– رايده تم-وتيلي بنتي والله منا سيباكي ياللي جبتلنا العار..
وفضلت تضر-ب جميلة وجيه كامل على صوت صريخ بنته وهو بيقول:
– في ايه يا سعيدة بتض-ربي البنية كده ليه هي عملتلك ايه عاد..
– تعالى شوف بنتك وجبروتها عملت ايه في يد بنتي كل ده وهي بتواسيها بس…
جميلة كانت لسة هتقول انها معملتش حاجة لقت كف على وشها:
– جايز انا اتساهلت معاكي اليومين اللي فاتوا وبقيتي محدش قادر يكلمك واصل قومي جهزي خلجاتك هوديكي عند خالك تكملي علامك غوري..
جميلة كانت زعلانة بسبب الظلـ,,ــــم اللي اتعرضتله بس فرحت بأنها هتكمل تعليمها وجرت تلم هدومها.
سميرة باستغراب:
– وليه هتوديها عند خالها يا كامل..
كامل:
– علشان رايدة تكمل علامها ومنها تغور من اهنيه ومتأذيش اختها تاني واصل لم تبعد عنينا هتحس
..
سميرة بصدمة:
– انا مش ريداها تكمل علامها البنت معدناش هنقدر نكلمها تاني اقطع رجليها ومتخلهاش تمشي كلمتها عليك..
– اخرسي يا سميرة أنا عارف كيف أربي بنتي أنتي ادخلي عالجي حرـ,,ــــق يد بنتم وانا هاخدها واوديها لخالها في القاهرة…
… بعد يوم طويل وصلت جميلة وابوها على حارة شعبية في القاهرة وراحوا عند بيت خال جميلة وخبط على الباب..
– مين على الباب جاية حاضر..
فتحت ريهام الباب وشافت جميلة وابوها اتصدمت!
– خير يابو جميلة ايه جابك في الوقت ده في حاجه ياخوي..
– ايه اللي بتقوليه ده يا ريهام ده بدل مترحبي بيها واتخليهم يدخلوا الأول..
– احم متواخزنيش ياخويا بس اتصدمت من جيتهم متأخر كده ومعاه جميلة كمان..
ابتسم شوقي باحراج وهو بيقول:
– ادخل يا خوي بيتك ومترحك..
دخل كامل وهو مخنوق بس ما باليد حيلة..
– انتي عاملة ايه يا جميلة.
ابتسمت لخالها وقامت حضـ,,ــــنته وهي بتقول:
– بخير والله يا خالي بس أنت كيفك وبنت خالي كيفها..
– كلنا بخير يا عيون خالك…
– احم انا عارف يا شوقي أنا جاي ليه وانا بجد حاسس اني متقل عليك قوي..
– ايه اللي بتقوله ده يا كامل يا خوي بنتك هي بنتي وكمان هي بنت اختي فعيب لم تقول كده..
– اصيل يابو زينة..
شوقي وهو بيكلم مراته:
– قومي يا ريهام اعملي الأكل للجمـ,,ــــاعة علشان جاين من مشوار كبير ولازم ياكلوا..
كامل:
– لاء ياخوي اقعدي يا مرت اخوي أنا معاود البلد تاني بس كنت جايب جميلة وهمشي علطول..
وفعلا قام وخرج وجميلة قعدت عند خالها، وريهام شدت شوقي ودخلته الأوضه وهي متنرفزة:
– بقى جايبلي قرايبك يقعدوا عندنا انت مش عارف مصاريفنا قد ايه مبالك بمصاريف بنت اختك..
– ايه اللي بتقوليه ده يا ريهام عيب عليكي اللي بتقوليه ده دي بنت اختي وده خيرها مهما كان..
– اختك مـ,,ــاتت يا خويا وبنتها ملهاش حاجة عندنا يا تطلع تقلها يا اطلع انا اقلها..
اتنرفز شوقي بس سمع صوت باب الشقة بيتقفل وخرج شاف الشنطة بتاعت جميلة وجميلة مش موجودين، خرج وراها بسرعة وهو مش عارف لو مشيت هيقول لجوز اخته ايه..
….. في الشارع..
كانت جميلة ماشية وهي بتجر شنطتها وبتفتكر اللي حصل معاها كله من كلام الناس وازيت مرات ابوها ليها واللي اختها عملته، وخزلانها من جهة ابوها رمت الشنطة ووقعت على الأرض وفضلت تسرخ وهي بتقول..
– يارب أنا منبوزة محدش بيحبني خالص اهلي كلها بيكرهوني وامي مـ,,ــاتت وسبتني وخالي كمان مش قادرة اقعد عنده علشان انا حمل عليه، وجوزي سابني وهرب يا رب انا تعبت…
وبعد مخلصت بكاء قامت ومسكت شنطتها وهي دموعها نازلة على عيونها ومش شايفة حاجة حوليها خالص وطلعت الموبايل ورنت على زمايلها اللي اتعرفت عليهم اون لاين وفي نفس الجامعة وقالتلهم على مكانها وهما قالولها انهم هينزلوا من السكن الجامعي ويروحوا يخدوها..
وهي واقفة مستنية صحابها:
– ايه ده انا عاوزة اشرب كويس الحسنة الوحيدة ان ابويا سابلي فلوس علشان اصرف على نفسي..
وكانت معدية الشارع علشان تروح تجيب حاجه تشربها بس فجأة..
-حااااسب….
ياتري ايه اللي حصل مع جميلة؟ وهل ابوها هيعرف انها سابت بيت خالها؟ وهل جوزها هيرجعلها هنعرف ده بالتفصيل…؟؟
# الكاتبة داليا منصور الفرجاني..
الثالث
انتي متخلفة أنا ناقص بلاوي ياستي امشي من قدام ام العربية..
جميلة فتحت عيونها وقلبها كان بينبض جامد هي كانت خلاص على وشك المو-ت بس ربنا سترها معاها والسواق وقف في أخر لحظة..
– في ايه انتي هتفضلي واقفة كدا كتير عاوز أمشي..
انتبهت جميلة وبصتله بعصبية:
– صدق بالله أنت راجل معندك دم واصل علشان أنا كنت همو-ت بسببك وحضرتك جاي تزعقلي..
اتعصب ونزل من العربية:
– أنا معنديش دم أنا هعرفك مين اللي معندهوش دم..
وخدها غصب عنها ورماها جوه العربية ومشي، وفي الحظة دي جم البنات وشافوا الشخص وهو بياخد جميلة غصب عنها فخدوا حاجتها معاهم وحصلوه…
…. بعد فترة…..
– سيبني بقولك انت ازاي تمسك ايدي كده يا حيوان..
بس اتفجأت انه جايبها القسم اترعبت..
– انت جايبني فين أنت اللي غلطان مش أنا أنا مسمحاك بس سيبني امشي يا عم..
بصلها وهو شاددها جامد:
– اخرسي أنا هعرفك مين اللي حيوان..
ودخل مكتب الظابط ورماها جامد على الأرض هي من الوقعة معرفتش بتقول أيه:
– أه يا حيوان مش كدا كنت هتخبط راسي..
سمعت شخص بيضحك وهو بيقول:
– والله عشت وشوفت سامر باشا يتقاله حيوان..
– اخرس يا حيوان البنت دي..
وشاور سامر على جميلة..
– عاوزها تعفن في السجـ,,ــــن ومتشوفش النور لغاية لم تجيلي وتبوـ,,ــــس رجلي اخرجها..
جميلة بصت على الظابط ورجعت تبص لسامر وهي رافعة حاجبها:
– بقى علشان حضرتك كنت هتخبطني وانا بقولك انت اللي غلطان تعمل فيا كده بس شكلك عيل كلام على الفاضي..
قام سامر وهو متعصب وجميلة من الخوف جرت على الظابط ومحستش بنفسها وهي بتتكلم صعيدي جامد رغم هي كانت مقرره متتكلمش صعيدي هنا بالذات..
– وه وه وه بتمد يدك على حرمة أياك كيف تعمل كده فاكر نفسك راجل بعمايلك دي..
سيف بس عليها بصدمة وسامر كمان كان مصدوم من لهجتها وعرف هي اساسها صعيدي وهما كمان اساسهم صايدة اتكلم سيف وقال..
– لاء متقلقيش معندناش رجالة يمدوا يدهم على حرمة بس انتي خرجتية عن شعوره علشان كده كان متعصب وانتي تعرفي الصعيدي دمه حامي وميقدرش يستحمل حرمة تهينة..
اتكسفت جميلة لم سمعت الظابط بيتكلم بلهجتها:
– بس هو جابني غصب عني وانا مكنتش حابه الموضوع يكبر بس هو اللي طول لسانه من الأول..
– حصل خير خلاص المهم اعرفك الرائد سامر اللي حضرتك شتمتيه وفي نفس الوقت اخويا ..
بصتله جميلة بصدمة وقالت في سرها:
– رائد يا جميلة يا وقعتك المهببة يا بنت كامل..
سمعها سامر وكتم ضحكته بس قال:
– اه رائد ها ي على اني حيوان والا هترجعي في كلامك..
– مين اللي حيوان ده دأنا كنت بشتم نفسي والله مقدرش اشتمك دانت الأساس والباقي كله شنط في كياس يا باشا..
سيف ضحك على اخره وسامر كان مصدوم من تصرفها مكنش باين عليها بنت اجتماعية كدا كان باين انها انطوائية ولاحظ ده من خبرته في شغله بس خالفت توقعاته باسلوبها..
– على العموم حصل خير أنا كمان اتعصبت عليكي برضوا..
قالت جميلة بزوق:
– وانا كمان مخدش بالي من اسلوبي بس انا كنت همو-ت وحضرتك بتشتمني كمان مقدرتش استحمل..
سامر اتكلم:
– طب تعالي اوصلك لمكانك علشان حاجتك سبتيها وجيتي..
افتكرت جميلة وكانت لسه هتخرج وشافت اللي صدمها…!
في بيت عم جميلة كان قاعد ومراته قاعدة جنبه:
– يعني وافقت ان ابنك يهرب علشان بنت هنية ترتاح اديها راحت تكمل علامها وابني يا حبة عيني طفشان بسببها..
– يولية اتقي الله ابنك خلى سمعت بنت اخويا في الأرض عمري محسامحه أبداً ولو رجع هخليه يطلقها واجوزها سيد سيده..
في سرها:
– عمري مهخليكي تتهني يابنت هنية زي امك مخلتنيش تتهنى..
… في بيت اهل جميلة؛…
كانت مرات ابوا جميلة قاعدة هي وبنتها اميرة..
– انا محروق قلبي ياما بقى جميلة تكمل علامها وانا لاء..
– استني انتي اما خليتها تبوـ,,ــــس على رجلي مبقاش أنا سميرة بنت البشوات..
… عند جميلة….
اتفجأت بدخول صحابها بتوع الجامعة ومعاهم شنطتها..
– سهي وشروق اخباركم ايه..
حضـ,,ــــنوا جميلة وهما فرحانين :
– قلب سهى انتي اخبارك ايه.
– الحمد لله والله وانتي يا شروق اخبارك ايه..
شروق بهزار:
