عارفه وبهرب من الحقيقه
طلع يقولهم هناك وانا قعدر على السرير بتعب
عايزه انام وبس، عايزه اريح دماغي من التفكير تعبت
حقيقي تعبت شويه ولقيته جاي قفل الباب كويس من جوا وطفي النور كله وقعد جمبي على السرير رغم ان في سرير تاني حاوطني بهدوء ونيمني جمبه وهو حاضني من ضهري
كان نفسي اعيط تاني لكن معنديش طاقه غمضت عيني ومحستش بحاجه غير تاني يوم الصبح
فتحت عيني براحه على ما استوعبت انا فين واي اللي بيحصل، لقيته نايم ولسه حاضني بس المره دي وشي في وشه، افتكرت إننا قومنا صلينا الفجر هو في المسجد مع آدم وانا زي ما انا
بصينا على ماما ورجعنا تاني ننام بس المره دي واحنا باصين لبعض لحد ما روحنا في النوم تأملت ملامحه الهاديه بتفاصيل اكتر واكتر
مديت ايدي امشيها على وشه بهدوء
شعره، عيونه، ملامحه كلها اللي تخـ,ـطف القلب عيوني دمعت وانا حاسه بنفسي بتسحب في اتجاه غلط لكن مش قادره امشي عكسه! قومت من جمبه ودخلت الحمام غسلت وشي كويس وبصيت لنفسي في المرايه، مش دي انا مش دي انا مش ضعيفه كده ومش عايزه ابقى!
انا مش حِمل وجع قلب.. هعمل اي انا لما ننفصل؟
دموعي نزلت غصب عني بحُـ,ـرقه اكبر ومش جاي في دماغي غير أحببتك وهُنا تحديداً تكمن المشكله، مش عارفه حبيته ولا لا لكن اللي عرفاه إني لو استمريت في كده هتأذي وانا مش حمل أذيه طلعت كان صاحي وقاعد على السرير بيبص للأرض وسرحان
تجنبته تماماً وظبطت هدومي عشن نروح لماما
_يلا عشان نروح لماما بصلي بنظره مفهمتهاش ومحاولتش افهمها
كل تفكيري منصب ازاي انساه قبل حتى ما ننفصل