#البارت السابع _اهلا يمريم =انت!! _اي مالك اتخضـ،،ـيتي كده =انت ليك عين تيجي هنا!! ،برا اطلع برا _بشويش كده، وانا الي جاي اعمل الواجب عشان اباركلك =انت حقير، أحقر انسان قابلته في حياتي _ولي الغلط بس، الضيف عندكم بيتعاملوا كده يعني! رفعت ايدي عشان اضـ،،ـربه بالقلم ف لوي ايدي ورا ضهري =لا لا كده هبدأ ازعـ،،ـل منك، دا انتي وحشاني حتي _سيب ايدي، اه سيب ايدي زقني قدام فوقعت لفيت وشي فلقيت احمد واقف وجـ،،ـرى عليا وقومني
_مالك يحبيبي وقعتي ازاي كده؟ =مفيش، مفيش اتكعبلت بس _مين دا يمريم؟ =دا، دا محمود ابن صاحب بابا في الشغل وكده _اه، اهلا بيك سلم عليه وانا واقفه متلجه مكاني من كتر الخـ،،ـوف *مبروك، الف مبروك _الله يبارك فيك *انتوا معملتوش فرح ولا اي _جت فجأه ملحنقاش نظبط الدنيا *اه، طب استأذن انا _ما بدري لازم تقعد تتغدى معانا بصلي *مره تانيه، الجايات اكتر _نورت *الله يخليك مشي وانا حطيت ايدي على قلبي الي دقاته قاعده تزيد وسرحانه
خبط على كتفي فحضـ,ـنته _في اي يمريم مالك! =مفيش، بس انت وحشتني حاوطني ب ايده _يسلام، اول كلمه حلوه اتقالت من ساعه متجوزنا، دا انا اشتغل كل يوم بقى =ها عملت اي في الشغل؟ _فيه شويه بنات يحلوا من حبل المـ،،ـشنقه طلعت من حضـ,ـنته وضربته في ايده =يبني _بهزر والله بهزر خدي هنا متبقيش قماصه ما احنا كنا كويسين =اتفضل اطلع غير البدله دي عشان الغدا جاهز _يوه ما كنا حلوين انتي بتقفشي بسرعه على فكره
بصتله بطرف عيني وسكتت _خلاص طالع، بس انتي بيهم كلهم والله طلع وانا ابتسمت، اختفت الابتسامه بعد مفتكرت الزفت الي رجع حياتي تاني، انا مأذنبتش انا كنت بتعامل معاه كويس، يمكن غلطتي اني اتعاملت كويس!! قولت ل كوثر تحضر الغدا وخدتوا على السفره، كان نازل قدامي وانا حاطه ايدي على خدي وبصاله، بجد شكرا يا احمد انا لو قعدت عمري كله ادور على حد كويس مش هلاقي حد زيك انا بحبك جدا والله و.. بحبك!!
_اي نحن هنا =يلا اتغدى زمانك جعان _صنيه بطاطس باللحمه، دا انتي مدوتيش بتاعتي بقي =كل يا احمد الله يرضى عليك كل ضحك وكل وانا فضلت ساكته وبفكر هو لي رجع! طب لي جه! حسيت ب احمد وهو ماسك ايدي ف اتخضيت _مريم انتي مش طبيعيه النهارده، فيه حاجه؟ مش احنا اتفقنا اننا صحاب ونحكي لبعض على كل حاجه =ايوه اتفقنا، بس مفيش حاجه لو فيه اول حد هحكيله انت، يلا كمل اكلك _كلي انتي كمان يلا
ابتسمت وكلنا وطلع نام عشان تعبان من الشغل، لبست ومشيت مرجعتش الا بليل، دخلت لقيته رايح جاي في الصاله واول مشافني هدى بس كان لسه متعصب، احيه انت احمر كده لي! _كنتي فين؟ =هيا دي مساء الخير و.. _بقولك كنتي فين وخرجتي من غير متقوليلي لي؟ =اهدي بس، اهدي والله هفهمك بس مش هعرف اتكلم وانت كده انا بدأت اخاف ضغط على ايده وابتسم ابتسامه ساذجه _ها كنتي فين؟ مسكت ايده وطلعنا الاوضه بسرعه وانا مببصش ورايا عشان عارفه انه متعصب
=اقعد بس كده، مشوفتش الأكياس الي في أيدي دي؟ _مالها يعني
