نيرة ماشي انا موافقه ان حضرتك تعمل اللي انت عايزة المهم اني مرجعش لعمتي واتفضح لاني انا لو اتجوزت لاي راجل وعرف اني كده مش هيسكت عمار خلاص يا نيرة اطمني انا هفضل جنبك ومش هسيبك المهم بس أنتي اوعي تتكلمي مع الزفت ده ابدا ولا تحاولي تتصلي بيه انتي سامعه نيرة انا اصلا شيلت الخط وكس\رته عشان عمتي متتصلش بيا أو تحاول انها توصلي عمار حلو اوي الكلام ده وانا هفضل جنبك زي ما وعدتك متقلقيش من اي حاجه خالص تعالي معايا بقا عشان اوديكي الاوضه اللي انتي هتسكني فيها
ومشيت معاه نيرة لحد المكان اللي هي هتعيش فيه وعمار أحدها علي اوضه فوق السطوح وقالها عمار ايه رأيك بقا هي الاوضه دي حلوه اهيه وواسعة مش كده نيرة اه جميله اوي يا استاذ ربنا يخليك بس هو حضرتك ناوي تعمل ايه مع الحيوان اللي إسمه سعيد ده عمار. قولت لك انا هتصرف خلاص بقا متقلقيش انتي خالص من الحكايه دي يلا ترتاحي انتي كده وانا هنزل اجيب لك شويه اكل وحاجات تبقا عندك هنا
وبعدها نزل عمار وفي بيت سهير قالت لفايزة سهير الحقيني يا فايزة انا مش لاقيه البت بنت الكلب معرفش هي راحت فين البت هربت وسابت البيت فايزة يلهوي انتي بتقولي ايه يا ست سهير ازاي يعني هربت وسابت البيت ازاي تعمل كده ده البت دي عايزة قطم رقبتها سهير اعمل ايه طيب اجيبها منين انا معرفش عنها حاجه ابدا وخايفه تكون عملت في نفسها حاجه فايزة وهي هتعمل في نفسها حاجه ليه بقا أن شاء الله دي اكيد يا ست سهير يعني متأخذنيش هربت مع حد أصل البنت اللي تعمل كده متعملش الا وكانت هربت مع حد
سهير يالهوي ده ايه الكلام اللي انتي بنقوليه ده بس يا فايزة انا بنت أخويا عمرها ما تعمل كده أبدا هي اكيد مشيت لما عرفت اني عايزة اجوزها غصب عنها فايزة والله بقا دي بت عايزة الح/رق انتي متسكتيش لها لما ترجع من المكان اللي هي فيه وربيها من اول وجديد سهير انا مش هسكت لها البت دي بس انتي يا فايزة وحياتي عندك بلاش تقولي لحد ابدا أنها عملت عملتها دي فايزة
انا ياختي لا طبعا متقلقيش عمري ما عملت كده هو انا عبيطه ولا ايه انتي سرك في بير يا ست سهير انا عمري ما اتكلم أبدا متخافيش يلا بقا بالاذن أنا وسابتها فايزة ومشيت وعند نيرة قالت لعمار نيرة انا والله مش عارفه اشكرك ازاي يا استاذ عمار انا كل يوم تجيب لي حاجات في البيت هنا وانا مغرماك عمار قولت لك قبل كده يا نيرة انا تساعدك ومش هسيبك مش انتي لاجئتي لي انا هفضل معاكي ومش هسيبك ابدا المهم أنتي مش محتاجه حاجه تانيه
نيرة وانا هحتاج ايه اكتر من كده يا استاذ عمار ده انت حتي كتر خيرك والله في كل حاجه عملتها معايا يا بخت الست رحاب مراتك عشان معاها راجل زيك عمار شكرا يا نيرة والله بس انتي متعرفيش انا اصلا حياتي تعيسه ازاي انا اصلا مش مبسوط مع رحاب مراتي نيرة ايه بس يا استاذ عمار دي حتي الست رحاب طيبه اوي وست محترمه وبتحب حضرتك انا عارفه دي مش بتستحمل عليك الهوي أبدا عمار
ايوه انا معاكي في الكلام ده وده اللي ظاهر قدام الناس بس انتي متعرفيهوش واللي بيحصلي منها لما بيتقفل علينا باب واحد غير كده خالص انا ورحاب حياتنا علي المحك اصلا نيرة يا نهار ابيض لا لا بلاش يا استاذ عمار تسببوا بعض انت والست رحاب ما ينفعش تعملوا كده عمار وانا اعمل ايه بس هي اللي من اي مشكله صغيره كده تطلب مني الطلاق وانا الصراحه زهقت من كلمه كل شويه طلقني دي علي العموم اديني متحملها وخلاص
نيرة ايوه كده استحملها ولا انك تخسرها عشان انت لو خسرتها مش هتلاقي واحده زيها في الدنيا دي خالص عمار عندك حق طيب هو انتي بخيله ولا إيه مش تقومي تعملي لنا ساندوتيشين كده كوبايه شاي ولا انتي مش عايزة تعملي حاجه نيرة بس كده من عنيا احلي اكل واحلي شاي ده اصلا كله من خيرك انت ودخلت المطبخ وقالت لنفسها نيرة
في ايه يا نيرة يا خربيتك انتي ازاي تفكرى في الراجل اللي متجوز وممكن مراته تكون حامل كمان لا أعقلي كده وبلاش اللي انتي بتفكري فيه ده بس انا غصب عني عشانك عمار هو اللي واقف جنبي من ساعت لما هربت من بيت عمتي ما سبت بيت عمتي وفي الوقت نده عليها عمار وقال عمار ايه يا ست البنات انتي قدامك كتير علي ما تخلصي ولا إيه بتعملي ايه ده كله نيرة ابدا يا استاذ عمار انا كنت بحضر لك الأكل والعصير اللي حضرتك طلبتهم
عمار تسلم ايدك يا نيرة متشكرة جدآ اقعدي بقا يلا عشان تاكلي معايا وقعدت نيرة قدامه وفضلت تبص له وقالت له نيرة استاذ عمار هو حضرتك شايفني إزاي عمار مش فاهم سؤالك يا نيرة انتي عايزة تسألي عن ايه بالظبط نيرة انا اقصد يعني حضرتك شايفني إزاي بعد اللي حكيتوا واللي حصل من سعيد معايا مش يمكن تكون شايفني بنت وحشه عمار بالعكس انتي بنت زي الفل يا نيرة وانا عارفك كويس انتي ضحية واحد حيوان لكن انتي مش ذنبك حاجه أبدا وبعدين هو انا لسه بعرفك النهارده ولا امبارح ده انتي معانا من زمان في الحته
نيرة الحمد لله ريحتني اصلي كنت فاكرة انك انت نظريتك ليا هتتغير لما انا اكون كده طيب انا كنت عايزة اشتغل الله يخليك تشوف لي شغلانه في أي مكان اكيد هيبقى ليك معارف وكده عمار وأنتي عايزة تشتغلي ليه هو انتي ناقصك حاجه نيرة ايوه طبعا أنا ناقصني اني اعرف ناس واتعامل معاهم انا كده عايشه من غير ما اعرف حد خالص ومش عايزة افضل طول عمرى كده عمار طيب اسمعي يا نيرة انا هساعدك في الحكايه دي انا أعرف واحد صاحب مصنع الراجل ده حبيبي انا هخليه يساعدك ويشوف لك شغلانة عنده
نيرة انا مش عارفة اودي جميلك ده فين يا استاذ عمار ربنا يخليك يارب عمار ما تقوليش كده يا نيرة وبعدين انا قولت لك اي حاجه تحتاجيها انا موجود وهعملها لك انا مش عايزك تتكسفي مني ماشي وبعدها فعلا عمار جاب شغل أميرة في مصنع وراحت واشتغلت فيه وبقت تروح وترجع واتصاحبت علي بنت اسمها مروة وقالت لها مروة والله يا نيرة انتي من ساعت لما جيتي هنا تشتغلي معانا في المصنع وانا بقيت بحس انك اختي بالظبط انا اصلا مكنش ليا أصحاب خالص قبل كده
نيرة وانا والله يا مروة وما صدقت اني شوفتك وبيقنا أصحاب انا وأنتي مروة بس انا حاسه كده انك انتي عندك سر انا معرفوش اصل باين عليكي كده انك مخبيه عني حاجه نيرة وهو انا يعني هخبي عنك إيه بقا انا حتي معرفش اخبي حاجه أبدا مروة خلاص علي العموم انتي لو عايزه تحكي لي اي حاجه انا موجوده ولو حبيتي تتكلمي معايا في اي انا هسمعك يا حبيبتي احنا دلوقتي أخوات ماشي وبعدها عدت الايام والشهور وفي يوم عمار راح وقال لمراته
عمار انا هسافر يا رحاب عندي مأمورية في الصعيد وهغيب هناك كام شهر وارجع رحاب طيب انت مقولتش ايه من قبلها عشان احضر نفسي واجي معاك عمار أصلها جات علي فجاءة كده ملحقتش اني أقول يا رحاب وبعدين هتيجي معايا فين هو انتي هتستحملي الحر هناك ده هناك صعب أوي رحاب لا طبعا مفيش الكلام ده انا جايه معاك يعني جايه معاك انا مش هسيبك ابدا يا حبيبي