= الشركة دي في رقبتي يا منال مينفعش اسيبها،، دي فلوسك وأنا لازم اكون امين عليها حتى أكتر من نفسي ربنا يخليك ليا يا حبيبي = ويخليكي ليا طب هنتغدا مع بعض النهاردة؟ = مش عارف اذا كنت هعرف ارجع ولا لا بس هحاول لا تعالى عشان خاطري = انتي تؤمري ” كملت لبس و بعدها نزلت و روحت على بيت نورا،، الساعة كانت 12 الضهر،، وطبعا وصلت هناك ولبست الجلابية البيضا والطاقية و دخلت الشقة لقيتها لابسة الاسدال وبتصلي،، قعدت جنبها لحد ما خلصت و بعدها هي جات قعدت جنبي
حمدالله على سلامتك يا حبيبي = الله يسلمك يا ست البنات،، طمنيني على احوالك؟ انا بخير الحمدلله المهم انت ” اتنهدت و رجعت سندت على الكرسي مش بخير يا نورا،، مشتت جدا الصراحة = ليه بس يا أمجد؟،، حصل ايه؟ بقالي فترة بحلم حلم غريب اوي = ايه هو؟ اني واقف قدام شقة و معايا مفتاحها وبفتحها بيه عشان اتفاجئ ب كنز كبير ملوش اخر،، كنز هائل يا نورا وبمجرد ما بدخل جوا الشقة عشان استكشف الكنز بلاقي باب الشقة اتقفل لوحده عليا وانا جوا و بعدها بصحى من الحلم
= حلم غريب بس ممكن يكون خير تفتكري فعلا ممكن يكون في كنز؟ = انت شخص كويس يا أمجد و ربنا اكيد هيرزقك بالكنز اللي تستحقه انا ربنا رزقني بيكي خلاص يا نورا،، مش عايز أكتر من كدا = انا مبقتش مصدقة نفسي لما اتقدمتلي،، أخيرا لقيت الشخص اللي بحلم بيه،، فيك كل الصفات اللي كنت بحلم بيها انتي عارفة اني حلمت بيكي قبل ما اعرفك؟ ” ابتسامتها في الوقت دا اترسمت على وشها وقالتلي
بجد؟ = بجد طب قولي بقا عملت ايه مع الست اللي هتتجوزها = عرضت عليها الموضوع ومستني ردها ربنا يقدملك اللي فيه الخير يا حبيبي = انا مفيش حاجة بتفرحني قد دعائك ليا انا دايما بدعيلك يا حبيبي = طب ايه بقا؟،، ما تيجي ندخل جوا شوية عيب يا أمجد = اصل الجو هنا حر،، قومي بس معايا
” من الحاجات اللي لازم تكون واخد بالك كويس منها هي انك تكون مسنود من كل الجهات عشان لو وقعت من طرف تلاقي الطرف التاني يلحقك،، في اليوم دا قعدت عند نورا وقت طويل لحد الساعة 10 بليل وبعدها قررت امشي عشان اعرف اوصل في المعاد،، ووصلت بالفعل هناك،، في شقة حماتي عشان اشوف شهد،، بعد ما وصلت ب ساعة سمعت جرس الباب بيرن قومت فتحت الباب ولقيتها هي كنت حاسة انك هتيجي النهاردة ” ابتسمتلها وهي دخلت الشقة وقفلت الباب وراها
في الحقيقة انا جيت عشانك = أمجد انا لسة.. انا حلمت بيكي = بيا انا؟ اه = حلمت ب ايه؟ حلمت اني واقف قدام باب شقة ومعايا مفتاحها وفتحتها فعلا ولقيت جواها كنز كبير ملوش اول من اخر بعدها لقيتك أنتي ظهرتي ووقفتي جنبي و بعدها دخلنا جوا الشقة أكتر والباب اتقفل علينا ” لقيتها ابتسمت وعنيها لمعت وقالتلي الكنز كان عبارة عن ايه؟ = كل اللي نفسك فيه،، أي حاجة بتحلمي بيها هتبقا موجودة جوا
اي حاجة؟ = اي حاجة طب والحلم دا معناه ايه؟ = اني صاحب مفتاح الشقة،، شقة السعادة،، الجنة اللي بيحلم بيها أي بني آدم بس جنة على الأرض وشروطها بسيطة جدا ايه شروطها؟ = انك تبقي معايا و تنفذي اوامري،، توهبي حياتك و روحك كلها ليا،، ابقا انا رقم واحد في حياتك وأنا موافقة = موافقة تتجوزيني؟ موافقة جدا،، موافقة اكون تحت طوعك،، روحي وجسمي كلهم ليك = بدأتي تفهمي يا شهد ” كأنها كانت في عالم تاني وهي بتكلمني،، بس هو دا اللي انا عايزه،، لازم العقل يتمسح تماما عشان اعرف اسيطر عليه ويبقا تحت ايدي انا وبس
هنتجوز امتى؟ = اول ما هكلمك تتفقي مع اهلك اني جاي اتقدملك اتفقنا،، متتأخرش = انا دايما مظبوط في مواعيدي مبتأخرش ” في الوقت دا كانت منال بتكلمني كتير جدا اكتر من 10 مرات،، بعد ما شهد مشيت وانا نزلت من الشقة و ركبت العربية رديت عليها ايه يا حبيبتي في ايه؟ = انت فين يا امجد؟ انا في الشغل يا حبيبتي،، في حاجة؟ = في الشغل ازاي؟ وأنا اتصلت بيهم وقالو انك مجيتش النهاردة ولا امبارح!!
#بقلم : #عمرو_راشد #صاحب_مفتاح_الشقة 7 #يتبعاصل بصراحة يا منال انا شوفت حاجة كدا وبصراحة مش عارفة اقولك عليها ولا لا = قولي في ايه قلقتيني؟ انا شوفت أمجد جوزك النهاردة مع واحدة تانية = واحدة ازاي يعني؟ وكانو فين؟ كانو قاعدين في كافيه وبيتكلمو ويضحكو،، انا بصراحة مكنتش عايزة اقولك عشان متحصلش مشاكل بس في نفس الوقت أنتي صاحبتي مينفعش اسيبك وانتي في حد بيلعب من ضهرك = شكرا يا ناهد،، خلاص انا هتصرف بس انا كأني مقولتش،، متحسسنيش اني سبب خر*اب بيتك
= اطمني هو كدا كدا كان هيتخر*ب ” جاتلي رسالة من ناهد بتقول فيها المهمة تمت بنجاح
” قفلت التليفون و سرحت شوية،، التعب النفسي شئ صعب أوي،، طب تخيل لما يكون في حد بيلعب على نفسيتك،، في حد عايزك مش كويس،، طب تخيل لو الشخص دا كان انا،، منال دلوقتي هترجع وهي غضبانة وهتسألني انا كنت فين بس لسبب واحد انها مش عايزة تظلمني تاني زي ما عملت قبل كدا،، وهنا تبدأ اللعبة المفضلة بالنسبالي لما هلعب انا بيها عشان اد*مر نفسيتها قبل ما انفذ خطتي،، وفعلا بعد 3 ساعات منال رجعت من برا ووشها غضبان زي ما توقعت وقعدت جنبي
طمنيني صلاح عامل ايه؟ = في حالة هستيرية شديدة ليه هو حصله ايه؟ = مش لازم تعرف،، المهم انت قولي كنت فين النهاردة ما انا قولتلك يا حبيبتي كنت في الميناء = في حد شافك النهاردة وانت قاعد في كافيه مع واحدة،، كنت قاعد مع مين يا أمجد؟ دا شغل يا منال = شغل وقاعد تضحك وتهزر،، دا مكنش شغل بقا دي كانت سهرة صدقيني هو شغل،، انا روحت الميناء فعلا بس لقيت في مشكلة في الشحنة بتاعتنا وكان لازم احلها
= وحليتها ازاي بقا؟ اللي كانت مسئولة عن المشكلة دي واحدة ست،، وأنا اضطريت اقدملها ر*شوة و اعزمها برا عشان الشحنة تعدي = وبعدين؟ بس،، كل حاجة مشيت زي ما انا عايز والحمدلله المشكلة اتحلت،، بس عندي سؤال واحد،، هو انتي ازاي تفكري اني ممكن اخونك؟ = حط نفسك مكاني وخلي حد يكلمك ويقولك انه شافني مع واحد في مكان ساعتها هتعمل ايه؟ عشان انا واثق فيكي عمري ما هصدق اي حاجة بتتقال عنك = مهما حصل
مهما حصل،، انا لو مش واثق فيكي مكنتش اتجوزتك واظن انتي كمان زيي،، لو مش واثقة فيا كنتي هتتجوزيني؟ = لا طبعا الموضوع بسيط اهو = انا آسفة يا أمجد اني شكيت فيك تاني بس انا عملت كدا من حبي وغيرتي عليك انا فاهم كل دا يا حبيبتي،، وعارف انك بتحبيني زي ما انا بحبك بالظبط = وانا بحبك أوي
” الضغط على الأعصاب شئ مريح جدا يخليك مستمتع وانت بتلعب بأعصاب اللي قدامك زي ما انت عايز،، زي ما انا بعمل مع منال كدا واللي متأكد انها كانت بتراقبني كل يوم لمدة أسبوع،، كانت بتنزل ورايا بعد ما انا انزل وعشان كدا مكنتش بروح ل ناهد ولا نورا،، كنت بروح شغلي بشكل طبيعي جدا،، منال مبتحبنيش زي ما بتقول بس هي عايزة تملكني،، عايزة تخليني معاها هي وبس و دي حاجة عمرها ما هتحصل،، اما حماتي صعبانة عليا جدا،، حالتها كل يوم بتسوء عن اللي اليوم قبله،، طلوع روحها بقا مسألة وقت وفعلا بعد 10 أيام حماتي ما*تت وساعتها شوفت
انهيار منال وهي بتصرخ على امها،، تخيل لو تعرف انها هي اللي قت*لتها،، ست كانت طيبة بس مشكلتها الوحيدة أنها ليها بنت زي منال،، عدت ايام العزا ومنال طول الوقت كانت ساكتة مبتتكلمش نهائي،، نسيت اقولكم ان صلاح محضرش العزا و دا شئ كان مخليني في قمة سعادتي،، عدا أسبوعين وهبدأ انزل من تاني،، وفي يوم لبست ونزلت عشان اركب العربية ولسة هفتحها لقيت اللي بيجري عليا بالس*كينة عايز يضر*بني بيها،، ساعتها لفيت وشي ومسكت ايده،، كان صلاح،، رميت السك*ينة من ايده وابتسمتله
انهي جنون او انهي شيطان صورلك انك ممكن تقت*ل أمجد العطار = هقت*لك يا أمجد والله العظيم هقت*لك ” ابتسمت في وشه اللي باين عليه الضعف طب قولي ازاي يا صلاح؟ على فكرة انا مصدقك،، انت شخص شجاع،، مفيش حد يقدر يعمل اللي انت عملته دا بس رغم ذلك انت متقدرش تعمل اكتر من كدا = سيبني وأنا اخليك تشوف اني اقدر اعمل عينك مليانة يا خوف يا صلاح،، عايزني اصدقك ازاي؟،، انت دلوقتي بتفكر تقت*لني بس في نفس الوقت بتفكر هتعمل ايه بعد كدا؟،، انت ضعيف يا صلاح
= وانا مبقتش باقي على حاجة،، انت ضيعتني ولو في الف فرصة عشان اقت*لك هقت*لك يا أمجد كان نفسي اصدقك بس للاسف مش عارف،، نصيحتي انك تقعد في بيتك وترتاح كويس وتشكر مراتك انها راضية تعيش معاك بعد اللي حصل فيك،، أي حركة زيادة منك بعد كدا مش هرحمك يا صلاح ” سيبته و ركبت العربية ومشيت،، اتجهت على بيت نورا لاني بقالي كتير سايبها لوحدها،، وصلت هناك وغيرت هدومي في مدخل العمارة و طلعت الشقة وفتحت الباب بس الغريبة اني المرادي لما فتحت لقيتها قاعدة على كرسي قدام الباب و كأنها مستنياني،، دخلت و ابتسمت وقولتلها
السلام عليكم ورحمه الله وبركاته = وعليكم السلام ورحمه الله وبركاته ” السلام مكنش زي كل مرة،، الابتسامة مش موجودة على وشها كأنها مخبية حاجة عني،، روحت و قعدت جنبها مالك يا نورا؟ = انت اللي مالك يا أمجد؟ انا الحمدلله كويس مفيش فيا حاجة = اتمنى دا بس اللي انا شوفته ميقولش انك كويس وهو ايه اللي أنتي شوفتيه؟
= انا حلمت بيك،، حلمت انك واقف وحواليك ناس كتير وكلهم بيحار*بوك،، ناس على وشها الكره والشر،، كانو كتير وانت لوحدك،، بس الحلم دا عمري ما كملته،، حلمته أكتر من مرة وكل مرة بصحى قبل ما افهم الناس دي بتعمل كدا ليه؟ أعداء الدين كتير يا نورا وطبيعي راجل زيي يكون عنده اعداء = الأعداء مش بالشكل اللي انا شوفته يا أمجد،، الناس دي بتكرهك،، الكره بتاعهم مش طبيعي كأنك اذ*يتهم كل دي أحلام ملهاش تفسير،، بعد كدا لما تحلمي بحاجة زي كدا قومي واستغفري ربنا و استعيذي بالله واشربي مية ونامي على جنبك اليمين
= انت مين يا أمجد؟ يعني ايه انا مين؟ أنا أمجد جوزك = مش عارفة اصدقك،، في حاجة من جوايا بتأكدلي انك مخبي عليا حاجة وحاجة كبيرة كمان هكون مخبي ايه يعني يا نورا؟ = نفسي اعرف مفيش حاجة مخبيها عليكي،، متوهميش نفسك = تقدر تقولي كنت فين الفترة اللي فاتت دي كلها؟ كنت تايه وسارح في ملكوت الله لحد ما يهديني
= انت بتخرج بالأيام ومبترجعش غير بعد فترة،، بتجيلي يوم واحد في الأسبوع وباقي الايام معرفش انت فين،، لو حصلي حاجة مش هعرف اكلمك ولا هتعرف تلحقني،، هو الدين بيقولك كدا يا أمجد؟،، بيقولك تسيب بيتك وتهجر مراتك؟ انهي دين اللي يخليك تسيب بيتك يا أمجد؟ انتي مش فاهمة حاجة = لو عندك رد قوله وأنا سامعاك،، قولي اي حاجة بس افهم،، انت مين؟ صدقيني لو فهمتي مش هترتاحي يا نورا،، الحقيقة عمرها ما بتريح
= على الاقل ابقا فهمت مش عايشة بالشكل دا وكأني لوحدي في الدنيا انتي مش لوحدك يا نورا ولا عمرك كنتي لوحدك،، انا بغيب عنك اه بس انا دايما حواليكي،، انا جنبك في كل وقت وفي كل لحظة = كلامك حلو بس صعب اصدقه ايه اللي يريحك وأنا هعمله؟ = يإما تفهمني أو تطلقني يا أمجد اطلقك!! = انا مش هقدر اعيش معاك كدا صدقني محتاجة تراجعي نفسك،، قرارك دا هيخسرك حاجات كتير أوي = المهم عندي اكسب نفسي يا أمجد،، انا عايزة ارتاح
لو الحقيقة فيها راحتك هقولها بس هي مش هتريحك يا نورا = يبقا تطلقني يا أمجد كلامك مش سهل يتنفذ = بالعكس دا سهل جدا،، كل واحد فينا يروح لحاله سبيني افكر = المرة الجاية يإما تيجي وتفهمني او تبقا جاي ومعاك المأذون #بقلم : #عمرو راشد ” الأمور اللي مبيكونش معمول حسابها دي بتكون تقيلة وصعب انك تاخد قرار فيها،، لانك ساعتها هتكون متلخبط حتى لو الحل قدامك،، في الوقت دا كنت رايح على بيت ناهد،، وصلت هناك وفتحت الباب ودخلت،، لقيتها قاعدة وبتتفرج على التليفزيون،، قربت منها وقعدت جنبها
شكلك مضايق،، فيك ايه؟ = نورا عايزة تتطلق ليه؟،، هي اتجننت ولا ايه؟ = باين أنها شافت او عرفت حاجة لو كانت عرفت حاجة اكيد مش هتسكت بس السؤال هنا هي عرفت منين؟ = اللي زي نورا مينفعش اسألها عرفت منين،، اكيد ربنا كشفلها حقيقتي قدامها والله ما تستاهل تعيش معاك،، متعرفش النعمة اللي هي فيها،، طب انت هتعمل معاها ايه؟ = هي عايزة تعرف الحقيقة عشان ترتاح وهتحكيلها الحقيقة؟ = عشان ترتاح بس ومش خايف تروح تبلغ عنك؟
= لا خالص،، انا مش هعمل حاجة غير لما أكون عامل حسابها طب ومنال؟ = هي منهارة دلوقتي،، جوازي من شهد هيقضي عليها خالص وانت هتتجوزها امتا؟ = خلال الايام الجاية ” لقيتها مالت عليا واتكلمت بدلع طب وهتعزمني على الفرح؟ = مش وقته يا ناهد،، احنا عندنا حاجات اهم دلوقتي ما انا معاك اهو،، قلقان من ايه؟ = أمجد العطار مبيقلقش طب اهدى وانا هقوم احضرلك الاكل ونقعد نفكر سوا
” شقة ناهد هي الراحة بالنسبالي،، المكان اللي انا بعرف افكر فيه كويس واخطط للي جاي،، حاجات كتير كانت محتاجة تتعدل عشان اعرف اكمل طريقي من غير ما اي حد يعطلني،، و اول خطة عشان اكمل طريقي وهي اني بعت رسالة ل شهد و قولتلها انا جاي بكرا،، اتفقي مع اهلك وكلميهم عني كلام كويس،، ارسمي صورة كويسة على قد ما تقدري
بعد دقايق لقيتها شافت الرسالة،، مسحت الشات وقفلت التليفون وبعد ما خلصت مع ناهد رجعت البيت لقيت منال نايمة،، نمت جنبها وصحيت تاني يوم نزلت من غير ما نتكلم انا و هي،، أول مشوار عندي وهو اني اشتريت بدلة،، بعدها روحت اشتريت حلويات و بوكيه ورد جميل عشان اتقدم بيه،، الساعة دقت 6 وكنت هناك على باب بيت شهد،، دخلت وقعدت مع اهلها اللي كانو مستغربين من وجودي
انا عارف انكم مستغربين خصوصا انكم عارفين اني متجوز منال،، بس انا عايزكم تعرفو ان دي رغبة منال و كانت رغبة حماتي الله يرحمها،، منال مبتخلفش وانا نفسي يكون عندي ابن،، نفسي حد يشيل اسمي،، ابقا مسنود في الدنيا،، انا استحملت منال كتير بس انا ليا احتياجات ومعتقدش ان في حد ممكن يستغنى عن الأطفال،، حماتي قبل ما تمو*ت قالتلي على شهد وأنا بصراحة ملقتش حد اجمل منها ولا لقيت زي اخلاقها،، ف انا يشرفني اني اطلب ايد شهد بنتكم على سنه الله ورسوله،، ومش هحتاج منكم اي حاجة،، انا عايز شهد بشنطة هدومها،، كل حاجة جاهزة
” طلب صعب يترفض وأنا كنت متأكد انهم هيوافقو،، أولا هيرتاحو من فلوس الجهاز و ثانيا أنا شخص مناسب جدا لأي واحدة،، وفعلا اتفقنا وفرحنا هيكون اخر الأسبوع،، رجعت البيت في اليوم دا طبيعي جدا وكأن مفيش حاجة حصلت،، بدأت اتعامل بشكل طبيعي معاها،، مبقتش بنزل من البيت وقعدت معاها اطبطب عليها و احتويها من الزعل والتعب اللي هي فيه،، وهو دا الهدوء اللي يسبق العاصفة،، لحد ما جه اليوم المنتظر،، ليلة الفرح،، كانت منال قاعدة بتتفرج على التليفزيون ولكنها كانت سرحانة،، وقفت قدامها وقولتلها
انا فرحي بكرا،، عايزك تيجي وتبقي معايا ” بصتلي وابتسمت و رجعت تتفرج على التليفزيون منال صدقيني انا محتاج طفل ومش هستحمل اكتر من كدا،، انا محبتش اخبي عليكي وقولتلك عشان تبقي معايا = كنت متوقعة الغد*ر منك من زمان،، من زمان أوي يا أمجد،، بس برافو عليك انت اختارت التوقيت المناسب منال الموضوع بسيط،، انا عايزك تفهميني.. = ششششش الف مبروك،، اتجوز و افرح وعيش حياتك وهات الطفل اللي نفسك فيه مش زعلانة يعني؟
= ملكش دعوة بيا،، المهم انت،، انت فرحك بكرا مينفعش تبقا قاعد كدا،، قوم جهز نفسك هتيجي بكرا؟ = هاجي يا أمجد
” في اليوم دا منال فضلت قاعدة برا قدام التليفزيون،، انا كمان كنت صاحي طول الليل ومعرفتش انام غير ساعتين بس،، لكن قومت الساعة 12 الضهر ولبست ونزلت وهي كانت لسة قاعدة،، نزلت ركبت العربية و مشيت روحت للحلاق عشان اظبط شعري،، وبعد ما خلصت رجعت البيت عشان ااخد دش،، خلصت ولبست البدلة ونزلت عشان اآخد العروسة من الكوافير وبالفعل وصلت هتاك،، وبعد زفة كبيرة من اهل العروسة وفرحة و زغاريط من كل ناحية،، خدت العروسة ومشينا عشان نتصور
اضحك يا عريس عشان الصورة تبقا حلوة،، دا احنا لسة في اول يوم ” ضحكت وأنا مستني يصورني لكن فجأه عربية سودا جات بسرعة كبيرة جدا و ضر*بت نار علينا كلنا،، كان في ترابيزة ورانا،، جريت بسرعة وانا ماسك شهد وقلبت الترابيزة وقعدت وراها،، شهد كانت بتصر*خ احنا بنمو*ت يا أمجد ” ساعتها قل*عت چاكيت البدلة وقومت من ورا الترابيزة،، بس خلاص كانت العربية بتتحرك وهتمشي،، ساعتها زعقت في شهد ارجعي بيت ابوكي لحد ما ارجعلك
” ركبت عربيتي وجريت وراهم بأقصى سرعة وبدأت احاوطهم يمين وشمال لكن هما كانو بيضر*بو عليا نار،، كملت وراهم وفضلنا نخبط في بعض لحد ما خليتهم يخبطو في عربية كانت واقفة على جنب الطريق،، نزلت بسرعة من العربية وجريت فتحت باب عربيتهم وسحبت الشخص الملثم اللي كان فيها على الأرض وكشفت وشه وفضلت اضر*ب فيه مين اللي قالك تعمل كدا؟،، انطق يإما همو*تك ” مردش عليا وعشان كدا كملت ضر*ب فيه لحد ما اتكلم وقالي
واحدة اسمها منال!! #عمرو_راشد #صاحب_مفتاح_الشقة 9 #يتبعمين اللي قالك تضر*ب نار عليا،، انطق يإما مش هرحمك = واحدة اسمها منال ” قومت وسيبته واقع على الأرض لان منال دي تبقا مراتي،، منال اتجرأت وعايزة تقت*لني،، رجعت اركب العربية و جريت على البيت،، وبعد ساعة بالظبط وصلت هناك و دخلت الشقة لكن منال مش موجودة فيها حتى هدومها،، منال بدأت الحر*ب،، يبقا انا عرفت العزا اللي جاي هيكون بتاع مين،، في اللحظة دي اتصلت ب شهد اللي كانت بتعيط وبتقولي
هو في ايه يا امجد؟،، قولي ايه اللي بيحصل؟ = خليكي عندك متتحركيش لحد ما اجيلك،، خلي بالك من نفسك كويس طب انت كويس طمني؟ = أمجد العطار طول عمره كويس وهيفضل كويس طب انا عايزة اجيلك = متتحركيش من بيت ابوكي،، انا هخلص من الصداع دا وهجيلك عشان نكمل فرحنا ” نزلت من البيت و ركبت العربية ومشيت على بيت ناهد بعد ما اتأكدت ان مفيش حد مراقبني،، وصلت شقة ناهد ودخلت و قعدت على الكنبة،، بعدها ب 10 دقايق ناهد خرجت من الأوضة واتفاجأت اني موجود
انت مش المفروض تكون دلوقتي في الفرح؟ = منال بعتت حد يضر*ب عليا نار في الفرح ايه!!!!،، طب انت كويس؟ = مش دي المشكلة دي باين عليها اتجننت،، طب هي فين دلوقتي؟ = معرفش،، خدت هدومها من البيت ومشيت مش يمكن راحت عند اختها؟ = مستحيل لان دا اول مكان هييجي على بالي ف مستحيل هتروحه اومال هتروح فين يعني؟ = هلاقيها كان المفروض تخلص عليها من الأول يا أمجد،، معرفش انت استنيت ليه؟ = كل حاجة ليها وقتها يا ناهد
طب انت لو لقيتها هتعمل معاها ايه؟ = هقت*لها أمجد انت محتاج تفكر كويس،، حاجة زي دي مش سهلة واحنا مش عايزين دليل واحد عليك خصوصا أن امها ما*تت من قريب = متقلقيش،، خطة مو*ت منال مرسومة من يوم ما اتجوزتها بس كانت مرسومة على اساس انها معاك إنما دلوقتي هي اختفت = تفتكري يا ناهد ايه اللي يخليها تظهر؟ اختها طبعا = بالظبط هالة دي غلبانة وكفاية اللي انت عملته في صلاح = اممممم بدأت اشم ريحة خوف ممزوجة ب حنية و سذاجة طالعين منك يا ناهد
” وفي ثواني سحبت السك*ينة اللي كانت قدامي جنب طبق الفاكهة وحطيتها على رقبتها أنتي مرات أمجد العطار،، فاهمة يعني ايه؟،، أي احساس بالرحمة او الخوف أو الحنية أو السذاجة أو القلق أو حتى الإحساس نفسه،، المشاعر دي كلها مينفعش تكون موجودة فيكي،، فاهماني يا ناهد؟ = فاهماك يا سيد الرجالة بس اهدى،، هدي نفسك و سيب السك*ينة هالة يا ناهد،، هالة هي الحل = هتعمل معاها ايه؟ هالة هي الضلع الاخير في عضم منال،، منال دلوقتي فقدت امها وانا،، ضلعين كانو مهمين جدا عندها،، آن الأوان أنها تفقد الضلع التالت
= هتقت*لها؟ ليه انتي شايفاني مجر*م؟ أنا قولت هكسر الضلع بس = أمجد أنا خايفة عليك،، اللي بيحصل حوالينا دا مش سهل الدنيا كلها مش سهلة يا ناهد،، مفيش حاجة في الدنيا سهلة،، محدش فيها بيرتاح غير القوي،، الذكي اللي يبقا فاهمها وقادر يلاعبها غير كدا هتخسري و الدنيا هترميكي في جهنم = ايه هو جهنم الدنيا؟ الظلم،، الاستغلال،، الجشع،، الحرمان،، الجوع والفقر = الحرمان زي الفقر بالظبط مفيش فرق بينهم بالعكس في فرق كبير جدا،، الحرمان هو انك يبقا معاك فلوس تشتري اكل معين بس الدكتور مانعك عنه عشان هيضرك اما الفقر هو انك ميبقاش معاك فلوس اساسا
= مش جايز الفقر دا يبقا احسن ليك من انك تكون غني ومعاك فلوس بس مش عارف تعمل بيها حاجة على الاقل هفضل عايش فوق،، الكل بيعملي الف حساب حتى لو انا بيني وبين المو*ت خطوة = جايز بينافقوك؟ انا عايزهم ينافقوني،، عايز اشوف الكدب في عنيهم،، عايز احس ب خوفهم واحترامهم ليا،، عايز اشوف عدوي مرعوب مجرد ما يسمع اسمي = كل دا موجود عندك دلوقتي،، ايه اللي ناقصك؟ انا،، ناقصني أمجد العطار = أمجد العطار قاعد قدامي وبيتكلم اهو
دا الظاهر مني،، الباطن حاجة تانية = انا مش فاهمة اي حاجة أمجد العطار فكرة والفكرة لا تمو*ت بس برضو مبتحسش بحاجة،، مش حاسة بالاستمتاع رغم انها صاحبة مفتاح الشقة جنة الانسان على الأرض ولكنه يفتقد إلى متعة نفسه = ايه اللي يفرحك وأنا اعمله ليك دلوقتي حالا؟ من ضمن الحاجات اللي استعملتها عشان اقدر اكون أمجد العطار هي اني مربطش سعادتي ولا حزني ب شخص،، يعني مفيش شخص في الدنيا يقدر يفرحني ولا يزعلني
= ساعات كتير جدا بحس اني اول مرة اعرفك واتكلم معاك،، انا ساعات مبعرفش انت مين انا صاحب مفتاح الشقة #بقلم : #عمرو راشد
” نزلت من عند ناهد و انا مقرر انفذ خطتي،، كلمت اربع رجالة من عندي واتفقت معاهم يروحو على بيت هالة ويغتص*بوها وطبعا كل دا هيكون متصور،، اتحركت على بيت حماتي عشان اشوف شهد و اطمن عليها بعد اللي حصل،، طبعا كنت متوقع أسئلة كتير من اهلها ولكن أنا تجاهلت كل دا وفتحت باب أوضة شهد و دخلت اللي كانت نايمة و اول ما شافتني قامت جريت عليا و دخلت في حضني،، عنيها كان لونها احمر من العياط،، كانت لسة بفستان الفرح
ممكن تهدي عشان اعرف اتكلم معاكي = مين اللي عمل كدا يا أمجد؟ انا مين يا شهد؟ = أمجد جوزي وجوزك دا يبقا ايه؟ = ايه؟ راجل عظيم وشأنه كبير جدا في الدنيا والاخرة وعشان كدا ليا اعداء بيحار*بوني = و دول مصيرهم ايه؟ نار الدنيا هتحر*قهم قبل نار الاخرة،، كل حاجة معمول حسابها انا مش عايزك تقلقي من حاجة = طب انت هتاخدني معاك؟ للاسف مينفعش،، انا جاي اطمن عليكي وهمشي = أمجد أنا خايفة عشان خاطري خدني معاك
” مسحت دموعها وطبطبت عليها