=بكره ايي؟ _20 في الشهر =ان شاء الله مش هتعصب، يعني يبقى اي؟ _يوم من أيام ربنا؟ =عيد ميلادك، عيد ميلادك يا احمد متعصبنيش اديتله الكيس_ كل سنه وانت ب الف خير خده منه زي الطفل الصغير وفتحته =بنطلون وتيشرت وبرفات وساعه اي دا كله _طول عمري كسياك يبني ضحك=تعرفي ان دي اول مره حد يحتفل بعيد ميلادي _ومش اخر مره ان شاء الله =احنا نعمل كيكه بقى يلا ورايا مسكته من ياقته ورجعته مكانه
_جبت تورتايه عشان عارفه انك هتقول كده والله ابتسم =متحرمش منك ابدا يمريم والله _كل سنه وانت طيب يا ابو حميد بقى عندك 27 سنه دون هدف في الهوا كده =27 سنه وانتي احلى ما فيهم _احمم مش هناكل التورته =ايي؟ _يلا ناكل يلا فتحتها ونزلت جبت شوك ومعالق واطباق، قعدت قطعه ليا ولاحمد والباقي نزلته ل كوثر وإبراهيم الحارس وطلعت تاني =عاوز اقولك على حاجه بس خايف تقولي عليا اهبل _قول مش هقول اهبل لا
=كان ابويا مره في عيد ميلادي وداني نقعد على النيل وشربنا حمص شام، كنت فرحان اوي، وفرحان انك افتكرتي عيد ميلادي و.. ثواني انتي عرفتي منين ان عيد ميلادي بكره؟ _انا الرائده مريم يبني هنهزر مسكت ايده_ يلا بينا =على فين؟ ابتسمت _هنروح نقعد على النيل ونشرب حمص شام، نجيب لب وأيس كريم، ارجعلك ايام مكنت صغير تاني =بتتكلمي بجد؟ _ها هتلبس اي =هلبس الطقم الي انتي جيباه ابتسمت لما حسيت بفرحته، قد اي هو بسيط! دخل لبس وخرج
_ها حلو؟ =جامد والله مسكت خده= انت اصلا حلو على طول يبقلوظ _يجدعان بلاش بقلوظ دي ضحكت= يلا بينا نزلنا واتمشينا لغايه موصلنا النيل طلبنا حمص شام وشربنا وجبنا لب مشينا في شارع مفهوش ناس وسمعنا صوت اغنيه ورقصنا عليها، تفاصيل اول مره اعيشها مع حد، عمري مخرجت مع حد وحسيت ب امان كده، وحسيت اني مبسوطه ب الكم دا ! قعدنا على استراحه وجبنا آيس كريم كنت بصاله ومش عارفه اقولهاله ازاي استحي والله! متبصليش كده بس عشان هضعف واقولها والله
_احمد =يروح احمد _لا خلاص انت كده وترتني اكتر =عاوزه تقولي حاجه؟ _اه بس مش عارفه =طب انا كمان عاوز اقول على حاجه قولي وهقول بعدك _عاوزه اقولك اني مرتاحه، اول مره احس ب الاحساس دا، حاسه انك فعلا صاحبي واخويا وجوزي، حاسه ب امان وانا ماشيه ايدي في ايدك، كل شويه ابص على الدبله وابتسم لمجرد اني متجوزاك، عاوزه اقول اني لو لفيت الدنيا مشي مش هلاقي حد زيك وشبهك في قلبك وطيبتك وجدعنتك
كان مبتسم وانا بتكلم وخلصت كلام وميلت على كتفه كنت باكل الايس كريم وهو اتكلم =بس انا عاوز اقول اني بحبك! تفيت الايس كريم من بوقي وبصتله وانا فاتحه بوقي فضحك _ايدا في اي، انت قولت اي؟
=بقول اني بحبك، كل حاجه عملتيها عشاني وكلامنا سوا وضحكنا والي بتعمليه فيا، انك حكتيلي اهم سر في حياتك الي هو باباكي، عاوز اقولك اني هعمل اي حاجه عشان تقربه من بعض، بتغلبيني وبتلخبطيني ب ضحكه او نظره من عينك الي مش عارف اشوف أجمل منها، دمك الخفيف وطيبه قلبك، انك بتطاوعيني نوعا ما في الي بعمله في مطبخكم وبتاكليه مع انه ميتاكلش، حضـ,ـنك الي بالدنيا والله، كسوفك وغيرتك وافعالك الي مش طبيعيه الي بقف قدامها متنح، انا دايما هبقي حنين عليكي ومش هيهون عليا زعلك ابدا، هنعمل كل حاجه سوا، زي منتي دايما مخلياني مبسوط هحاول على قد مقدر اني
افرح، اوعدك ب دا كنت مبتسمه وبدمع ومش عارفه ارد ينفع احضـ,ـنك طيب منا مش بعرف ارد! ميلت على كتفه تاني _انا كمان بحبك =احيه متهزريش! ضحكت =والله بحبك الاه! _دا احنا نرجع الفله ناخد حضـ,ـن محترم بقى عشان مش هينفع وسط الناس الكتيره دي ولا اقولك متيلا قدامهم ضحكت وبعدت عنه =هيتلم اهو سهرنا للساعه 12 كنت اول مره اسهر للساعه دي، بصوا هو اول مره اخرج خروجه اصلا ومش اخر مره ان شاء الله، قره عيني وربنا قره عيني زي ما بيقولوا الناس الي هناك دي!
رجعنا ولقيت بابا قاعد مستنينا _اهلا يعمي *قلقت عليكم يولاد _لا الحمد لله احنا بخير *كنت عاوزك يا احمد انت ومريم، انا مسافر سفريه مهمه جدا تبع الشركه وعاوزك تمسك الاداره عما ارجع ومريم هتمسك الحسابات زي زمان، كانت اشطر واحده في الشركه معرفش سبيتها لي ما علينا اجهزوا لبكره تصبحوا على خير مشي من قدامنا وبصينا لبعض _يعني مش هعرف اعاكس براحتي دا اي الظلم دا =بتقول حاجه؟ _الكحه هيراني طلعنا الاوضه وغيرت هدومي وهو غير هدومه وقعد قدامي
_كنتي سبتي الشركه لي؟ =مكنتش حابه الشغل اوي يعني _هتحبيه عشان هبقي معاكي أن شاء الله =يولا يزعيم _عيب عليكي هتنبهري قعدنا نتكلم والكلام خدنا والساعه جت خمسه ف بصينا ل بعض ب صدمه _خمس ساعات بنلك في اي انا عاوزه افهم! =طب يلا يلا عشان هما تلت ساعات الي هنامهم بدايه مبشره نمنا وصحيت على صوت المنبه يشيخ تبا للعمل، صحيت وغسلنا وشنا ولبسنا وفطرنا بسرعه وروحنا الشركه، دخلت انا وهو مكتب المدير وهو قعد على الكرسي وحط رجله على رجل
_انتي يا إلى شغاله عندي يفقيره =اي يمدير؟ ضحك _كنت عاوز اقولك ان شكلك حلو جامد =على الصبح معاكسه كده! _هي بيبقالها معاد ولا ايي!! =ابدأ شغل وجد انا راحه على مكتبي _هتسبيني وتمشي مكنش العشم =عشم دا خالك ولا اي؟ _ايدا في اي ضحكت وفتحت الباب لقيت محمود في وشي =محمود!! #تزوجتها💙 #مريم سمير💙#البارت التاسع _اول ما باباكي يرجع هاجي بيتكم عشان اطلقك =اييي!! _زي مسمعتي جه يمشي ف مسكت ايده ووقفت وانا وشي كله عياط
=انت اكيد بتهزر يا احمد، بصلي انا مريم، مريم الي المفروض صحبتك قبل أي حاجه، انا والله ماعملت حاجه انا بس كنت .. مسك ايدي بقوه وضغط عليها _كنتي مع راجل في شقته لوحدكم!! سألتك قبل كده تعرفيه قولتي معرفه سطحيه مش كده!! مشي وانا واقفه مكاني من كتر العياط مش شايفه قدامي، انا ازاي اعمل كده انا لي غبيه! المفروض مكنتش اروح، انا، انا كسرت قلبه! قلب اكتر انسان حبني، انا حاسه في نبره صوته بالقهره والوجع ازايي اعمل فيه كده!!
روحت البيت بسرعه وطلعت الاوضه وخدت نفس عميق وخرجته براحه وفتحت الباب، بس ملقتوش!!، نديت على كوثر قالتلي انه مجاش هنا! اكيد مش هيجي، اكيد هيروح بيتهم، قفلت باب الاوضه وقعدت على الكرسي وانا بعيط وانا بفتكر كل لحظه مرت واحنا سوا، نمت على الكرسي من كتر التعب وصحيت على خبط على كتفي _شيل ايدك من على كتفي يا احمد عشان مرفصكش زي كل مره =يهانم!! اتاخرتي على الشغل دعكت عيني وبصيت قدامي لقيتها كوثر ف بصيت على الأرض
_ماشي يكوثر انا صحيت اهو وهلبس =ماشي يست هانم، احضرلك الفطار؟ رديت بتلقائيه _لا هعمله انا واحمد ضربت جبهتي ب ايدي _قصدي هفطر في الشركه =ماشي يست هانم لسه كل جمله فيها اسمه، انا للدرجاتي بحبه! انا فعلا وقعت! لبست بسرعه وخدت العربيه وروحت الشركه، دخلت على طول على مكتبه من غير تخبيط حتى، بس ملقتوش وقفت شويه مكاني، هو مجاش! بجد!! فضلت واقفه وباصه على الكرسي لغايه مفوقت على خبط على كتفي، كان هو، وشي نور! اتحركت من مكاني وهو قعدت على الكرسي بتاعه ف ابتسمت
_انا رجعت عشان دي امانه والدك محملهالي وانا مقدرش محفظش على الامانه، لما يرجع مش هتشوفي وشي، ابدا متخافيش =مخافش!! على اساس اني عاوزه كده!! احمد متعملش فيا كده، ارجوك زعق _انتي الي عملتي كل حاجه فيا، ممكن تروحي على مكتبك؟ رجعت خطوه لما لقيته بيزعق =انا اول مره اخاف منك _مش هبقى موجود عشان تخافي مني بعد كده =انا عاوزه اتكلم معاك، انت شوفت نص الصوره الي قدامك، طب انت صدقت؟ قلبك صدق! ضغط ب ايده على المكتب _ قولت على مكتبك
روحت المكتب وانا بفكر أصلح الي بيحصل دا ازاي، معتش هشوفه؟ يعني كده خلاص!! محدش هيعصبني ويبوظ المطبخ ويقولي هنصلحه؟ محدش هينكشني! مش هحس ب الأمان بعد كده في حضـ,ـنه وفي وجوده! رجعت المكتب بتاعه وفتحت الباب كان جاي يتكلم بس انا اتكلمت _انت لي اناني كده! انت عارف اني مش حابه اعيش من غيرك، عارف اني بحبك، لي تعاقبني كده!! قرب مني كان قريب اوي لدرجه اني لو رفعت وشي هلاقيه =لي عملتي كده! انا عمري مأذيتك
_والله معملت حاجه، اكيد انت مش مصدق الي شوفته خليني اوضحلك =مش عاوز افتكر الي شوفته مش عاوز اسمع حاجه _انت كده بتحكم اننا نبعد وانا مش عاوزه دا، لازم نكون احنا الاتنين موافقين =انا موافق وعاوز _اييي!! =زي مسمعتي، ويريت بقى نلاحظ ان دا مكان شغل بصيت على ايده _انت كداب، انت بتحبني =لا مش .. مسكت ايده _مقلعتش الدبله!! بص لايده وسحبها =ممكن تروحي تشوفي شغلك بقى؟ مشيت لما لقيته اتعصب تاني، احيه امال هقولك على الحقيقه امتى!! دا مش عطيلي فرصه اتنفس!
روحت المكتب وبدأت اشتغل وانا واخده قرار اني هقوله على كل حاجه، ربنا يستر وميعملش حاجه في محمود ويودي نفسه في داهيه كان فيه ورق محتاج إمضاء المدير فروحت المكتب عشان امضيه، فتحت الباب بعفويه لقيت بنت بتقرب ل أحمد _احمم، هو في ايي!! =طيب يا سما ممكن تاخدي الاجازه بس هما يومين بس *شكرا جدا يسياده المدير خرجت وانا رفعت حاجبي وبصتله بغضب _المفروض ان دا مكان شغل زي محضرتك قولت =اي الي حصل!!
_لا محصلش حاجه، بس المفروض ان التهريج دا ميحصلش هنا =وانا حر _لا مش حر انت واحد متجوز =ايام وابقى حر يستي!! _معاك حق، ممكن تمضي على الأوراق ديي مضى ومبصتلوش وخد الورق وطلعت بسرعه، انا غلطانه اني عاوزه أصلح موقفنا اصلا انا عاوزه اطلق ومش عوزاه! لا انا بكذب بس والله لأطلع عينه اليوم خلص وفوني رن _عاوزك في مكتبي =اليوم خلص وكل الموظفين مشيوا!! _بقولك عاوزك في المكتب قفل الخط وانا مبلمه هو في اي!!