وكانت استقامتي

_يعني انت يبابا عاوز دخـ،،ـلتنا احنا الاتنين تبقي في يوم واحد؟ =ايوه _وعاوز تجـ،،ـوزني بنت الي انت هتتـ،،ـجوزها ؟ =أيوة بالظبط كده _احيه يحاج =نعم ؟ _عاوز تتجوز ؟ لا وكمان عاوز تدبـ،،ـسني في بنتها ورايح جايبلي ناس مش من مستوانا اصلا لا كمان حاططني قدام الامر الواقع والمأذون تحت!! =عارف لو مسمعتش الكلام هيحصل أي ؟ _بابا أنا خارج من صحابي بعد اذنك =لو متجوزتهاش ملكش ولا جنيه واحد من فلوسي _نعم !! =وروح ل صحابك الصيع يصرفوا عليك _انت بتخيرني ؟ =أنا متأكد انك هتختار مصلحتك عشان عارف إني الي في دماغي هعمله ، اجهز عشان المأذون عنده جوازات تانيه نزل وسابني ، احمد الي كارف للبنات كلهم ولو شاور ل اي بنت تبقي بين أيديه يتجوز ب الطريقه دي ! اتجوز !! نزلت لقيت الموضوع كله واقف علي امضتي! قعدت ومسكت القلم ومضيت وبقيت متجوز مين غير معرفها ولا اعرف شكلها ولا هي مين اصلا ولا حتي اسمها ! المأذون والشهود مشيوا بعد مباركوا وانا فضلت قاعد مكاني وراسي في الأرض *احمد ، دي مريم مراتك رفعت وشي بعصبيه ، وشوفتها ! كانت لابسه لبس ولادي وشكلها مسترجله ويحوستك يا احمد علي الي وقعت فيه ! *ودي بقي مراتي أنا ، امل دا ابني °أزيك يحبيبي _انا مش حبيب حد ، أنا خارج يبابا *استني عندك ! انت واحد متجوز دلوقت بطل شغل عيال واكبر شويه بقي _يا بابا أنا لازم أخرج صحابي مستنيني *مفيش عربيات متحركه من قدام الفله ، بقولك اطلع ولم الليله ° ب الراحه عليه يمحمود مش كده _انتي مالك انتي اصلا ؟ =لا لا لغايه هنا وتبلع ريقك يبسكوته ، الست دي بقت ست البيت يعني كلامها يمشي عليك وتقعد ساكت عشان كلمه غلط كمان مش هيحصل كويس *عين العقل يبنتي ، ممكن بقي تتفضلوا علي اوضتكم ! الوقت اتاخر طلعت وانا واقف مكاني متسمر ، هي ازاي تتسجر تكلمني كده ! طلعت وراها وانا متعصب ودخلت وراها الأوضه _اتتي ازاي تكلميني كده؟ =انت بتزعق لي ينجم؟ _!! =ابقي وطي صوتك عندي صداع مش نقصاك ، انت هتنام فين ؟ _والله ب العقل هنام هنا في اوضتي =حلو اوي هدور أنا علي اوضه تانيه جيت تمشي مسكت دراعها _اوضه تانيه مين يحلوة؟ =سيب دراعي _الي هو ازاي يعني؟ مسكت دراعه ولويته =اه نسيت اعرفك ب نفسي ، مريم ولسه خارجه من المعسكر من أسبوع يعني متتشقاش ولا شيطانك يوزك وايدك تتمد عليا كده تاني عشان هتزعل أمين ؟ سبته وفتحت الباب لقيت باباه وماما في وشي *فيه حاجه يولاد ؟ =ها ، لا ولا حاجه يعمي *امال راحه فين كده يبنتي ! =هو انا اوضتي فين ؟ *دا سؤال بردو ! مع جوزك طبعا ، يلا تصبحوا علي خير قفل الباب وانا لسه مكاني ، لفيت وبصتله لقيته قاعد علي الكرسي وبيفرد دراعه =مفيش سرير تاني هنا ؟ _.. =حلو غلط وانا كنت مستنياه يغلط اصلا ، هنام أنا علي السرير شوفلك حته بقي في الاوضه نام فيها _بقولك أي يبت انتي شغل العوق دا ميكولش معايا ، أنا مش عاوز أمد ايدي عليكي =لا لا انت مش عاوز لا انت مش عارف ولا هتعرف لا انت ولا غيرك _نعم يختي ! =متبس بقي عشان مخليش باباك يقطع عنك المصروف ، ايدا مش انت لسه بتاخد مصروف لغايه دلوقت ؟ قام وقف مكاني ف بقيت قدام الباب وهو قدامي علي طول _انا عمر محد اتسجر يكلمني كده =اهو جت الي تكلمك كده _بلاش أنا عشان هتزعلي وتتمني انك مكنتيش تفكري تلعبي معايا انا ب الذات =أنا كده خوفت بقي والمفروض اعيط ؟ هكش ف نفسي حاضر اهو كان جاي يرفع أيده بس اتحكم في نفسه وضغط علي سنانه _هتنامي مسمعش نفسك ، لغايه ميطلع علينا نهار وأشوف هتصرف ازاي في المصيبه دي =انت متدنيش أوامر ماشي؟ _متسكتي بقي انت محدش عارف يلمك ؟ =لا يعم محدش عارف _طب منا ممكن ألمك أنا عادي =خطوه كمان وهزعلك قرب خطوه ف طلعت جيبي مشرط =ايدا في أي _مش حرام الوش دا يتشوه! قولي هي البنات لما تاخد علامتين في وشك هتفضل بردو ميته عليك ولا هيهربوا اول ميشوفوك؟ بعد خطوه وهو بيبلع ريقه =هتندمي علي كل حاجه بتعمليها والله يمريم _انا عايشه عشان اشوف اخرك دخلت الحمام وانا في أيدي شنطه هدومي وغيرت ولبست بيجامه وطلعت ، كان بيبصلي من فوق ل تحت هو فيها أي يعني لما البس بيجامه كستور!! نمت في جمب من السرير وصحيت علي صوت خبط في الباب _ايوه ايوه *فيه واحد تحت اسمه محمود يستي عاوزك _محمود يا ابن الأيه دا وحشني اوي ، قوليله ثانيه ونازله *حاضر يستي لبست الروب علي البيجامه وجيت افتح الباب وقفني صوته _هو مين دا الي وحشك معلش ؟ #وكانت_استقامتي💙 #مريم سمير 💙#البارت التاني _هو مين دا الي وحشك معلش ؟ =محمود ويبقي ابن خالتي حاجه تانيه ؟ نزلت بسرعه، كان بقالي اسبوع مشوفتهوش من ايام المعسكر ، صاحبي الوحيد والاقرب ليا ، والوحيد الي بحبه في الصنف دا كله ، اخويا وصل يحاره _خال العيال =بقي يندله اعرف انك اتجوزتي النهارده الصبح من خالتي ! _مهي خالتك اتجوزت بردو =أيوة منا عرفت ، انتوا تدورولي علي عروسه حالا با.. _مالك يلا ! تنحت لي ؟ بصيت ورايا لقيت بنت اكيد دي اخت احمد الي باباه قالي عليها *اهلا ، ازيك _الحمد لله ، انتي اكيد سلمي *ايوه انا ، وانتي مريم مش كده ؟ _ايوهه *الف مبروك يمريم نورتي _الله يكرمك والله ، محمود سلمي ، سلمي دا محمود ابن خالتي *اهلا بيك ، طب اطلع انا بقي عشان اسبكم علي راحتكم طلعت وهو لسه فاتح بوقه _ولا ! =دي اخت جوزك ؟ _ايوه ، بس الفرق بينهم كبير ، اخوها قليل الذوق اوي =والله تلاقيه غلبان وانتي الي قادره ، يخبتي يمريم انتي اتجوزتي بجد ! _والله منا مصدقه يبني =مريم اتجوزت!! عجايب الدنيا بقوا تمانيه حالا _اه دا الحفله عليا النهارده بقي ، استني استني ، يا .. *ايوه يستي _اسمك أي يشاطره؟ *كوثر يستي _ماشي يكوثر ، ممكن تحضري فطار معلش للواد دا اهو ناخد فيه ثواب ضحكت *حاضر يستي _وهتقعد معايا ل بليل =الي هو ازاي يعني ؟ هو انا سايب يبني موريش حاجه مثلا؟ _معلش يا محمود الغي سفريه امريكا عشاني =اتريقي يختي اتريقي _يعم والله هتقعد ل اخر الليل وكلام خلصان =يبنتي النهارده صبحيتك لازم اكون مذواق بردو _محمود انت متربتش اصلا ! =اصلا ! امال أنا محبكها لي ، هاتي الفطار هاتي قعدت فطرت أنا وهو وفضلنا نتكلم كتير اويي _يعني انت سبت مريم ! =ايوه _ولي بقي؟ =احمم اتخطبت ضحكت _اقسم بالله نحس ومبتعمر مع بنت =نصيب نصيب _يعم اتجدعن عاوزين نفرح بيك دا انت عانس جدا =اه اه عشان اتجوزتي ف هتعايريني بقي _انا يمحمود؟ اخص عليك دا انا هزلك زله الكلاب بس اصبر =قد أي انتي صاحبه عظيمه _حبيبي اي خدمه =بس ما شاء الله الفله حلوة _عقبالك يسطا يا رب =عقبالي أي أنا بكح تراب يعم ماما جت هي وعمو السيد ، كانوا بيضحكوا أنا مشوفتش ماما فرحانه كده من زمان ! ابتسمت وبصيت ل محمود لقيته مبتسم هو كمان ، كنا احنا الاتنين نقعد معاها عشان نضحكها بس حزنها كان غالب ، يمكن هي تستاهل تفرح بقي ، لا مش يمكن دا اكيد _خالتي بتضحك يبت قومي زغرطي زغرطت _يخربيت فضايحك انتي عيانه؟ =الاه مش انت الي قولت ! _تعبير مجازي الله يهدك ماما وعمو السيد ضحكوا *في أي يولاد ؟ _دا أي العروسه القمر دي ، يعم الحلو يعرسي °الاه الاه سبتلي أي اقوله ؟ ضحك _الف مبروك يباشا ، انت معاك احسن ست في الدنيا حطها في عنيك ماما حضنته *انت الي احسن واحد في الدنيا يحبيبي والله =احم احم نحن هنا ، أنا عارفه انك بتحبيه اكتر مني بس متبينيش دا طيب! حضنتني *وانتي احلي واحده في البنات كلهم =والله مفيه احلي منك ومن عمو القمر دا ضحك °الله يخليكي يبنتي والله ، دا انا مسمعتهاش من مامتك =ازاي ! دا ماما بتقول كلام حلو اوي بس هي مكسوفه شويه °يعني فيه امل ؟ =بقولك كلامنجيه يعمو في أي ! ضحكنا احنا الاربعه وأحمد نزل ، يا ساتر يا رب ! جه وقف قدامنا وهو لابس بدله سودا ايدا هتروح تخطب ولا اي ؟ *صباح الخير يبني _انا مش ابن حد ، كنت ابن ست وماتت ولا انتي ولا غيرك هيعرف يملي مكانها محمود جه يتكلم سكته _بابا أنا عاوز مفتاح عربيتي °لما تبقي تتربي ابقي خده _نعم ! °لاول مره في حياتي اخد بالي انك مش متربي _وانت من أمتي خدت بالك مني ؟ °يظهر اني دلعتك زياده عن اللزوم ، مفيش عربيات يا احمد _يعني أي ؟ °زي مسمعت ، مفيش عربيات خرج وهو متعصب ورزع الباب وراه °انا اسف _لا مفيش حاجه يعمو عادي، ربنا يهديه ، ممكن اطلع بس برا هشوف حاجه واجي محمود همس في ودني =فيه حاجه ؟ _مفيش يسطا ثواني وهاجي طلعت ولفيت الجنينه ملقتهوش ، هو مشي ؟ جيت ادخل سمعت صوت عياط ف رجعت تاني ولقيته قاعد علي الارض في جنب _احمد ! مسح دموعه بسرعه =انتي اي الي جابك هنا ، ادخلي جوا وسبيني في حالي _ بطل عياط ، باباك عاوز مصلحتك =متدخليش في حاجه ملكيش فيها جيت امشي بس رجعت تاني _مش عاوز تدخل تقعد معانا جوا ؟ =يووه قولت سبيني في حالي ، وبعدين ملقتش غيركم عشان اقعد معاه؟ _قعدتنا حلوة علي فكره ، مش بنتكلم في الفلوس ولا العربيات بنتكلم عن حاجات تخلينا نضحك ومبسوطين بس =وانا مش عاوز اقعد معاكم أنا حر دخلت الفله تاني ، أنا مهزءه اني كنت خرجت اصلا _كله تمم ؟ =ايوه متقلقش ، تعالي نكمل كلامنا فضلنا نتكلم وماما دخلت تعمل غدا طلعت تاني لقيته لسه في نفس المكان _احمد مينفعش قعدتك دي =انتي مش ناويه تجبيها ل بر؟ _حاكم بقولك أي .. قام من مكانه وقرب =أنا الي بقولك أي ، انتي عمرك مهتبقي مراتي ولا الست الي جوا دي هتبقي امي وهتفضلوا من النقط السودا الي في حياتي _ومين بقي النقط البيضا ؟ صحابك ؟ الي عارفينك عشان الفلوس ؟ الي لو وقعت في مشكله مش هتلاقي ولا واحد فيهم جمبك ؟ كلنا وحشين وهما الكويسين ؟ فوق يا احمد فوق قبل فوات الاوان =انتي ملكيش انك تقعدي تديني في نصايح _دي مش نصايح دي الحقيقه مشيت من قدامه عشان كان متعصب اوي و مشي وخرج ، مالك يمريم ! من أمتي وانتي طريه كده ! لا ننشف يماما ننشف دخلت واتغدينا سوا وسلمي أخته مشت وفضلت أنا ومحمود _ودلوقت هنشوف الست غاليه وهي حارقه الكيكه =اخرس قطع لسانك انت بتشبهني! _يعني دي مش قدامك محروقه يعاميه؟ =مهو دا عيب التعليم الحكومي ، دي مقرمشه يجاهل _تمم يمريم مش واكل منها كليها كلها بقي =لا بص بص عمو وماما مش دايقنها عشان هيبقي حرام عليا ، وانا عشان الي عملاها ف هسيبك تاكلها كلها عشان أنا بحب التضحيه اوي _لا أنا متنازل عن حقي =محمود متبقاش ندل بقي ! أنا وقفت ساعتين اعملها _يمريم انتي ملكيش دعوه ب المطبخ وحاجات البنات دي ، انتي كنتي بتضـ,ـربي الولاد في المعسكر تجبلهم إصابات! =ربنا يحميني يا رب ، ميه وتاكلها _متين =ميه وعشرين ودا اخر كلام عندي _ميه وخمسين وهاكل تلت قطع =بيس يمان بيس اكل اول قطعه _بصي هي اه مش مستويه وعجينه وحرقاها بس يجي منك ، عندك موهبه تستحق الدفن والله بكلمك ب امانه =ربنا يكرمك يا رب _همشي أنا بقي =لا اقعد شويه _يبنتي انتي متجوزتنيش أنا ! =ايوه منا واخده بالي _هبقي اجيلك =ايوه يمحمود عشان خاطري ، أنا مليش صحاب غيرك _انتي قلبتيها دراما لي ! شيفاني أنا الي مقطع العلاقات ! ، علي العموم الف مبروك يعم =الله يبارك فيك يا اخويا مشي وبعد خمس دقايق الباب خبط ، فتحته لقيت محمود شايل سلمي ومغمي عليها _ايدا !! احيه !! انت عملت في البت ايي؟ #وكانت_استقامتي💙 #مريم سمير 💙#البارت التالت _ايدا !! احيه !!! انت عملت في البت اي؟ =والله معملت حاجه ، انتي هتلبسيني مصيبه ! _ابوها لو عرف هينفوخنا يخربيت ام صحوبيتك ، أي الي حصل ؟ =يبنتي والله وصلت للبوابه لقيتها جت وبتقرب وهي دايخه ف سندها لقيتها مغمي عليها قربت منها وشميت ريحتها _لا دي سكرانه مفيش حاجه =طب الحمد لله و.. ايييي!! شاربه حرام ؟ منكر يعني؟ _وطي صوتك ، اتكتم هنتفضح ، ابوها لو جه وشافك شايلها هيقول النار ولا العار ويطخك =تفتكري ارميها وامشي؟ _طول عمرك شهم يولا والله ، تعالي ورايا يابا بس بشويش =احنا هنسرق؟ _ألعن ، هنطلعها أوضتها =طب متسبيني أنا الي اطلعها _تصدق انك عيل مش محترم ؟ وجمله كمان هصوت وأصحي ابوها وخالتك يجوا يشوفوا المتربي عمل اي؟ =يلا يمريم نوديها اوضتها في أي ! طلعنا ب الراحه خالص ودخلناها اوضتها ونزلنا _روح الجريمه في دمي بجد =يبنتي احنا غطناها مش كشفناها! _شوفتني وانا بتسحب؟ =ايوه منا كنت معاكي اصلا ! _انا عاوزة اطلع ظابط =مريم أنا ماشي _يمحمود اسمعني ، لو بقيت ظابط ه.. =هتبقي قادره ، تصبحي علي خير _حاكم انت اخ مش كفاءه =احمم ابقي اطمني علي سلمي الصبح _ماشي يحنين ماشي فتح الباب لقي احمد في وشه وهو مدروخ _احيه بقي دا مبقاش بيت دا بقي ديكسو سندت أيده حوالين رقبتي _ولا انت رايح فين ؟ =لا يمريم متدخلنيش في الأمور العائليه دي _واطي يمان واطي مشي وهو بيضحك وانا سانده احمد طب ودا أطلعه ازاي دا ؟ اشيله؟ _احمد ! سامعني؟ =مالك حلوة اوي كده يشوشو _دلع مريم شوشو معروفه ، مهو أنا اكيد مش بتخان يعبدالصمد =عاوز انام _ما طبعا مهو فندق سندته لغايه مطلعنا الأوضه ، جيت امشي مسك أيدي وشدني _احمد ، فوق =عاوزة تسبيني زي ما الكل سبني؟ _احمد .. =ششش حضني فجاه فشهقت ! لا لا بقولك أي أنا محترمه يا استاذ اوعا تسبني بقي ! =ماما سابتني ، وبابا ولا كأني هنا ، وصحابي عرفني مصلحه ، محدش جمبي و.. كان بيعيط فطبطبت عليه _بس ، بس كله هيبقي تمم سكت و بصيت عليه لقيته نام ، عدلته علي المخده وسويت شعره ب أيدي ، معقول الوجع دا كله ورا الوش الي دايما بيبان مغرور دا ! بعدت بسرعه ، أي الي أنا بعمله دا ! نمت علي الكرسي الي قدام السرير ، صحيت علي صوت احمد وهو بيكح _انت كويس ؟ =وانتي مالك ، شئ ميخصكيش _ايوه بردو انت كويس ؟ غمض عينه ومسك دماغه _انت لسه سكران ؟ =يووه بطلي كلام بقي روحت المطبخ وجبت ازازه وطلعت _اشهد أن لا إله إلا الله وأن محمدا رسول الله ، يا رب انت عارف نيتي اني افوقه لو قـ,ـتلـ،،ـني مش مسمحاه رشيت علي وشه الميا ف قام =انتي بتعملي أي ؟ _بفوقك =وانا مش عاوز مساعدتك ولا طلبتها اصلا _الحمد لله فوقت =!! _هنزل أنا بقي مسكت الباب فوقفني صوته =حصل أي امبارح ؟ _محصلش حاجه =انا اتكلمت معاكي؟ قولت حاجه _لاء خرجت ، مكنش عاوز حد يعرف الي جواه ف فضلت مقولوش أنه قاله ، روحت اوضه سلمي لقيتها صحت وبتشرب قهوه _عامله أي دلوقت ؟ *حصل أي امبارح ؟ _مالكم يجدعان هو امبارح اتقص من الذاكره ولا اي ! علي العموم محصلش حاجه ، اهم حاجه انتي بخير دلوقت ؟ *اه الحمد لله احسن _محمود بيسلم عليكي *ثواني ، أنا اخر حد شوفته هو _اه مهو هو الي شالك وجابك هنا *شالني !! _ايوه كان مغمي عليكي *متشكره اوي _هو ممكن اسألك سؤال؟ *اكيد _انتي بتشربي لي ؟ *.. _حاولي تبطلي دي مش حاجه حلوة خالص وكمان حرام ، اسيبك أنا بقي عشان تفوقي نزلت المطبخ وعملت فنجان قهوه وطلعت ل احمد _اشرب دا ، هتفوق اكتر بعده خد مني الفنجان وهو ساكت وشرب اول شفطه _مش كوثر الي عملاه ، انتي الي عملاه؟ =ايوه سكت وشربه =تحب تفطر دلوقت ؟ _متحسسنيش انك بتهتمي بيا ، ماشي؟ =أنا مبعملش كده ، أنا بعمل الي المفروض اعمله _بحكم اي؟ انك مراتي ؟ لا وقولتلك قبل كده =خلاص بشوقك وبراحتك ، أنا غلطانه اصلا اني اتخضيت عليك سبته وانا متعصبه ، ورزعت الباب ورايا ، اتخضيت عليه؟ وانا اتخض عليه بتاع أي مهو براحته ! نزلت وفطرت أنا وعمو السيد وماما وسلمي طلعت وانا معايا صنيه فطار عشان يفطر _الفطار سبته ونزلت من قبل ميرد ، الفون رن كان محمود _عامل أي =الحمد لله ، سلمي عامله اي؟ _الحمد لله أنا تمم والله يبني متقلقش عليا ضحك =طب وهي ؟ _الحمد لله بتقولك متشكره اوي ها =العفو يختي ، هروح انا الشغل بقي _ربنا يعينك =قصدك ربنا يتوب عليا نفسي اشتغل في قسم نضيف بقي بدل ما أنا ظابط علي البطاقه وخلاص وقاعد أنش _ان شاء الله ربنا هيكرمك والله =يا رب يمريوم _مع السلامه ، خلي بالك من نفسك يظبوطه =مع السلامه يحبيبتي قفلت معاه ولقيت أحمد في وشي _كنتي بتكلمي مين؟ =ملكش دعوه جيت امشي مسك أيدي وضغط عليها _بقولك بتكلمي مين ؟ =احمد سيب أيدي عشان متزعلش سابها _وبعدين معاكي بقي ! =محمود ابن خالتي ، ها حاجه تانيه ؟ _مش ملاحظه انكم قريبين زياده عن اللزوم =عشان هو اكتر حد بيحبني في الدنيا دي وبيخاف عليا اكتر مني واجدع صاحب عندي ومش هخسره مهما حصل _.. =وبعدين يحلاو شوشو _شوشو مين؟ =اي ناسي انك قولت شوشو امبارح ؟ _وانتي مالك اعرف مين ولا اقول أي =يبقي انت كمان ملكش دعوة بيا مشيت من قدامه بسرعه ، فضلت قاعده في الجنيه لغايه ما الليل هل ، لقيت سلمي بتخرج من البوابه _سلمي سلمي =مريم ! _راحه فين ؟ =راحه ، راحه لصحبتي _هتتأخري ؟ =هبات عندها _قولتي ل عمو ؟ =وانتي مالك انتي هو تحقيق ولا اي ! مشيت وهي متوتره ، هو في أي ! اتسحبت ومشيت وراها لغايه مدخلت فله تانيه ، لفيت من ورا عشان كان فيه حرس قدام الفله ، كان شباك في الأوضه مفتوح ، لقيتها قاعده مع شاب معرفتش اعمل اي ، مجاش في بالي غير محمود _محمود =في حاجه ؟ مالك ؟ _هبعتلك ابلكيشن علي الواتساب تجيلي دلوقت =في أي يبنتي ؟ _لما تيجي هقولك ، بس بسرعه بعد ربع ساعه لقيته جه ف شديته بسرعه ووقفنا ورا _شايف ، سلمي مع واحد وبيشربها غصب =مع واحد فعلا _لازم ندخل =ميمكن هي الي عاوزة كده ؟ _بس باباها لو عرف هيتعب ، لازم نمشيها من هنا ، يمكن مش عارفه الصح من الغلط =محدش هيودينا في داهيه غير دماغك _يلا ننط بس نطينا احنا الاتنين وقربنا من الأوضه لقناه بيقرب منها وماسك وشها *انتي حلوة اوي يسلمي =شبه امك ولا اي ؟ *انت مين ؟ =ابعد عنها احسنلك نده البودي جارد بتوعه كانوا اربعه ف وقفت جمب محمود =هنحيي جو المعسكر ولا اي ؟ _انت مش شايف حجمهم؟ أنا عيله يلا نجري أنا مالي اصلا ! =مريم انشفي احنا كنا بناكل العساكر _طب يلا بسم الله كل واحد فينا ضـ,ـرب اتنين ، دا اللهم بارك والله =اوعا تربيتي _اخويا السندال بصيناله =هخليك تضـ,ـربه انت عشان تعرف اني بعزك بس _روحي يشيخه ربنا يسترك ضـ,ـربه ضـ,ـربه واحده أغمي عليه ، دا أي الرجاله الناشفه دي ! بصينا علي سلمي لقناها دايخه =سلمي انتي كويسه؟ *اه لا لا لا اه =ما شاء الله ، شيل يعم شيل شالها وروحنا الفله ، فتحت البوابه ب الراحه ودخلنا ، طلعناها اوضتها _والله هنفضل أبطالها ل حد منبطلها ، عالمي عالمي بلع ريقه =مريم جوزك وراكي غمضت عيني بقوه ولفيت وفتحتها ولما فتحت لقيته ف وقفت جمب محمود *انتوا بتعملوا أي في اوضه سلمي ؟ #وكانت_استقامتي💙 #مريم سمير 💙#البارت الرابع _انتوا بتعملوا أي في اوضه سلمي ؟ =انت عامل أي دلوقت ب امانه بقي؟ _انتي وابن خالتك وبتعملوا أي هنا ! =ايدا احنا أي الي جابنا هنا ، احنا رجعنا للنوم واحنا ماشيين ولا اي _نعم يختي ! =مقتنعتش صح ؟ وانا كمان والله ، بص من الاخر كنا بنشم هوا _انتوا هنا بتعملوا اي؟ =بنسرق _ايي؟ =اوفر صح ؟ طب نجري يعني ولا نعمل أي فجأه سلمي فاقت *أغمي عليا ف كانوا بيوصلوني يا احمد _اي صعبه مش عارفه تقوليها ! =ايوه لسه بسنن شديت محمود من أيده ونزلنا تحت _كنا هنروح في داهيه =كله شورتك _كنت ثانيه كمان وهلبسك في البت وهقول نجوزكم ونستر عليكم =هي بتحب واحد فوقي ، المهم انا ماشي _هتعرف تروح؟ =لا هتخطف _الوقت اتاخر جامد يا محمود ، بات هنا وامشي بكره =لا مش عاوزة اتعبك _ولا ولا من ساعه متجوزت وانت بقيت زوق اوي ! =هبات في انهي اوضه ؟ _الأوض كتير تعالي طلعنا فوق ودخلته اوضه _تصبح علي خير =وانتي من أهله قفلت الباب وروحت اوضتي _كنتي فين ؟ =كنت بدور ل محمود علي اوضه عشان هيبات النهارده _تحبي تجيبي الشارع كله يبات هنا ؟ =لا محبش ، تصبح على خير نمت في جمب من السرير وانا ساكته _انا افتكرت أنا قولت أي وانا سكران =.. _الي قولته دا مش صح ويا ريت يعني تنسيه ولا كأني قولته اتعدلت =يعني عندك صحاب بجد؟ _طبعا ، أنا أي حد يتمني أنه يصاحبني =ودا لي بقي؟ _عشان ، عشان يعني .. =غني؟ فلوسك يعني _لاء =تعرف يا احمد ، محمود عمل معايا موقف لغايه دلوقت مش هنساه ، كنت في اخر سنه في الكليه وكنت محتاجه الف جنيه عشان اكمل علي الي معايا عشان المصاريف ، وماما مكنش معاها ، ساعتها قفلت علي اوضتي وعيطت عشان حسيت اني لوحدي لاول مره بعد ما بابا ما مات ، محمود خبطت عليا ودخل وسألني بعيط لي ، في الاول مقولتلوش بس هو أصر ف حكيت ، وقتها سابني ورجع ب الالف ج ، الالف ج دول كانوا مهمين اوي عشان يشتري لبس الشغل بتاعه ، بس هو فضلني علي نفسه ، وقف جمبي ومخلنيش احس ان مش معايا حد ، دا حتي لما قولتله اني عاوزة اخش معاه المعسكر هو الي اقنع ماما ، محمود لو طلب حياتي كلها مش هتردد لحظه ، عارف لي؟ عشان صاحب جدع يسد لما احتاجه _.. =ابعد عنهم يا احمد ، بيأذوك وفي الاخر هيسبوك ل وحدك _لا طبعا =تمم ، رن علي كل واحد وقولهم ابويا طردتني شوف هيعملوا أي مسك الفون بتاعه بتحدي وكلم كل واحد من صحابه ، كانوا بيتلككوا والي يقول هقفل واتصل بيك تاني والي يطنش وميردش لغايه ما صحابوا خلصوا ف حط الفون مكانه وبصلي وهو بيدمع =صدقت بقي؟ _انا بعد ما ماما سبتني وانا مفيش حد معايا =مين قال كده ؟ باباك بيحبك اوي يا احمد انت الي مش قادر حتي تديله فرصه يقرب منك ، ماما كان نفسها في ابن ممكن تكون انت الابن دا ، سلمي اختك عاوزة تحس أن عندها اخ بجد ، وانا ، أنا جمبك ، كلنا عاوزينك كويس وفايق وناجح في حياتك ، بس انت الفكره الي مسيطره علي دماغك أن محدش بيحبك ، لا يا احمد انت غلطان _.. =تيجي نقعد كلنا سوا ؟ ابتسمت وخرجت من الاوضه وخبطت علي محمود وسلمي لقيتهم صاحيين ف نزلنا كلنا تحت كانت سلمي بتبص ل محمود بندم ، اكيد عاوزة تقول حاجه بس مش عارفه عشان احمد قاعد _احمد تعالي نعمل قهوه =نعم؟ _هعلمك بعملها ازاي ، تعالي بس خدته وغمزت ل سلمي وانا ماشيه ف ضحكت _انا اسفه =علي اي ؟ _علي صورتي الي انت شايفني بيها دلوقت =لي انتي عملتي حاجه غلط؟ _ايوه ، بس مكنتش عارفه انها غلط ، هو اول حد يتكلم معايا ويهتم بيا ، اول حد يقول اني حلوة ، محدش كان بياخد باله من وجودي ، ف كنت عاوزة أي حد معايا ، حتي لو وحش =اهدي ، متزعليش ، ممكن اكون انا الحد دا ؟ _انت ؟ ضحك =بس انا مش وحش ، أنا صاحب كويس بشهاده البت الي دخلت عشان تسبنا نتكلم دي _انت طيب اوي يا محمود =وانتي جميله اوي ، اجمل من انك تبقي زعلانه *احمم احمم =دا وقته بذمتك ؟ *يعم راجعه بس بجيب فناجين من النيش =طب يلا هوينا *ظابطه الاريل أنا كده؟ =تحفه يحبيبتي يلا ب السلامه انتي دخلت المطبخ لقيت احمد هيولع سجاره ف سحبتها منه _اول قاعده هتبطل شرب سجاير وهتبطل تسكر =هاتي السيجاره يمريم _لاء قرب مني =متاكده انك مش عاوزة تجبيها؟ _ايوه متاكده قرب خطوه كمان =حلو اوي الكلام دا _حلو اه ، وعيونه حلوة اوي =هو مين ؟ _ها ، احمم الكلام ضحك =طلعتي طيبه عكس الي بتظهريه _ربنا يكرمك ، مش احنا هنبقي صحاب ؟ يبقي اكيد هبقي طيبه معاك =صحاب ! لا مينفعش _لي؟ =عشان هتحرش بيكي دلوقت والله _ايدا في أي ، انت صريح جدا =شوفتي بقي اني مبحبش أحور ؟ _حاكم انت مش محترم ، خطوه كمان وهصوت =انتي مراتي يغبيه _م ايي؟ =اه منا رضيت ب الواقع بقي _يعني أنا اي؟ =مراتي يمريم _القهوه فارت ، منك لله =الاه!! خرجنا وشربنا القهوه الي من غير وش دي ايوه وفضلنا نتكلم كتير اوي ، مش عارفه نمنا أمتي! صحينا علي صوت ماما وعمو وانا نايمه جمب احمد وسلمي علي كرسي ومحمود علي كرسي وحاجه في منتهي يا هلا ب الغضروف *انتوا نمتوا هنا ! _ايوه ، احمد بقي يخربيت دماغه التغيير مسيطر علي عقله =نعم يختي ! _بس بقي عادي جوزي وهستحمله ، اه يضهري كلهم ضحكوا وانا ومحمود وسلمي طلعنا _استني يا احمد أنا عاوزة اتكلم معاك ، سيد معلش سيبنا ل وحدنا شويه *حاضر بابا مشي وهي قعدت جمبي وابتسمت _عامل أي =الحمد لله _انا عارفه أن زمان مريم مطلعه عينك بس هي طيبه =عرفت ، طيبه اوي وانتي اكيد طيبه زيها _عارفه أن محدش هيعرف ياخد مكان مامتك بس اعتبرني مامتك التانيه ، ربنا يعلم أنا بعزك ازاي ابتسم وهي حضنتني ف حضنتها ، كان حضنها شبه حضن ماما الله يرحمها ، كنت طيبه ووشها بشوش زيها _اقعد اتغدي معانا =بت بت أنا كده هقيم هنا ، الشغل يهانم _يعم استقيل =انتي اخت جدعه اوي لي ؟ _ربنا يخليني ليك وخلاص =بعد اذنك يسلمي *اتفضل ، خلي بالك من نفسك =وانتي كمان _اجيب لمون؟ واعزف عليه ؟ عصافير خالث =بت بطلي _ماشي يعم الحنين ، ابقي تعالي =حاضر يختي مشي ف صقفت قدام سلمي لما لقيتها بصاله _ليكي حق ، الواد قمر =احمم لا مش كده _يستي ولو كده دا انا افرحلكم =احمم هو محمود بيشتغل اي؟ _ظابط ، وسنجل بائس =ربنا معاه _مش بيرحم نفسه يسلمي والله في الشغل ، وخالتي نفسها تشوفه عريس ، وهو عيل هم =ربنا يرزقه ب بنت الحلال _يا رب يحبيبتي احمد ندهلي ف روحتله _ايوه بتنادي؟ =مامتك زيك _زيي ازاي ؟ =طيبه وحنينه وحلوة _حلوة؟ احيه انت بتعاكس امي ؟ =يعني مفهمتش اني بقول عليكي انتي الحلوة ؟ _لا فهمت انك بتحب امي =لا دا احيه فعلا ، متفهميش تاني بقي قعدنا نتكلم كتير لغايه منام ، فضلت مركزة في وشه ، كان جميل اوي ب لونه القمحي وشعره الاسود التقيل وبراءه وشه وهو نايم ، الباب خبط ف فوقت من شرودي ف فتحت الباب _اهلا سلمي =محمود تحت ، قاعد يعيط _ايي! #كانت_استقامتي💙 #مريم سمير 💙#البارت الخامس والاخير _محمود تحت ، قاعد يعيط =ايي !! جريت علي تحت لقيته قاعد علي الركنه وموطي راسه ، رفعت راسه لقيته فعلا بيعيط ، شديته من أيده وقعدنا في الجنينه _في أي ! مالك يمحمود ؟ =.. _حصل أي طيب؟ أنا عمري مشوفتك ب الحاله دي =امي _خالتي مالها ؟ =طلع عندها كانسر في الثدي ولو معملتش عمليه في اسرع وقت هينتشر في جسمها كله _ايي ! عيطت _طب تعالي نروحلها =أنا ودتها المستشفى ولازم العمليه تتعمل النهارده _ان شاء الله هتبقي كويسه متخافش =العمليه ب 250000 ج يمريم فضل يعيط ف قعدت جمبه وحطيت راسي علي كتفه _هتتحل ، هتتحل والله متقلقش دخلت وسبته وطلعت جري علي الاوضه وجبت صندوق الدهب بتاعي ونزلت _قوم معايا هنروح ل اي بتاع دهب ونبيع دول =هتبيعي دهبك ! لا طبعا ، دا انتي محلتكيش غيره وسيباه للزمن _انتوا الزمن ، يلا يا محمود مفيش وقت جينا نمشي لقينا سلمي في وشنا *في أي يمريم في أي يمحمود مالكم بتعيطوا لي؟ _مفيش ، المهم لو حد سأل عليا قوليله خرجت مع محمود *قولولي مالكم مش هسيبكم كده حكيلها الي حصل *طب ومستشفى أي دي؟ =الحياه _كويس قريبه من هنا ، يلا يمحمود بسرعه خرجت أنا وهو وروحنا ل بتاع الدهب وبعناه ، جاب خمسين الف _هنروح دلوقت واكيد لما يعرفوا أننا معانا مبلغ هيعملولها العمليه ونبقي نتصرف في الباقي =أنا معايا خمسين ألف _طب كويس يلا بينا روحنا المستشفى ودخلنا الاستقبال =ينفع ندفع ميت الف وبعد العمليه الجزء الباقي ؟ *بس المبلغ ادفع ب الكامل يفندم ، والمريضه حاليا بتعمل العمليه =ايي! ازاي ؟ ومين الي دفعه ؟ °احنا لفينا لقينا سلمي وأحمد واقفين ، دمعت وروحت حضنته بسرعه _هتبقي كويسه إن شاء الله ، الدكتور قالي أنه مش خطير وإن شاء الله العمليه تنجح =شكرا يا احمد ، شكرا بجد _لولا سلمي مكنتش عرفت بصيت ل سلمي وحضنتها وبصيت ل محمود لقيته بصصلها =تعالي نقعد في الاستراحه خدته ومشينا _شكرا يسلمي =معملتش حاجه ، اهم حاجه ترجع ب السلامه ، ربنا يخليهالك _مش عارف اقول أي ولا ارد جميلك دا ازاي =مش اتفقنا أننا صحاب؟ مفيش جميل بين الصحاب _شكرا بجد =بطل عياط دا انت واد عيوط _الاه ! لقيت سلمي ومحمود جم قعدوا جمبنا ، بعد ساعه الدكتور خرج =ها يدكتور ؟ *الف مبروك العمليه نجحت =الحمد لله ، الحمد لله يا رب خالتي خرجت علي الترولي عشان تتنقل علي غرفه ومحمود دخل وراها ف دخلنا كلنا في هدوء بس لقناها لسه مفتش _كده يماما عاوزة تسبيني وتمشي دا انا مليش غيرك =دلوقتي هتفوق وتبقي كويسه _بجد يا احمد مش عارف اقولك اي انت وسلمي *احنا اهل مفيش بينا الكلام دا ، ربنا يطمنك عليها خرجنا احنا الاربعه وقعدنا برا ، بعد ساعه خالتي فاقت ومحمود دخل اطمن عليها _الحمد لله هي كويسه دلوقت =طب الحمد لله ، ربنا يقومها بالسلامه _تسلمي يسلمي ، روحوا انتوا بقي أنا تعبتكم معايا اوي *لا هبات هنا _روحي يشيخه بقي ، يعم خدها يعم *بيموـ,ـت فيا واضحه اهي ضحك _روحي وابقي تعالي تاني عشان تنامي شويه *هاجي بكره من بدري وهفضل لاصقه انت حر بقي روحنا احنا التلاته الفله وفتحنا الباب لقينا ماما بتعيط _في أي يماما ؟ *سيد جيت اصحيه مبردش عليا طلبت الدكتور وهو في الطريق _مبيردش عليكي اصلا ! سلمي وأحمد جروا علي اوضته ، أي اليوم دا ! الدكتور جه وكانت غيبوبه سكر ، اداله حقنه انسولين وماما وسلمي نزلوا مع الدكتور وفضلت معاه أنا واحمد _هيبقي كويس صح؟ =صح _مش هيحصله حاجه انا عارف ، مش هيسبني زيي امي ، هسمع كلامه بعد كده والله ومش هزعق ولا اعمل اي حاجه تضايقه بس هو يقوم =شوفت بتحبه قد اي؟ هيبقي كويس إن شاء الله _يا رب يمريم يا رب باباه فاق وكنا كلنا حواليه ، اجمد باس أيده وقعد جمبه ف ابتسمت ، اتمني العلاقه بينهم تبقي احسن عشان يستاهلوا يبقي حلوين مع بعض _قرارات جديده بقي أنا حاسه اني عاوزة اثير الجدل =يبنتي بقي منك لله _جوزي وبيحبني عادي ، المهم يعمو يقمر معتش هتشتغل والشركه احمد الي هيمسكها =امسكها ازاي _اكيد مش من أيدها يعني ، تبقي المدير مكان عمي عشان هو تعبان وجاب آخره منك =ايدا في أي _انا جايه معاك دوغري =ماشي يستي حاضر _مطيع ما شاء الله متربي قام وفجاه شالني _والله متربيت ولا شميت ريحه التربيه لا مؤاخذه يعمي =اه منتي الي هتربيني _ماما الحقيني *خدي ثواب فيه وربيه ميجراش حاجه _اصلا ! =تصبحوا علي خير يجماعه ضحكوا هما التلاته ثواني يجماعه انا متشاله ! اوعي تنزلني دا فرق الطول الحلو دا بجد ! روحنا اوضتنا ف نزلني _بتلبسيني؟ =الدنيا برد ف دا شئ كويس _امسك الشركه ها =يبني هتبقي المدير _كويس فيه شويه بنات هناك أي يمريم مقولكيش =حلوين؟ _اوي =يبختك _اي! =اي؟ _جيت افرسها فرستني =كوين يمريم والله كوين _وحلوة جامد =خلي بتوع الشركه ينفعوك بقي _لا مهو انتي متعرفيش =اي ؟ _انتي احلي واحده =احلي واحده ؟ _في الدنيا =في الدنيا ! _ايوه =يا دي الكدب يا دي النفاق _ربنا ينتقم منك يشيخه =حبيبي تسلم ، خليك محترم بقي وسبني انام _لا انتي كده بتشتميني بقى =عشان هنام؟ _لا عشان بتقولي محترم =لا مهو انت اكيد محترم يا احمد قرب خطوه _مين الي قالك كده؟ دا عيبه في حقي والله =احمم ، احمد ! _ثواني انتي بتتكسفي ! =لا طبعا قرب خطوه كمان _متاكده؟ =اه ، قال اتكسف قال دا انا ادبحني ، بقولك صحي الأسد اللهم لا حسد فجاه الباب فتح وكانت سلمي _ودا وقته ب ذمتك ؟ *احمم اسفه _اسفه أي دا انا مصدقت يشيحه =تقول علينا أي يبني ! اهلا يسلمي اتفضلي _تتفضل فين؟ =يبني بقي يبني بقي *تعالوا اتعشوا _لا شبعانين الحمد لله =بعد كده لما تيجي تتكلم متستخدمش صيغه الجمع عشان أنا ميته من الجوع _هتمشي يعني؟ =اه ، يلا يسلمي _مريم =ها ! _منك لله =ربنا يخليك يا احمد والله مشينا أنا وسلمي واحنا بنضحك واتعشينا ، طلعت لقيته نام ، اتسحبت ب شويش وقعدت جمبه ، أنا متجوزة الحلاوة والطعامه دي ؟ نمت في جمب من السرير وصحيت علي خبط في كتفي _ها أي رأيك ؟ غمضت وفتحت تاني عشان افوق ، كان لابس بدله ، كان جميل اوي =انت رايح الشغل كده ! _ايوه =دا عندها بقي إن شاء الله _ايدا في أي =انت كده هترجع مشقوط ، دا انا مراتك اهو وعاوزة اشقطك _ايي؟ =ايي؟ لا يعم متروحش كده هو انا أي اريل؟ _مش رايح غير كده =طب خلي بالك من نفسك بقي مسيطره ممشياه مسطره بقولكم عيب عليكم كلمتي هي الي بتمشي ، طبعا راح ب البدله عشان أنا هزق ومليش كلمه _يلا بينا =علي فين ؟ _عشان محمود =ايدا انتي جايه معايا ؟ _ايوة غمزت =دا شكل الصناره غمزت _ها ، لا مش كده مش هو ابن خالتك وواجب علينا نطمن علي مامته الي هي خالتك =والله نفسي تبقي حماتك حطت وشها في الأرض=خلاص خلاص هسكت ، هلبس اهو لبست وروحنا وسلمي جابت ورد ، البت دي عندها زوق والله _الف سلامه عليكي يطنط *الله يسلمك يحبيبتي ، انتي مين ؟ =اخت جوزي يخالتي *لا انتاج عالي =عيب عليكي مش بناخد أي حد احنا ، خالتي فري اوي يسلمي تحسيها واحده عندها 25 سنه كده * لا عشان المصداقيه عندي 26 =اهي صراحتك دي الي موديانا في داهيه يخالتي *اوعي تكون امك عرفت اني تعبانه =لا متخافيش كله تحت السيطره *محمود ، محمود ! °ها ايوه يماما *سرحان في البت عيني عينك كده؟ دا انا معرفتش اربي °طب هروح اجيب حاجه نشربها بقي ضحكنا وهو اتكسف وخرج برا ، اطمنا علي خالتي وخرجنا _رايحين فين؟ =ماشيين بقي _طب استني هوصلكم =جايين ب العربيه بتاعت عمو _.. =اه فهمت ، خلاص هروح انا ب العربيه ، سلمي عاوزه تتمشي اصلا _حاكم انتي جدعه =عد الجمايل عد ، عاوزة البت تيجي ب اخبار حلوة _هتيجي إن شاء الله =احيه هزغرط _مريم تسمحي تغوري؟ =حاضر سلام عليكم أنا بقي _اتفضلي =هنروح فين ؟ _هوصلك مشيت وكنت مكسوفه اوي ، يتري قصدوا أي ب الاخبار الحلوة! _سلمي =نعم _هو فيه حد في حياتك ؟ =لاء _هيبقي فيه إن شاء الله =اي عندك عريس ولا اي _اه عريس جامد ، وبيحبك اجمد =مين هو ؟ _الي واقف قدامك دا جيت اجري مسكني من الزعبوط =متقعديش مع مريم كتير شكلها علمتك الهبل ! ضحكت _هتكسف والله =ايوه يعني موافقه ؟ _انت شايف اي؟ =شايف اني هبقي واحد محظوظ اوي لو وافقتي نكمل حياتنا مع بعض ، متأكد انك هتبقي ام كويسه اوي و زوجه قمر مفيهاش كلام ديي _فاضي أمتي تكلم بابا؟ =بتتكلمي بجد ؟ يعني موافقه؟ _ايوه وصلنا الفله واول ممشي قعدت اترقص زي الهبله وفتحت باب الفله _نقول مبروك ؟ جريت عليا وحضنتني _يبقي نقول مبروك بقي =أنا مبسوطه اوي ، اول مره ابقي مبسوطه كده _هتتبسطي اكتر لما تعرفوا بعض كويس ، بجد يسلمي عمرك مهتلاقي احسن من الواد دا بعدها بيومين محمود جه اتقدم ل سلمي وباباها رحب بيه جدا واتخطبوا ، احمد بقي مدير مثالي وفهم الشغل ب سرعه والشركه بقت بتكسب اكتر ، قرب من باباه وبقوا صحاب ، سامي حبت محمود اويي وبقوا صحاب قبل اي حاجه ومعتتش حسه ب الوحده ، وانا كمان ، أنا كمان حبيت احمد ومعتش حاسه اني لوحدي ، يتري هو كمان بيحبني ؟ النهارده عيد ميلاده ، استنيت لما خرج وجهزت الاوضه وملتها بلالين وجبت تورته عليها اسمع وجبت هديه ، جه وفتح الباب والنور ف فرقعت الزينه في وشه ، قد أي أنا زوجه صالحه _انتي عاوزة تعميني؟ =لا يعم مش للدرجاتي ، المهم المهم كل سنه وانت طيب _ بمناسبه أي ؟ =عيد ميلادك _ياه يمريم ، دي اول مره حد يحتفل ب عيد ميلادي =إن شاء الله نحتفل بيه كل سنه سوا _ربنا يخليكي ليا ابتسمت واحمريت واه طلعت بحمر زي البنات _امال لو قولت بحبك هتمـ,ـوتي ولا اي ؟ =قولت أي ؟ _هي التورته دي ب الشوكولاته ولا ب الفانيليا ؟ =احمد ! _الله هديه كمان ؟ كتر خيرك والله =يبني! _حلوة البلالين دي =يعم انت ! _ولعي الشمعه خليني اطفيها يلا =كنت قولت أي الاول؟ _اني بحبك ؟ =انت بتسأل ولا بتجاوب ؟ _لا بقول بقول =ربنا يصلح حالك _اي؟ =التورته ب الشوكولاته _مريم ! =افتح الهديه يلا _يبنتي ! =البلالين حلوة اوي فعلا _يستي انتي! =هولع الشمعه عشان اخليك تطفيها #مريم سمير 💙 #وكانت استقامتي💙

مقالات ذات صلة

تركني وحدي بقلم ملك وائل

ضراوة ذئب بقلم سارة الحلفاوي 2

بعد الزواج

اصعب خيانة

اترك تعليقاً إلغاء الرد