ابنة المـ,ـطلقه بقلم اماني عنان

#ابنة_المطلقة
ح السابعة والثامنة انا صباح عندي خمسة وعشرين سنة ابقي الزوجة التانية لممدوح ماكنتش أقصد اقت*ل ابنه ..!! ولا قاصده الجـ,ـريمة مافيهاش قاصد ومش قاصد اللي حصل حصل قبل ماتحكموا عليا بالإعدام اسمعوني ، انا ماتجوزتش قبل كدا ولا حد حبني ماعرفش ليه مع اني جميلة بشهادة كل الناس ، اتقدملي
ممدوح قبل ماكمل الخامسة وعشرين بشهر ..
ماما .. انتي لسه هتفكري دا باشمهندس قد الدنيا وعنده شقه وعربية ومرتاح ..

صباح .. مابفكرش اتجوز بالشكل دا ي امي عايزا احب واتحب ، عايزا أعيش حياتي ولا عايزاني ابقي زيك واترمي في بيت بغل البي طلباته وخلاص ..
الام .. اخرسي ي قليلة الربابة ماتقوليش علي ابوكي كدا صباح .. ايوا ، شديد ومابيشوفش غير اللي هوا عايزه وبس إنما احنا عايزين ايه لا ، شكله قدام الناس ومكانته اهم من الدنيا كلها ،حياتنا كلها مظاهر في مظاهر

يومها ضـ,ـربتني امي بالقلم جامد كأنها بتحط غلها ووجع عمرها كله فيا ، هما الأمهات ماتقدرش تفتح بوقها في حياتها وتخضع للراجل في حياتها وتيجي علي دماغ العيال ، صوتي علي واول ما بابا أمام المسجد رجع سكت خالص ..
بابا .. العريس جاي يقرأ الفاتحه بعد العشاء اعملي حسابك ..
سكت والدموع في عيني ، معني كدا أنه خلاص حكم عليا وقرر مكاني ،كان نفسي أقوله اتجوزه انت بس ماقدرتش ،عجزت قدامه زي امي 💔

الغصب وحش ولو اتحملته البنت يوم مش هتتحمله التاني هيجي عليها وقت وتنفجر ، إذا كان المتجاوزين عن حب بعد المسؤولية مابيطقوش بعض اللي متجوزين صالونات بقي هيعملوا ايه ، هيحاولوا يحبوا بعض ولا يحاولوا يعيشوا من الأساس ..
ممدوح ماحبنيش اه عاش معايا وبين أنه سعيد وشكلنا طبيعي لكن فضل شبح طليقته معاه ماقدرش يتخلص منه ،هو نفسه مش معترف أي حاجة .. تأليف اماني عنان كويسه كان بيعملها من نفسه بعرف أن هيام كان نفسها فيها وهو رفضها أو قطمها عليها عشان كدا بيكفر عن أخطائه وبيحاول يكون مثالي معايا ..

انا تايهه ومخطوفة ، مش حاسة بجسمي اللي بيتكلم فيا وشغال هو عقلي بس والباقي تلج فاقد الاحساس والحركة ، انا حتي مش عارفه اذا كنت عائشة اصلا ولا ميته .. !
بقلمي #أماني_عنان .. في حاجة غلط انا مش فاهماها ويمكن اللي انا فيه دا هو بداية الصح
________________
في بيت هيام امها قلقانه عليها جدا كلمتها فونها مغلق أو غير متاح اتصلت بمني :
ام هيام .. الو ،ازيك يامني ي بنتي
مني .. الله يسلمك ياماما عامله ايه ؟

الام .. بخير الحمد لله ، كنت بتصل اسالك علي هيام مارجعتش لحد دلوقتي ،هي بتدي دروس ولا حاجة مني .. كانت بتحضر المضارع التام ومركزه في تكوينه قفلت الكتاب وركزت مع المكالمة ، مش عارفه الصراحه هي خرجت بدري وقالت عندي مشوار مهم كان لازم أعمله من زمان ..
الام … في سرها ،يبقي راحت لممدوح مني . قولتي حاجة ي ماما ؟
الام .. لا شكرا ي بنتي معلش لو عطلتك ..
رجعت مني تكمل تحضير عادي ، لا ولا يهمك لما ترجع طمنيني
سلام ..

*****
المطبخ خلص وخد لون وجاهز للتسليم الاسطي شعبان بيكلم زينب ..
شعبان .. تسلم ايدك ي واد ياعارف والله انت كنت صنايعي قبل كدا ؟
زينب بتبتسم وبتشاور بالنفي .. شعبان .. الا قولي ي عارف ،انت بتسمعني وتفهمني من غير ماشاور ازاي وانت اخرس ؟

زينب وشها في درف المطبخ مارفعتهاش قام ضاحك شعبان وقال ي خبر شكلي اتهبلت مانت مش سامعني اهو ، واضح انك بتفهم لما تبقي عينك في عين اللي بيكلمك .
زينب .. اوووف الحمد لله ربنا ستر ، انا مش عارفه هفضل لامتي اضحك علي الراجل الطيب دا بس معاه انا مرتاحه وحاسه بأمان حقيقي كأنه ابويا اللي خلفني ..
شعبان بيلمس كتف زينب عشان تبص له : يالا روح استحمي وارتاح شويه

زينب .. شاورت بلا هنروح سوا وقربت صوباعها السبابه من الاخر فضحك وطبطب عليها ، وقال فيك الخير يابني والله .. ربنا عوضني بيك
_________ #أماني_عنان __
دخل البوليس الشقة ومعاه هيام وممدوح مالقوش اثر لصباح ، كله تتوزع وبدأ يدور في الشقة دخلت هيام اوضة زينب وفجأة صوتت ..
الظابط جري عليها ،، في ايه

هيام مخبيه وشها وبتبص علي الارض وتشاور..
ممدوح .. صباح رمت نفسها من الدور التالت
الظابط بص في البلكونة اللي جانبه لقي شنطة هدوم وطالع منها فلوس ، هز رأسه وقال .. لا دي مارمتش نفسها ، دي عامله جـ,ـريمة وبنحاول تهرب فوقعت في شر أعمالها ، ايه الحكاية ..؟

قعد ممدوح دايخ ومش مستوعب اللي بيحصل .. معني كدا أنها ق*تلت عيالي الاتنين بجد ؟
هيام .. بتصرخ وصوتها راح من كتر العياط والحزن .. لاااااا انا عايزا عيالي ، بنتي ي حضرت الظابط ، احمد وزينب
الظابط ، انزل ي عسكري هات الدكتور من الصيدلية يشوف الام كدا هيحصل لها حاجة ،،
العسكري .. تمام ي فندم ..

طلع العسكري بالدكتور ومعاه حقنة مهدا ، اداها الحقنة وهي بترفض وتحاول تتحرك لكن ممدوح مسكها
ممدوح .. اهدي ياهيام ان شاء الله هتطلع
كدابة بقلم أماني عنان
هيام بصت له نظرة طويلة وغريبة ، سكتت لحظة وبعد كدا زقته ،، ابعد عني انت السبب منك لله اسجنوه معاها ي حضرة الظابط هو اللي خدهم مني وعايرني بفقري وشاف نفسه اقوي مني ، ظلمتني وظلمت ولادنا ربنا ينتقم منك ..

خدت الحقنة وبتكمل دعا وهي بتغمض عنيها جري عليها وسندها ونيهما في اوضة صباح .. رجع يكمل التحقيق
اثناء البحث والتحريات لقوا اثار دم بعتوها المعمل الجنائي وفي الحمام لقي الظابط حاجة ماكنتش متوقعه .. يتبع
#أماني_عنان
#ابنة_المطلقة
ح الثامنة
ناس كتير بتقول انك كنت شريك في قت*ل ابنك ؟!
سلمت دقنك لمراتك الجديدة زي ما بيقولوا ،تفتكر ليه ماكنتش كدا مع الأولي ؟
مستحيل مابقاش اب ولا استاهل اعيش لحظة
س. ليه ماكلمتش طليقتك تتأكد أن ولادك معاها واستنيت لما هي جتلك؟
ج.. صباح فهمتني أنها غيرانه عليا وإني لازم اتقل علي بعدهم شوية ؟

س .. اخبار صباح دلوقتي ايه ؟
ج. ندمان طبعا علي اني طلقت مراتي ونفسي يكون كل دا حلم ..
االكلام السابق كان برومو برنامج ولما بدأ طلع علي التليفزيون ضيف مع المذيعة الجريئة مني عراقي وشكلها مضايقه جدا منه، الاب اللي أتجوز اتنين ومراته التانية قت*لت ولاده زينب وأحمد .. الاسم .. ممدوح ومش هقدر اقول اكتر من كدا
علي وش الضيف خطوط سوده تشوش علي ملامحه ،بتوضح المذيعة بتريقة ، الضيف ي جماعة رافض يظهر بوشه لولا أن القضية اتحولت راي عام ماكنش اتكلم عنها اصلا ، نرجع لموضوعنا ليه طلقت مراتك الأولي ..

ممدوح .. طيش وكنت فاكر نفسي راجل بفلوسي ومكانتي اعمل اللي انا عايزه وهي عليها السمع والطاعة ، كنت بشتري لنفسي كل حاجة وللاولاد أما لها كنت بقطمها علي كل كبيرة وصغيرة ..
سكت شوية وكمل بحزن ، كنت بعايرها بفقرها وأنها ماكلتش اكل زي اللي بجيب هولها ولا لبست في بيت أبوها زي اللي بلبسهولها .. المذيعة .. هههههه انت فاهم الحياة غلط خالص ، الزوجة هي سترك وامانك ومسوؤلة منك .
معني كدا انك شريك في الجـ,ـريمة زي مابعض الناس بتتهمك ؟

مستحيل اشارك في حاجة زي كدا .
المذيعة .. بضعفك ،افكارك الرجعية ،ظلمك لام اولادك وتكبرك عليها مع انها مدرسة فاضلة يعتبر ذنب وتقصير … ولكنه للأسف لا يحاسب عليه القانون ..
ممدوح .. انا نفسي يكون كل دا حلم وارجع من هنا الاقي مراتي وعيالي مستنيني ..
المذيعة .. اخبار صباح ايه ؟ ممدوح .. بعد مارمت نفسها من الشقة حصل لها ارتجاج في المخ ودخلت في غيبوبة والله اعلم هتفوق منها ولا لا ..
المذيعة .. نفسك تفوق ولا تم*وت وترتاح من شرها ؟

ممدوح .. طبعا تفوق ، لازم تعيش عايز اعرف قت*لت ولادي ازاي ،عملت فيهم ايه ؟ قال ايه احمد قبل مايغمض عينه ولا زينب المسكينة ذنبهم ايه بس ياربي ..

#أماني_عنان
مني بتبص للكاميرا وبيختفي الضيف خالص ، لكل اب وكل ام اتقوا الله في ولادكم ، نعمة ربنا ،أمانته ليكم ماتعملوش فيهم كدا ، لكل مرات اب خافي من سوء النهاية وقسوتها اعتبري من صباح واخرتها ، يا جماعة الجواز مش ست حلوة وجسم رشيق مش راجل غني وعنده شقة الجواز رحمة كفاية بقي نخلف عيال عشان نرميهم أو نم*وتهم وهما زهور ماتعرفش حاجة ،الكلام مش هيحصل احساسي كفاية تعرفوا تفاصيل حكاية احمد وزينب لكل اللي ماشافش الحلقة تابعونا علي اليوتيوب وابعتولنا علي رسائل صفحة البرنامج ..
تصبحوا علي خير .بقلمي أماني عنان
____________________

لما دخل البوليس يفتش في الحمام لقي شهر زينب مقصوص وملفوف في هدومها في سبت الغسيل نسيت صباح تتخلص منه واتشغلت في حوار حملها ..
الظابط .. خد ياعسكري العينة دي افحصوها
ممدوح .. دا شعر زينب الظابط .. كل الأدلة بتقول انها قت*لتهم فعلا لكن فين الجـ,ـثث ؟
ممدوح .. بيعيط ويقول لا مستحيل ..
الظابط … حضرتك ماتعطلناش عن التحريات لو مش قادر تتمالك نفسك يفضل تنسحب وتسيب القانون ياخدلك حقك ..
*****

الإسعاف جت واخدت صباح وسط لمة ناس كتير وصحفيين كلهم عايزين يشوفوا مرات الاب اللي قت*لت عيال جوزها ..
صحفي .. صور يابني صور
المصور .. دمها اتصفي علي الأسفلت
صحفي .. هي دي اول مره تشوف دم ولا ايه ؟
لا بس حاسس انها حكمة ربنا وجبروته الست دي ارتكبت اكبر الكبائر ..
الصحفي . انا هروح اجهز التحقيق كام سؤال للجيران ويارب اعرف اخد اجابات من جوزها أو ام الاولاد …
المصور .. هيكون سبق ماحصلش

ضـ,ـرب كفه في كف الصحفي واتفرقوا كل واحد راح يشوف شغله ، من المحزن ان هي دي الحياة حاجات بتتبني علي حطام حاجات ، ناس بتسترزق بخراب ناس ، قلوب تتحرق وقلوب باردة بعيدة كل البعد عن النار … ؛
_______ #أماني_عنان ____
تالت يوم من معرفة الحـ,ـادث هيام كل ماتفوق تصرخ وتقول ولادي انا عايزا احمد وزينب ، انا هروح لهم لازم اشوفهم مش هقدر اعيش من غيرهم خدت حقن منومه كتير واخيرا بدأت توقف علي رجليها ،صحيت لقت نفسها في اوضة صباح
وممدوح اللي في الأصل كانت لها ..

احساس بيوجع اووي ويحطم اي ست ،بيق*تل احساسها بيك كراجل حتي لو كانت بتعشقك ممدوح .. حبيبتي انتي فوقتي ؟
بصت له وهي بتحاول تعدل رأسها ومستنكرة كلامه الحنين ،
هيام .. حبيبتك ، بصت علي دولاب صباح المفتوح وشافت هدومها الخاصة ،ابتسمت وقالت

اتبسط ياممدوح ، لاقيت اختلاف مابينا اللي نفسي اعرفه ازاي قدرت تتجوز واحده غيري وتكمل عادي كدا بعد الحب والعشرة اللي بينا ، كل حاجة كانت ليا اديتها لغيري وعيشت عادي ولا كانك عملت حاجة ، انت ايه ايه ي اخي حرام عليك ..
قرب لها بمكر وخداع وبيحاول يأثر عليها تاني ، هيام احنا خلاص مابقاش لنا غير بعض ..
شالت أيده وقالت ،احنا مستحيل نجتمع ولو في حروف كلمة علي لسانك انت فاهم .
ممدوح ، انا غلطت ومعترف بلاش تقسي عليا اكتر من كدا انا هم*وت لو فضلت لوحدي ،
هيام ..

قول كدا عايز حد يشيلك وتتعود عليه ، عايز تكمل شكلك الاجتماعي وخايف من الوحده ما تقلقش اللي زيك مش هيغلب ..
بتحاول توصل لباب الشقة وهي فاقدة توازنها من كتر المهدئات والمنوم ، شافت فلوس كتير علي الترابيزة فسألت ..
فلوس أيه دي ؟
من قبل مايتكلم كان جايب قناة النهار وشافت اعلان البرنامج وصوته وهو بيقول ندمان ونفسي ارجع الاقي بيتي ومراتي ..

تفت عليه .. انت طلعت رخيص اووي ي ممدوح ومالكش قيمة
وشه في الأرض بيقول براحه ، دول من القناة انا ماطلبتش حاجة
شوحت بايدها ، ولا تطلب مابقيتش فارقة ..
ممدوح ،، انا بحبك
هيام .. مالتفتتش وراها ولملمت وجعها ونزلت ..
أماني عنان ______________ نزلت هيام الشارع دايخه والدنيا سوده في عيونها مش عارفه تعمل ايه ؟
اخر حاجة شافتها صورة أحمد بيضحك قدام العربية المرسيدس السودا ، كل ماتعيط كل مالضحك يزيد
هيام .. ارجع ياحمد ، العربية ، لاااااا مش هسيبك تروح مني تاني
رمت شنطتها وجريت زي المجنونة علي الرصيف التاني ظهرت قدامها ..

#أماني_عنان