حلقة ١
دخلت مدرج الجامعة تقابلت اعينهم وجدته يقف بدل دكتور المادة
آسفة دخلت مدرج غلط كان قصدي محاضرة دكتور حمدي
نظر لها بعيون كلها شوق ومحبة
اه هنا بس انا دكتور المادة دلوقت ممكن اعرف اتاخرتي ليه
آسفة يا دكتور اصل طلوع السلم صعب على شوية وكان عندي محاضرة في المبنى التاني لو حضرتك رافض تدخلني مفيش مشكلة
لا ادخلي سجلي اسمك هنا واستريحي بس بلاش بعد كدة تأخير لان مش بسمح لحد يدخل بعدي
تتمتم لو اعرف انك انت اللي هنا مكنتش جيت ومش هحضر تاني خلاص
اعطاها ورقة توقيع الحضور
وثنى جسده ليشير لها مكان التوقيع وهمس بجانب اذنها
وحشتيني قوي
ثم ارتفع صوته اسمك ايه
وهو يقراء ما كتبته حتى لا ينتبه أحد الطلبة انه يعرفها
تولين الحريري اسم جديد اول مرة اعرفه يا ترى له معنى
ردت بصرامة لا ملوش اي معنى ممكن ادخل
اتفضلي
جلست وبدأ في شرح المحاضرة كانت عينيه تنظر إليها باستمرار لكنها تعمدت الا تنظر إليه وتظاهرت بكتابة المحاضرة حتى تهرب من نظراته
بقلمي سحر السحرتي
انتهت المحاضرة كانت اول المنصرفين حتى لا يلحق بها أو يوجه لها اي كلام
في اليوم التالي كان موعد
نفس المحاضرة فتوجه بنظره يبحث عنها وقال بكل صرامة وحدة
أحب اعرف انسة تولين اللي اتأخرت امبارح احترمت المحاضرة وجت بدري
إجابته إحدى الطالبات لا يا دكتور واضح انها اتأخرت وحضرتك قلت مفيش حد بيدخل بعدك وهي لها ظروف خاصة مش بتقدر تمشي بسرعة
تحدث بعكس ما يختلج بداخل قلبه من ڠضب لعدم رؤيتها
تمام المحاضرة الجاية امتحان وبلغوا زمايلكم ان عليه درجات هتضاف لأعمال السنة
انتهى من المحاضرة وفي طريقه إلى سيارته استمع لغنائها في ساحة الجامعة ويلتف حولها زملائها يستمعون لها فوقف أيضا ليستمع كانت تغني وصوتها ممتلئ بالحزن والشجن وتكاد الدموع تسقط من
عينيها
قول رجعت ليه يا حبيبي قصدي يا اللي كنت حبيبي
ضعت بعدي کرهت بعدي وجيت ندمان خلاص
مفتكرش اني افتكر لك اللي بيه ارجع لذلك هعتبر
اللي قلته كلام قلته وخلاص
كل ده ومعرفتش اني خلاص نسيت جاي ليه وباي حق تقول يا ريت
كنت فين وانا قلبي كان محتاج هواك بقولك ايه ارجع ياريت لمكان ما جيت
احس أن كلمات الأغنية موجهة له بعد ما حدث بينهم وهو شارد في صوتها واذ بيد توضع على كتفه فقال مرحبا
دكتور حمدي اهلا
دكتور زياد ازيك صوتها حلو مش كده
اه
هي دي طالبة عندنا
اه دي تولين سباحة الجامعة ومطربة كمان بتدخل مسابقات للجامعة وبتفوز بالمركز الأول دايما
تولين انا سمعت الاسم ده
تظاهر أنه لا يعرفها وانه تذكر شيئا ما
اه امبارح دخلت متاخر وسمحت لها تدخل لكن النهاردة غابت عن المحاضرة
يمكن اتكسفت منك لأنها اكيد اتأخرت انا بسمح لها تدخل متاخر لان السلم بيتعب رجلها للأسف عندها إعاقة بس هي ملتزمة وبتحاول تتعامل زي باقي زمايلها ارجوك تراعي ده وتسمح لها تدخل
اكيد اصل ما كنتش اعرف ظروفها هي ما قالتش
ولا عمرها هتقول دى نفسها عزيزة عليها جدا استئذنك عندي
موعد
اتفضل
بقلمي سحر السحرتي
عاد وسرح في صوتها انتهت من غنائها وقامت لتنصرف ورأته يقف فاخذت الاتجاه الاخر وركبت الاسكوتر الخاص بها ورحلت وهي في طريقها للمنزل بدأت في تذكر الماضي وكيف التقت به و أسباب ابتعادها عنه
عودة للماضي
منذ عدة سنوات قبل التحاقها بالجامعة
تولين فتاة شابة فائقة الجمال ذات شعر اسود كالحرير وعينان ذات لون ازرق صافي كلون السماء والبشرة بيضاء كالبدر من شدة جمالها أسماها والدها تولين اي ضوء القمر
ولد معها أخيها التؤام اسماه والده يوسف لجماله هو ايضا
ولدت تولين ذات اعاقة في قدمها فلديها قدم
اقصر من الاخرى بفارق بسيط
عند المسبح تعلو صرخات الجماهير بالنداء باسم تولة … تولة كان هذا اسم شهرتها ودلعها الذي أطلقه عليها والدها
تفوز تولين بالمركز الأول في مسابقة الجمهورية للسباحة … تتسلم تولين الكأس وتقدم الشكر لكل من ساندها والمدربين وتخص بالشكر والدتها هدى
هدى مبروك يا حبيبتي
تولين انت صاحبة الفضل بعد ربنا
يوسف لا طبعا الفضل لي لولا اني زقيتك في المية واحنا صغيرين كنا هنعرف من أين انك سمكة وبتعومي بسرعة والمدربين خطڤوك خطڤ
تولين يا بجاحتك وبتعترف كمان من غير اول قلم وفخور بنفسك جدا
يوسف ما انت
بتشكري ماما والمدربين ولا كلمة حلوة لتوءام روحك
بقلمي سحر السحرتي
تولين الشكر الحقيقي لما تساعدني في امتحانات الثانوية
تدفعي كام
انت مادي قوي
انت عايزه تاخدي مجهودي على الفاضي
مش الندالة بتاعتك خلتك سبقتني بسنة لما طبقت وامتحنت سنتين مع بعض
انت عايزاني اعملك ايه ده مجهودي وذكائي
انت اخدت كل الذكاء اختك توءامك شاركني خدني معاك في الامتحانات
اسف صعب ادي مجهودي لحد
وانا اي حد عموما انا هعتمد على نفسي بس ركز معايا في مادتين رخمين
إن كان على مادتين ماشي بس انا ما صدقت اخلص من
ثانوية عامة
هدى هنبات في النادي واختكم ولاء تعبانة في البيت
تولين خير ما قلتيش ليه
عشان تلعبي من غير قلق بس هو دور برد
طب يلا يا يوسف ناولني العكاز العصا التي تستند عليها
اتفضلي ما جبتيش جهاز رجلك ليه
مش بحب اقلعه قدام الناس وهتفضل شايله العكاز اسهل عليك
هو انا كنت اشتكيت لك
انا مستريحة كدة يلا بينا
اتجهوا إلى المنزل واسرعت لتطمئن على اختها
لولو حبيبتي سلامتك
ولاء ما تقلقيش ده دور برد عملتي ايه فرحيني
عيب عليك المركز الأول لدولفين الماء
مبروك يا
حبيبتي
هروح اعملك حاجة سخنة
استريحي انت ماما هتعملي
كام مرة اقولكم عاملوني طبيعي هركب الجهاز وهمشي طبيعي
ما تزعليش يا حبيبتى بما انك مصرة اعملي فراخ مع شوربة خضار
اااه رجلي انا غير طبيعية بالمرة ايه الاستغلال ده كان قصدي ينسون او ليمون طمعتي قوي و داخلة على غداء
الله مش بعاملك طبيعي وزعلتي اتحملي بقى
أحلى شوربة هخلي ماما تعملها ههههه
عمرك ما هتنفعي في المطبخ
لو المطبخ في حمام سباحة احلى اكل هتاكليه من ايدي
انت معقولة بتعشقي السباحة كدة
قوي قوي لما بنزل المية واعوم بسرعة
بحس اني طبيعية السباحة خلتني ابطل ازعل لما البنت ريهام الصفراء بنت الجيران كانت بتحب تجري وتسبقني ودايما تستفزني ادخل معاها في سباق جري وهي عارفة ومتأكدة اني مش هقدر
حضنتها يا حبيبتي كنتم اطفال وهي مش مستوعبة بس لما كبرت بطلت
انت طيبة قوي هي بطلت لما كنت بكسب ميداليات دهب في السباحة وهي مش عارفة تكسب ميدالية بلي ههههه
ربنا يعوضك آمال يوسف فين
اكيد نزل يتسرمح قبل ما يرجع الكلية ويتحبس الحمد لله المسابقة كانت يوم إجازته عشان يحضر والا من غيرك انت وهو كان ممكن اخسر
ما تتعوديش انك تعتمدي على حد
لان ظروف الحياة ممكن تمنعنا نحضر المرة دي انا تعبانة وهو كان ممكن يكون في الكلية وانت عارفة هي صعبة قد ايه والمرة الجاية ممكن نكون في اشغالنا
يعني هو كان لازم يدخل كلية هندسة في الحړبية بنشوفه بس خميس وجمعه
واوقات بيتحبس ههههه
بقلمي سحر السحرتي
ولاء أخت تولين من آلام أكبر منها ب ٤ سنوات جميلة رشيقة لكن تولين تعتبر الاجمل طيبة القلب لأبعد الحدود تسميها امها الهبلة من شدة طيبتها دكتورة صيدلانية
دخلت هدى تحمل صينية الطعام لتولين وولاء
ليه كده يا ماما كنت هقوم اعمل لولاء الاكل يا خسارة كان نفسي
ادوقها عمايل ايدي
اه يا ماما كانت لسة بتقول
أنتم الإتنين تعبانين واحدة مريضة والثانية من التمرين كلوا وانت بالذات يا تولين عشان تذاكري وتشدي حيلك عندك امتحانات ثانوية عامة وعايزة مجموع كويس
مفكرة هجيب مجموع كبير زي يوسف وادخل كلية زي بتاعته عاملة زي المدرسة تحبسه لو غلط
اخوك تعب واجتهد لحد ما كليته اتحايلت عليه لانه ذكي ونجح في امتحاناتهم بتفوق
يا عيني عليا زي ما يكون كان بينقي جوة بطنك اخد الطول وكل الذكاء وسابلي الغباء مش عارفة هعدي الثانوية دي ازاي
الحاجات دي بتاعة ربنا رزق كل واحد وما تنسيس ان
ربنا انعم عليك بجمال الشكل جوة وبارة وجمال الصوت وكمان بطلة جمهورية في السباحة عموما شدي حيلك لان كذا جامعة خاصة كلموني في المسابقة عيزينك تدخلي عندهم
هو احنا قد مصاريفهم
لا هتاخدي منحة مجانية في اي جامعة يجيبها مجموعك بس تنضمي للفريق الرياضي بتاعهم يا رب تجيبي مجموع محترم كلي وذاكري بقى
لا هلعب جيتار الاول
هو ده وقته
انت عارفة الجيتار بيفتح نفسي على المذاكرة التقيلة على قلبي دي
الحاجة الوحيدة اللي مطلعة عيني فيها غير كدة انت فلة
يا امي كفاية يوسف انا مواهبي أكبر من كدة سمكة في الماء وكروان
في الهواء بس يا هدهد لو توافقي اغني على النت
اما تخلصي ثانوية وتجيبي مجموع عدل
بس كدة اوعدك مش هقل عن ٧٠
عوض عليا عوض الصابرين هو ده المجموع الحلو
يوسف على قد مخها التخين أحمدي ربنا لو جابتهم
هدى انت شرفت كنت فين
همست تولين في اذن يوسف
تولين ام مخ تخين هتقول
يوسف اوعي مش هساعدك في الامتحانات
تولين كان في غرفته يا ماما بيعمل اختراع
هدى ايوة عشان مصلحتك اوعى تساعدها من غشنا فليس منا
تولين ما انا كدة مش هعدي اصلا عشان خاطري هما مادتين
بس…..
لا مش موافقة
ماشي طب ابقي قوليلي طمنيني على يوسف
هدى قلبي بيوجعني عليه وهو بعيد ومش مسموح ياخد موبايل معاه كدة
وافقي يا دودو مادتين بس واوعدك هذاكر واعمل اللي عليا بس انت عارفة مخي بيقف في حاجات كتير
يعني تاخدي مجهود غيرك
مجهود ايه هو انا هترتب على الجمهورية زيه… دى حتى انت بتقولي الجامعات الخاصة بتقطع نفسها عليا يعني مش هاخد مكان حد في الجامعة الحكومية
ربنا يسامحنا بس لولا اني عارفة انك بتحاولي لكن مش بتقدري دى قدرات
حبيبتي يا دودو وانا حتى لو جبت مجموع حلو هدخل
إدارة أعمال انجليزي
بس هاتي مجموعها وانت اصلا مش بتنجحي بالعافية
يا رافعة من معنوياتي
برضة ذاكري احتياط لان ممكن يكون عنده امتحان وانت بتمتحني
انت بتقفليها وسامعة دعوتك وانت بتقولي يا رب يبقى عنده امتحان
انا راضية بتفقوقك الرياضي وصوتك اللي يجنن هطمع عشان خاطري انجحي بمجهودك وانا هدعيلك تنجحي
يعني مفيش امل توافقي
لا
شكرا يا احن ام
يوسف خلاص هذاكر معاك المادتين الصعبين
كثر خيرك تتعب نفسك ليه
ولاء خلاص بقى يا تولة ما تزعليش انت عارفة انه حرام وماما عمرها ما هتوافق وان شاء الله هتنجحي
قالت بسخرية أنتم شايفين كدة يبقى مفيش حل قدامي غير اني اذاكر واعد الجمايل بتاعتكم
هدى انت بتهددينا
أبدا يا ست الكل انا هشحتفك شوية عليه وهو يدور على اللي يداري على عمايله
يوسفماما كدة ټهديد صريح
امسكتها هدى من اذنها
ابقى اعمليها الجيتار بتاعك ده هبيعه لبتاع الروبابيكيا
ابوس ايدك ده اللي بابا جابهولي ربنا يرجعه بالسلامة الا ده خودي روحي
ايوة كدة اتعدلي
ولاء يا دودو يا جامد هي الشدة اللي تنفع مع الأشكال دي
انت كمان كلي
كويس لاني اتصلت على الشغل والمدير مضايق من غيابك وانت يا استاذ يوسف بطل خروجات مع اصحابك الصيع انا ما صدقت تروح كلية تربيك
حاضر بس انا مابقصرش وبنجح بتفوق
عارفة بس اصحابك دول مش كويسين وما صدقت اقدر ابعدك عنهم نفسي باباك لما يرجع يبقى فخور بيكم كلكم
قبل يدها عارف ومقدر وبحاول اخد بالي من تصرفاتي وارفع راسك انت تعبتي قوي عشانا من ساعة بابا ما سافر واتقطعت اخباره وانا اول ما اتخرج هشيل معاك
حضنته.
ضوء القمر
حلقة ٢
حضنت هدى يوسف وقالت
ولاء شايلة معايا من اول ما اتخرجت وهي بتشتغل وتحط مرتبها في البيت وباباك كان عامل لكل واحد فيكم شهادات بنصرف فوائدها كل شهر على الكام درس اللي بديهم واهي هانت تولين هتتخرج من الثانوية وتدخل جامعة ومصاريفها تقل
تولين أنتم قلبتوها دراما ليه هغنيلكم حاجة بدل النكد ده
أحضرت الجيتار الخاص بها وبدأت في الغناء بصوتها العذب
مرت الأيام وامتحنت تولين وظهرت النتيجة واوفت بوعدها وتفوقت على نفسها كما تقول
هدى انت مفكرة مجموعك ده تفوق
انا وعدتك بكام
٧٠
ولما اجيب
٧٥ يبقى تفوق ولة لا فكري فيها كدة يا هدهد
دي تبقى خيبة تقيلة
ليه بس هو انا كان متوقع مني اشيل مادتين ما بتحمديش ربنا أبدا
عندك حق الحمد لله
يوسف طبعا بمساعدتي ومذاكرتي لك تنكري
هدى يوسف اوعى تكون غششتها
يا ماما لو كنت غششتها كانت قفلت انا زي ما وعدتك شرحتلها بس
الحمد لله ريحت قلبي تعالى يا تولين نشوف اي جامعة هتختاري
طبعا اللي قريبة من البيت بلاش حاجة بعيدة ولازم يكون عندهم مسرح عشان اغني فيه
هو ده اللي همك
ماما انت وعدتيني هعمل صفحة على
النت واغني عليها لو جبت مجموع
انا خاېفة عليك من الحاجات دي
ما كله هيبقى تحت اشرافك مش بابا معودنا نمارس هوايتنا
توعديني مفيش غلط وما تنزليش حاجة ليك مع بابا احسن جدك يعرف مكانا واحنا بنتقي شره
بقلمي سحر السحرتي
هو اصلا يعرف ان بابا مخلف منك
ما اعرفش الاحتياط واجب كل اللي اعرفه ان باباك اتجوزني وكان مخبي عليه وهو كان صاحب ابو ولاء وكان بيحبه قوي وحب يشيل مسؤوليتها معايا وكنا متفقين مفيش خلفة بس قضاء ربنا وفرح قوي لما اتولدتوا
هو انت كنت عارفة انه مخبي على جدو
لا
كان قايل انه اختلف معاه لانه رافض جوازه من أرملة و معاها بنت وقالي انه هيتجوزني ڠصب عنه وانه راجل مش بنت يفرض عليه رأيه ففكرته مقاطعه وكل اما اكلمه نروح نصالحه يرفض بحجة أن جدك قاسې بس جدتك كانت موافقة وبتكلمني وعارفة بوجودكم لكن صعب أنها تيجي تشوفكم ولما جدك عرف انه متجوزني من وراه اضطر يسافر يدور على الرزق بارة في هجرة غير شرعية لان جدك وقفله كل الشغل هنا
يعني احنا ما نقدرش نعرف عنه حاجة
هو في نظر الحكومة لسة هنا وفي نظر الدولة اللي راحها ما
دخلش وما اعرفش حد من اللي سافر
معاه وانت كل شوية تسأليني ما انت عارفة كل التفاصيل
يا ماما بسأل لاني كبرت يمكن تفصيلة ما اخدتش بالي منها وانا صغيرة اخد بالي وانا كبيرة هو انت متأكدة انه وصل
اه لانه راسلني بعد ما وصل وقعد سنة يبعت فلوس وجوابات وبعدها خلاص اتقطعت اخباره
وحشني قوي يا ماما وحشنا كلنا حتى ولاء متعلقة بيه رغم انه مش ابوها
بقلمي سحر السحرتي
يوسف انت خلصتي ومش هتبطلي تقرري ماما في القصة دي
بدل ما احنا مش مستفادين حاجة من الكلية بتاعتك دي تقدر تعرف عنه حاجة
يا بنتي كلمت القائد عندي وبيحاول
بس الموضوع صعب لانه هجرة غير شرعية
نظرت له هدى بنظرة فهمها وطمئنها بنظرة منه … أكملت تولين أسئلتها
طب انت ما شكتيش انه مخبي على جدي
يوسف انت المفروض تدخلي حقوق مش إدارة أعمال وتبقي وكيل نيابة
تولين بس يا غلس معلش جاوبي على ده وخلاص
هدى لا ما شكيتش لان شغله كله سفر وكان بيقعد معانا يومين في الأسبوع وساعات كل اسبوعين والكلام ده من قبل ما اتجوزه ايام ما كان مصاحب ابو ولاء خلاص بقى روحي هاتيلي كوباية مايه نشفتي ريقي
بعد ما خرجت تحدثت بهمس مع يوسف
قائد ايه اللي
انت كلمته
يا ماما بقول لها كدة بنيمها ما انا عارف الحقيقة
انت عارف اني مش قادرة اقول لها لأنها متعلقة بيه جدا وولاء كلامها كثير انا قلت لك انت لأنك راجل البيت وعاقل وحضرت الأحداث اللي حصلت
ما تخافيش يا ماما الخۏف بس لا جدي يعرف انه مخلف منك
لا مش خاېفة من كدة هو لو عرف هياخدك انت ويسبها لانه بيحب الصبيان لكن البنات لا وخصوصا حالة اختك ممكن يدبحها بكلامه انا كل يوم بحلم بالكلمتين اللي قالهم ليا من يوم ما عرف والحمد لله وقتها كنتم في مدراسكم غير اللي عمله فيا وانت عارفه
وهنفضل لغاية امتى ساكتين على الظلم ده
لغاية اختك ما تخلص جامعتها او هو ېموت بعدها كل اولاده هيستريحوا من ظلمه
تولين هو مين اللي ېموت اتفضلي الماية
دى مسلسل كنت بحكي ليوسف عليه
وهو من امتى يوسف بيسمع التركي بتاعك
لا دي حتة كدة جت على بالي اعملي حسابك بكرة هننزل نشتري هدوم جديدة للجامعة
طب ما توفري فلوس اللبس وتجبيلي اسكوتر اروح بيه الجامعة واترحم من المواصلات
يوسف يا جماله اسكوتر ايه ده
ده زي الموتوسيكل بس صغير
وحضرتك عايزة تركبيه والناس كلها تعاكسك
يوسف لو سمحت اقنع ماما
الدروس كانت جمب البيت وبروح مشي انما الجامعة هبقى مضطرة اركب ميكروباص او اتوبيس ورجلي بتوجعني وانا طالعة السلم بتاعهم الاسكوتر ده منتشر دلوقت للبنات
بس اخاڤ عليك
اكيد هاخد بالي ومش مستغنية عن نفسي بس هيريحني
خلاص يا ماما نجيبه لو هيريحها
هدى من أين بس
تولين ده مش غالي
يوسف انا هاخد مكافأة تفوق كويسة من الجامعة وهي النادي هيصرف لها مكافأة للفوز ولو ما كفاش نشتريه قسط ونعتبر أنها لسة بتاخد دروس
ولاء وانا كمان ممكن اخد سلفة من الشغل بس أنتم متأكدين أنها عايزاه عشان رجلها مش عشان تعرف تاخد
الجيتار معاها
نظر لها الجميع بدهشة الا تولين نظرت پغضب لافسادها ما تخطط له وتحدثت بعصبية
لا طبعا ما انا ممكن اخده معايا في المواصلات بس هروح تدريب السباحة ازاي في الجامعة والمبنى بتاع المحاضرات بعيد عن الملاعب وهو انا رايحة اتعلم ولة اغني
يوسف خلاص ما تزعليش هنجيبه بس مش هتعمليلنا تامر حسني بالجيتار في الجامعة
لا هعمل تولين الحريري هاه بايخ هو كل واحد فيكم بكلمة خلاص مش عايزة هشتغل واجيبه
هدى خلاص هنجيبه بطلي قفشتك دي وايه حكاية الشغل وناوية تشتغلي ايه بقى
بصراحة كنت محتاجة افاتحكم في الموضوع ده واحدة صاحبتي
هتعمل حفلة عيد ميلادها وطلبت مني اغني في الحفلة بفلوس ففكرت وقلت ليه لا حفلات الخطوبة وعيد الميلاد النهارية عشان ما تقوليش هترجعي متاخر ايه رايك
هدى اه وتسيبي مذاكرتك
يوسف لا طبعا ما اسمحش لاختي تشتغل مطربة
بقلمي سحر السحرتي
تولين يا ماما الجامعة مش صعبة تخصص سهل ولك عندي انجح وتقدير معقول عشان أحلامك ما تعلاش وانت يا سي يوسف الغنا مش عيب طالما في أماكن محترمة وهبلغ ماما بالتفاصيل قبل ما اوافق على اي حاجة وفي نفس الوقت بمارس هوايتي واطلع مصروفي الشخصي انا هبقى في جامعة خاصة
هدى خلاص تغني في جناين
مفتوحة لكن شقق لا ولو فيلا تغني في الجنينة دخول جوة لا ويبقى معايا كل تحركاتك
يوسفماما انت هتوافقي على الهبل ده
هدى مفيهاش حاجه لما تمارس هوايتها وهي صوتها فعلا حلو بس اي تقصير في دراستك همنعك تغني تاني
تولين احبك يا احلى ام في الدنيا
وأخرجت لسانها ليوسف وولاء
____________________________________
في بيت عماد السيوفي يستيقظ ابنه زياد شاب في العشرين من عمره وسيم ذو جسم رياضي في الفرقة الرابعة إدارة أعمال نفس الجامعة التي سوف تلتحق بها تولين
بقلمي سحر السحرتي
بدأ في ممارسة الرياضة الصباحية فهو ايضا سباح ويحصد الميداليات
لكن ليست دائما ذهبية فهو مهتم بدراسته أكثر متفوق فيها يحاول الاجتهاد أكثر هذه السنة الأخيرة لانه يريد أن يتم تعينه معيد في الجامعة لتفوقه المستمر طوال أعوام دراسته
انتهى من رياضته الصباحية دخل الحمام ليستحم ويرتدي ثيابه ونزل لتناول طعام الإفطار مع والدته مديحة السيوفي فهي ابنة عم زوجها
يعيشون في فيلا متوسطة المساحة بداخل كمبوند راقي فهي اخر ما يمتلكون بعد أن خسر والد زياد معظم أمواله في صفقة فاشلة فكانت حياتهم مھددة بالافلاس اذا حدث ذلك مرة أخرى لذلك تحرص مديحة على أن تقرب ابنها زياد من ابنة عمه مهيتاب لأنها وحيدة والدها وهو الآن أكثر
ثراء من زوجها
زياد صباح الخير يا ماما
مديحة صباح الخير افطر بسرعة والحق مهيتاب في النادي قبل تدريبك
اسف انا يادوب افطر والحق التدريب عندي بطولة قريب ولازم اركز و مهيتاب بتحب تتكلم كثير وحفلات وسفر ولازم اركز قوي السنة دي عشان اتعين في الجامعة والبطولة هتضيف لي درجات للتقدير بسبب التفوق الرياضي
كان نفسي اقولك اتخرج وامسك الشركات مع باباك بس الحال اتغير وبقت شركة واحدة حاول تقرب من مهيتاب وتخطبها قبل ما اي حد يضحك عليها ويشغلها وهي لسة صغيرة
اه صغيرة وطايشة وفاشلة في الدراسة ما جابتش مجموع حتى تدخل بيها جامعة
خاصة وعشان تريح نفسها دخلت معهد سنتين بتشتري شهادة النجاح حتى مش بتحضر امتحانات وبتنجح وهتتخرج معايا
هي مش محتاجة لاي شهادة كفاية فلوس ابوها هتعمل ايه يعني بالشهادة
ماما انا مش فاضي كل يوم اجادل معاك في نفس الموضوع انا متاخر
طب خلينا نخطبها نحجزها واتجوز وقت ما تحب
اتجوز اللي احبها واكيد مهيتاب بارة حساباتي سلام
بقلمي سحر السحرتي
نادته بأعلى صوتها لكنه اسرع للحاق بموعده في ذلك الوقت نزل عماد والده
في ايه يا مديحة صوتك عالي ليه على
الصبح كدة
شوف ابنك رافض موضوع مهيتاب مش مقدر المصېبة
اللي احنا فيها والشركات اللي راحت ومستوانا اللي نزل
مصېبة ايه الشركات اقدر ارجعها زي ما عملتها ولو ما قدرتش عندنا اللي يكفينا
اه يكفينا مش قادر تقول وزيادة حتة الفيلا الصغيرة بعد ما كان قصر حتى فيلا الساحل بقت شاليه صغير ما بقتش بقدر اروح النادي لان هدومي زي ما هي بطلت اشتري جديد
أحمدي ربنا اننا ما خسرناش كل حاجة لسة عندك اللي يخدمك ولسة بتلاقي اكل وشرب
الحياة كلها في نظرك اكل وشرب
لا الحياة انك زي ما عشتي معايا حياة رخاء تعيشي معايا ايامي الصعبة وبطلي تغصبي على ابنك انا مش هجوزه
ڠصب وكفاية انه مهتم بمستقبله و بيسعى يكون دكتور في الجامعة ومش كل يوم هنعيد نفس الاسطوانة سلام انا ماشي بقت عيشة تخنق
صح بقت
عيشة تخنق لكن لو كنت اتجوزت السنكوحة بتاعتك كان زمانك عايش في الجنة
عاد إليها ثانية بعد أن كان متجها إلى الباب
اسطوانتك ما بتتغيرش وبلاش تغلطي فيها لاني سبتها واتجوزتك وياريتك كنت تستاهلي
وكملت معايا ليه
انت عارفة ليه عشان الاولاد ولأنها كانت خلاص ضاعت مني فما بقتش فارقة انت من غيرك زي بعض
وتركها تشتعل من الغيظ والڠضب بسبب كلامه المستفز الدائم عن حبيبته الأولى
ضوء القمر
حلقة ٣
في بيت تولين
ولاء ماما حاتم عايز يجي النهارده يحدد ميعاد كتب الكتاب
هدى بس انتم بقى لكم كام شهر
بس مخطوبين
لما يجي هيفهمك
بس انا مش بحب الاستعجال ده
تولين بجد استعجال زياده عن اللزوم ويقلق
ولاء بس انت يا سوسه
تولين انت شايفه اني سوسه بس خاېفه عليك من قلبي انت تستحقي واحد احسن منه انت مواصفاتك كلها حلوه وجميله دكتوره صيدلانيه بتشتغلي في مستشفى حكومي جامعي غير كده انت شريكه في صيدليه وبتقفي ساعات فيها ليه ترضي بواحد زي ده
متشكره مش لازم كل شويه تفكريني ان شريكه في صيدليه بفلوس ابوكي اللي سابها لي
انا ما قلتش كده بلاش تغيري الكلام وبابا زي ما عمل لنا شهادات عمل لك
وعمره ما فرق بينا ليه انت بتفرقي انا عايزه مصلحتك
عايزه مصلحتي تبقي تقفي جنبي حاتم بيحبني وانا بحبه
هو عشان ضحك عليك بكلمتين حب وفعل ما فيش يبقى بيحبك
ظروفه صعبه وبيحاول وانا هقف جنبه
بقلمي سحر السحرتي
انا شايفه انه بيستغلك عموما انت حره
هدى حلو قوي قطعوا في بعض وانا واقفه قصادكم امال لما اموت هتعملوا ايه
بعد الشړ عنك ده اختلاف في الراي
هدى عموما يا ولاء خليه يجي بكره يكون يوسف رجع من الاجازه انت عارفه انه راجل البيت
ارجوك يا ماما خليه يرحب بيه وبلاش يشد
عليه وفكريه ان انا اخته الكبيره
هدى تولين قولي ليوسف ما يتاخرش عشان عريس اختك
تولين تدفعي كام
هو انت كل مره توجعي قلبي كده
اعتبريني بكلمه مكالمه دوليه وادفعيها
أمسكت اذنها
اسمعي الكلام واجهزي لاننا نازلين رايحين تدريب تبع الجامعه لان في بطوله قريب هيصفوا اللاعبين يشوفوا هياخدوا مين وفي معسكر تدريب كمان في اسكندريه
الله هروح اصيف
انا لسه ما وافقتش
ليه بس يا ماما
تدفعي كام
حبيبه قلبي يا امي يا ست الحبايب
عايزه مكالمه دوليه اوروبيه ولا خليجيه لان التسعيره تفرق
خلاص يا هدهد
بهزر هغمض عيني حالا واقول له
بعد برهه من الوقت
بيقول احتمال يتحبس الخميس والجمعه دول قولوا له ياجلها شهر
ولاء هو احنا عشان مش بنسمعكم هتشتغلينا
يعني انا بكذب عليك لما يرجع اساليه
تولين اخلصي قال لك ايه
بامتعاض لو عرفتي قال لي ايه هتقولي اللي قلته ارحم
اخلصي
قال لو اعرف احبس نفسي عشان ما اشوفش الكلح ده هعملها
قولي له شكرا كلكم عليا ما فيش حد واقف جنبي في اسعد لحظات حياتي
بقلمي سحر السحرتي
حضنتها
والله كلنا بنحبك وعايزين مصلحتك وشايفينك احسن منه مليون مره
وده راجل بتاع كلام وبس ما تزعليش هخليه يجي على بوزه ويبقى لطيف معاه كمان ما انا كمان الاكبر ههههه …… بيعتذر لك وبيقول هيبقى لطيف واحلى جاتوه عشان خاطرك بس
بجد يا حبيبتي
هدى تنادي على تولين
انت لسه ما لبستيش
حالا يا ماما فريره
بين تولين ويوسف موهبه خاصه لا يعرفها سوى اسرتهم الصغيره وهي انهم يستطيعون التخاطب معا حتى على بعد المسافات افضل من اي هاتف محمول
كانوا وهم صغار تولين تحذر يوسف من بطش والدها عندما يتاخر يوسف خارج المنزل وتدله على حجه الغياب التي تجعل والده يهدا وكان يوسف يغششها
في الاختبارات ….. حتى اكتشفت والدتها هذه الموهبه وحذرتهم من الغش …
في الطريق للنادي تذكرت هدى كيف تجعلها تولين تطمئن على يوسف وهو في الجامعه لانه لا يستطيع حمل هاتف معه او كيف تجعله يشتري احتياجات قد نست اخباره بها كانت تبتسم من هذه المواقف إلى ان هزتها تولين
ماما احنا وصلنا واو النادي ده احسن كثير من بتاعي تفتكري ممكن يقبلوني هنا
لا التدريب هنا مؤقت في الجامعه هيبقى التدريب بعد كده لان حمام السباحة فيه صيانه يلا عشان اتاخرنا
بعد ان دخلت وتعرفت هدى عن المسؤول عن النشاط الرياضي بالجامعه اشار لهم لغرفه تبديل الملابس ذهبت اليها
تولين وارتدت ملابسها وصعدت للاستعداد وازالت جهاز قدمها امام الجميع فقال احد المتسابقين
دي مش بطوله للمعاقين
ردت عليه تولين عارفه بس ما حدش قال لي ان المعاقين ذهنيا اللي زيك مشتركين
اراد ان يضربها
ليتدخل زياد عيب يا اشرف ما يصحش
انت مش شايف هي بتقول ايه
يعني عايز تتهجم عليها وكلامك ضايقها
تولين هو مين اللي كلامه ضايقني ده ولا يهز شعره فيا كفايه اني اقدر اكسبه واكسر عينه بفوزي عليه
زياد بس يا انسه قولي كلام على قدك
واكسبك انت كمان والكلام ده انا قده ونص
زياد خلاص
نستاذن الكابتن هناك اهو ونشوف
تولين بكل ثقة
واذا كسبتكم
زياد باندهاش من جرئتها
انت داخله رهان
لا بس اي سباق بيبقى في جوائز بالنسبه لك شكرا عشان حاولت تدافع عني بالنسبه له ينسحب من البطوله
ولو كسبناكي
هنسحب من الجامعه كلها
واثقه في نفسك
الحمد لله
اقتربت والدتها لتمسك عنها الجهاز واستمعت لاخر الحوار فسألت عما يدور فاخبرتها
يعني ما بقالناش نص ساعه وعملتي مشكلة
كادت أن تبكي يعني اسيبه يتريق عليا هو انا قليلة في نظرك
لا يا حبيبتي بس دول هيبقوا زمايلك في الفريق كان
لازم تكسبي صداقتهم
بالشفقة صح بابا ما علمنيش كده وحقي لازم اخده
بقلمي سحر السحرتي
في نفس الوقت كان زياد يستأذن كابتن مجدي لإجراء منافسة بينهم فذهب مجدي ليستفسر سبب هذه المنافسة أخبرته تولين بما حدث وعواقب التحدي
مجدي انا عارف انك مش هتقدري تكسبيهم بس انت هتمسحيهم لكن ما اقدرش استغنى عن حد منكم فلو سمحت بعد ما تكسبيهم تخليني اتدخل وخلي اشرف يعتذر لك
عشان خاطرك يا كابتن
واستعدوا جميعا واطلق المدرب صفاره بدء السباق وبالفعل كانت تولين في المقدمه خرجت من المسبح وخلعت نظاره الماء وقالت بكل فخر
ها يا شباب
مره كمان واضح انكم ما سخنتوش كويس
اطلق زياد صفاره اعجاب وهتف
ېخرب بيت
جمال عينيك هو في كده
اشرف يا عم احنا في ايه وانت في ايه انا كده مضطر اسيب البطوله
بذمتك مش حلوه
حلوه قوي كمان بس حلها
انا مالي انا دخلت السباق ده غلط انت اللي طولت لسانك
كابتن مجدي اشرف عايزك
حاضر يا كابتن
اظن اتعلمت بلاش تنمر على حد صح ولا هتسيب الفريق بناء على الرهان الخايب اللي دخلته وكمان بتراهن مش عيب عليك
طب اعمل ايه دلوقتي يا كابتن
اعتذر لها اظن
شفت رغم الاعاقه فازت عليكم اتفضل معايا
توجه إلى المكان الذي تقف به تولين مع والدتها
تولين اشرف كان عايز يعتذر لك
على ايه يا كابتن هو المفروض يعتذر لحضرتك انه هيسيب البطوله
اشرف انا اسف يا تولين ولو تحبي انسحب من البطوله انا موافق
لا ما احبش بس ارجوك خلي بالك من كلامك انا لولا اني متعوده اقابل واسمع كلام زي اللي حصل كان زماني مذبوحه من الكلام بس خلاص اخدت مناعة
يعني مش زعلانه
لا و بقينا اصدقاء
ومدت يدها لتسلم عليه فسبقه زياد وسلم عليها وقال
اصدقاء طبعا زياد
الفرقه الرابعه اداره اعمال
ضحكت من اسلوبه
تولين سنه اولى
ايه ده لسه بالسوليفان بتاعك ما حضرتي ولا محاضره وعملتي كدة آمال مع بداية الدراسة هتعملي ايه
ضحك الجميع وبدا التدريب وبعد الانتهاء اصر زياد ان يوصل تولين ووالدتها الى المنزل فسمحت له هدى حتى تتحسن علاقه تولين بأعضاء الفريق
زياد طنط ممكن اوصل تولين بكره للتدريب
ما تتعبش نفسك هي عرفت الطريق وهتروح بالاسكوتر بتاعها انا بس حبيت اجي معاها النهارده اطمن من المكان بس ممكن تخلي بالك منها هناك انت دلوقتي زي اخوها
زياد باستغراب اخوها
ثم تدارك خطاه اه طبعا
زي اخوها طب ممكن تليفونها عشان ادخلها جروب الفريق هدى كابتن مجدي اخده وهيدخلها شكرا يا حبيبي تعبناك
ما فيش تعب مع السلامه
وسط ابتسامة تولين من محاولات زياد الفاشله التي تحبطها والدتها كلها
هدى اتفضلي اطلعي واظن سمعتي انت واي حد اخوات كفايه عليا جلبه اختك السوداء
هو انا عملت حاجه انا هختار ظبوط زي يوسف بس هو يستنضف ويجيب لي حاجه نقاوه كده دبورتين ثلاثه
خبطتها فوق رأسها
امشي دبور لما يقرصك خلصي دراستك الاول
بحلم ايه حرام هو الحلم عليه جمرك
بقلمي سحر السحرتي
في اليوم التالي حضر يوسف
وجلس مع حاتم هو ووالدته
حاتم يا طنط انا كنت محتاج اكتب الكتاب لاني هقدم في شقق تبع المحافظه للشباب ولازم اكون متجوز
هدى بس دي بتاخد وقت طويل على ما تتسلم
لا يا طنط ما انا هقدم على الغاليه شويه ودي اسرع في الاستلام
يوسف بس انتم مخطوبين بقالكم كم شهر بس ولسه بتتعرفوا على بعض وكتب الكتاب فيه استعجال مش ملاحظ لازم تبقوا متاكدين من قراركم وبصراحه لو ما اتفقتوش ما حدش هيخسر في الموضوع غير ولاء
انا متاكد ان مش هلاقي حد احسن من ولاء ومتاكد من قراري
تولين في سرها اكيد
مش هتلاقي احسن من ولاء المشكلة انك انت العره اللي هي راضيه بيه انا عارفة هي موافقة بيك على ايه وانت كالح وثقيل
كانت تفكر وهي تغمض عينيها فضحك يوسف في سره
اتلمي هتضحكيني وانا قاعد وعامل راجل البيت
طب اتفرد عليه كمان احسن نفسي اضربه قلمين
يوسف لحاتم طب ممكن تدينا يومين نفكر ونرد عليك
حاتم حقكم بس ارجوك ما تطولش عشان الحق اقدم الورق مع السلامه
وانصرف من المنزل
هل ستوافق اسرة تولين على زواج ولاء
ضوء القمر
حلقة ٤
انصرف حاتم وامسك يوسف تولين من ذراعها وثناه للخلف
انت مش هتبطلي حركاتك دي يعني اقعد مهزق كده مع الراجل وانا بضحك من غير سبب
اه ذراعي يا غلس وانا مالي مش عارف تسيطر على نفسك
سمعت انك قطعت زمايلك في اول يوم تدريب
طبعا لازم اوريهم العين الحمراء احسن يستهيفوني
هدى اه اعملي فيها عنتر وبعدين هتزعلي المهم حاتم ما يعرفش حاجه عن موهبتكم ولا اي حد فاهمه يا ولاء وفكري كويس يا بنتي وخلينا نرد على الراجل بس خدي وقتك ….
عملتي ايه في التمرين النهارده يا زفته
دولفين البحار بقيت زفته تمام بعد اللي حصل امبارح ما حدش عرف يبص لي بعينه ويقول بم
يوسف انت ضربتيهم في عينهم
خفيف قوي قلت كسرت عينهم عشان ما حدش يتحداني في الميه والحمد لله مش معايا حد في نفس السنه احسن يعرفوا ان على قدي ههههه وخيبه في الدراسه
كانت تولين تذهب الى التدريب يوميا وتقترب اكثر من اعضاء الفريق واصبحوا جميعا كالاخوه وجميعهم من جامعات مختلفه واعمار مختلفه هي الوحيده من الفرقه الاولى فاصبحت اختهم الصغيره
تحت ضغط من ولاء وحاتم وافقت هدى على كتب كتابهم فاختارت
يوم اجازه يوسف وقبل سفر تولين للمعسكر
بقلمي سحر السحرتي
كان يوم جميل
لا ينسى لولاء لكن باقي اسرتها تظاهر بالسعاده من اجلها وخاصه تولين التي لم تكن لحاتم ذره احترام بسبب نظراته الوقحة لها التي لم تفصح لاحد عنها ولكن فضلت اسعاد اختها في يوم فرحتها
بعد كتب الكتاب اصبح حاتم دائم الزياره لولاء والتدخل في كل شيء حتى انه اعترض على سفر تولين للمعسكر
هدى شوف يا ابني انت جوز ولاء اه بس تولين تبقى بنتي وانا المسؤوله عنها فيا ريت تتحكم في مراتك لو قبلت لكن اختها اهلها لسه موجودين وبخير
حاتم مش قصدي يا طنط انا خاېف عليها سفر ولوحدها وتقعد اسبوع مع ناس غريبه
هدى
اظن مش هتخاف على بنتي اكتر مني واطمنك انا اتعرفت عليهم و مربيه بنتي كويس قوي
حاتم يا طنط مش قصدي انا هنا راجل البيت طول ما يوسف غايب
لا يا ابني انت مش مقيم هنا ويوسف راجل البيت موجود او غايب
ولاء في ايه يا ماما حاتم بس خاېف عليها
شكرا ليه بس ما حدش هيخاف عليها اكثر مني وانا لسه عايشه وابوها كمان عايش واخوها موجود يبقى يوفر الواجب ده لما ڼموت
حاتم انا اسف يا طنط واضح ان كلامي مش مرغوب فيه استاذن
اذنك معاك
ولاء استنى بس يا حاتم نتفاهم
لكنه خرج دون ان يتكلم
ولاء ليه كده يا ماما هيزعل دلوقتي
ما يزعل ولا يتفلق انا وافقت على كتب الكتاب عشان خاطرك لكن يفتكر نفسه راجل البيت لا يعمل راجل عليك انت فاهمه والا الجوازه دي ما تلزمنيش وبلاش كل يوم يجي انتم لسه في حكم المخطوبين ولا فاكر نفسه اتجوزك بجد
يا ماما
انا قلت اللي عندي وبلاش اخواتك يعرفوا حاجه عن اللي حصل
بقلمي سحر السحرتي
دخلت ولاء غرفتها وهي غاضبه مما حدث فاتصلت على حاتم واعتذرت له وحاولت مصالحته فرفض وذلها حتى وافق
خلاص شوفي هتعزميني على ايه عشان اتصالح
وارضى اسامحك
اللي انت عاوزه يا حبيبي بس خليها الشهر الجاي لان فلوسي خلصت
راحت فين بطلي بقى تبعزقي على اهلك انت وراكي جواز ومصاريف وانت شفتي بنفسك بيعاملوني ازاي من اول الشهر هدخلك في جمعيه لان ورانا التزامات كثير
حاضر يا حبيبي اللي تشوفه
كان حاتم يستغل ولاء وحبها الشديد له
ذهبت تولين الى المعسكر في الاسكندريه لمده اسبوع لم تنسى ان
تاخذ معها الجيتار تفاجئ فريقها ان صوتها جميل كانت في الليل بعد التمارين المجهده تسهر معهم بعض الوقت وتغني
تقرب منها زياد اكثر واحس ان هناك مشاعر غريبه تحركه في اتجاهها
….. ايضا اشرف احس بنفس المشاعر وحاول التقرب منها لكنها كانت تكن للجميع مشاعر الاخوه فقد كانت لها اهداف مختلفه هي ان تقتصد المال وتحاول السفر للبحث عن والدها
لم تقص على احد شيء من حياتها الخاصه سوى ان لها اخ واخت
في يوم البطوله سافرت هدى لتحضر لكن ولاء تحججت بان لديها عمل ولكن حاتم هو من منعها من السفر لحضور المسابقة ليرضي غروره عقاپا لهم لتهميش رايه ايضا سافر والد زياد هو الاخر ليحضر البطوله
عند وصول هدى اسرعت تولين واحتضنتها
كل الاهالي التي حضرت طلب منهم كابتن مجدي الصعود والجلوس لاماكنهم حتى يستعد اللاعبين
اصطدمت هدى بوالد زياد فاعتذر
انا اسف
ما فيش مشكله
لو سمحتي هو اسم حضرتك هدى
عماد صدفه غريبه
نظر لها بدهشة واشياق
ازيك وحشتيني قوي دورت عليك كثير بعد ما سبتك كنت فين
ياااه ما خلاص يا عماد كلها ذكريات
بتعملي ايه هنا
بنتي مشتركه في البطوله وانت
ابني كمان مشترك هو امجد فين ما جاش يشوف بنته
امجد الله يرحمه ودي مش بنته انا اتجوزت بعد امجد حسن صاحبه انت كنت اتعرفت عليه
طب لما امجد ماټ ما دورتيش عليا ليه
ليه
كنا اتجوزنا
ههههههه ضحكتني انت كنت صريح معايا من الاول قلت انك هتتجوز بنت عمك واحترمت صراحتك المفروض اظهر في حياتك وابوظها واخدك من مراتك وبنتك وقتها وبعدين انا نسيتك وحسن عوضني عن قسوه امجد ابن خالتي اللي كان بينتقم مني لاني فضلتك عليه القصه المعتاده بس ربنا كبير عوضني
انا اسف انا السبب وحسن فين
مسافر بره مصر هو ما بيتاخرش على تولين استاذنك البطوله هتبدا
طب ممكن رقم تليفونك اطمن عليك من وقت للتاني
عماد ما لوش لزوم خلي الماضي مدفون انت عندك اولاد وانا كمان واحنا الاثنين متجوزين
بس انا ما قدرتش انساكي لحد دلوقت
انا قدرت واتجوزت بدل المره اتنين اذا كان ده هيساعدك تنساني سيبني بقى اشوف بنتي اللي اهم عندي من اي حاجه
اتفضلي بس سامحيني من قلبك
سامحتك من زمان
بقلمي سحر السحرتي
وكان قلبها يدق بشده وتحدث نفسها
وحشتني قوي يا عماد ليه ظهرت دلوقتي يا ترى في حكمه من ظهورك عمري ما نسيتك كنت اول واخر حب في حياتي
بدات البطوله وكالعاده فازت تولين لفريق البنات وفاز زياد هذه المره لفريق الفتيان
كان زياد مصر هذه المره على الفوز ليتم تكريمه هو وتولين معا لعلها فرصه تقربه منها
شاهد عماد هدى تبارك
لزياد ففضل ان لا تعرف انه والده ارسل له مع الكابتن انه في انتظاره في السياره لان لديه مكالمه عمل مهمه
ركب زياد مع والده وبارك له واستاذنه ان يقوم بايصال زميلته ووالدتها معهم اعتذر له عماد لانه توقع انها هدى وابنتها
اسف يا زياد لاني مستني مكالمه مهمه ممكن نضطر نعدي على الشركه في طريقنا فهيتعطلوا بس بما ان مكانك فاضي في الباص هكلم كابتن مجدي ان والدتها تركب مكانك
بس ده ممنوع
لا ما تقلقش مجدي هيوافق
فعلا اتصل على الكابتن الذي وافق بصعوبه لان الباص للاعبين فقط لكنه اقنعه ان تولين لها ظروفه
خاصه واذا سافرت مع والدتها في المواصلات قد يكون الوضع صعب عليها فوجدها مجدي حجه جيده اذا ساله احد
عاد كل منهم الى منزله لم يغمض لاحد جفن من التفكير
تولين ولاء تعالي عايزاكي
خير
هو حاتم كان هنا واحنا مسافرين
تلجلجت في الرد لا انت بتقولي ايه ازاي يعني يجي وانتم مش موجودين
متاكده الاوضه مليانه بريحه برفانه المقرفه
لا ده انا اشتريت له ازازه هديه وكنت بجربها
طب ومحفظته على السرير بتعمل ايه
دى نسيها معايا
ماما لو عرفت حاجه زي كده ممكن يجرالها حاجه
انت هبله حاجه
ايه هو زي ما قلت لك مش مصدقاني
اصدقك او لا انت اختي الكبيره والمفروض تحافظي على نفسك احسن من كده
طب وطي صوتك لماما تسمع
ما تسمع مش ما حصلش حاجه
اه قفلي بقى على الموضوع
في منزل عماد تغيرت معاملته مع مديحه اهملها اكثر … دائما ذهنه شارد …..كلف احد مساعديه بجمع معلومات عن هدى فقد شك انها تكذب بخصوص امر ما
بعد ظهور هدى لم يحتمل عماد تصرفات مديحه اكثر وكبريائها المستفز وطلباتها التي لا تنتهي وعدم مراعاتها لظروفه الماديه الحاليه فقرر ان ينفصل عنها في هدوء
لم تمانع وجدتها فرصه
لتقترب من اخيه ابن عمها ايضا هادي فهو الان اكثر ثراء وكانت تعلم انه يكن لها المشاعر منذ أن كانوا صغار لكن زواجها من عماد اوقفه فتزوج من والدة مهيتاب
ذهبت واقامت معه في قصره وتظاهرت بالحب والحنان لابنته وعوضتها عن فقدانها لامها كانت خطتها تتمثل في ان تقيم لدى هادي في المنزل وتقترب له عن طريق ماهيتاب التي تعلقت بها
تاثر زياد بما فعله والده وكان قريبا جدا منه فجلس معه لمناقشته ليفهم ما حدث بينهم
ممكن يا بابا افهم ليه بعد العمر ده كله حصل دلوقت
مش قادر استحمل عارف والدتك مش قادره تتنازل عن
المستوى اللي كانت عايشه فيه وانا خسړت فلوسي ڠصب عني تعسر بيحصل لاي رجل اعمال ده حتى ما عرضتش علي اني اخذ اي حاجه جبتها لها عشان اقدر انقذ نفسي وانا فضلت انها تيجي منها والراجل لما يلاقي الست لا وقفت جنبه ولا حتى قادره تستحمل يبقى لازمتها ايه في حياته
طب والحب اللي بينكم
انت كبير دلوقتي والدتك مش حب حياتي دي اختيار عقل واظن اني ما قصرتش معاها كزوج في حاجه حتى لو كانت بالنسبه ليا بس بنت عمي
كيف سيتعامل زياد مع اعتراف والده
ضوء القمر
حلقة ٥
تفاجا زياد من حديث
والده وقال له
ازاي انا كنت بشوف حب واحترام كل السنين ده مجرد تمثيل
لا انا حبيتها حب عشره وبنت عمي لكن مش الحب اللي بيدق له القلب ولما تغيب عني ابقى مشتاق لها والاحترام واجب بين اي زوج وزوجه
وسبتها ليه تقعد عند عمي
انا عرضت عليها تقعد هنا وهمشي رفضت وقالت ان هنا ذكريات تحب تنساها وعمك مش غريب ده ابن عمها لو تحب تقعد معاها عمك هيرحب هو بيحبك زي ابنه
لا انا هقعد معاك بس ما كنتش متوقع ان الحياه بينكم كانت خدعه
ما كانتش خدعه كنا بنكمل عشانكم لما تكبر
هتعرف انك بتضحي بسعادتك لو عندك اولاد
عمري ما هتجوز واحده الا لما اكون بحبها
في ظروف بتتحط فيها بتجبرك تسيب اللي بتحبه وبلاش تقسى علي زي الايام
انا اسف يا بابا بس عمري ما حسيت ان بينكم خلافات حتى اختي اتجوزت وسافرت وهي عارفه انكم بتقضوا اسعد ايام حياتكم لما تكلمنا دلوقتي وتعرف انكم انفصلتوا هتعمل ايه
اختك مخها كبير وهتقدر وكانت دائما بتعتب على والدتك تصرفاتها معايا خصوصا بعد الخساره اللي حصلت
بس تسمح لي ازورها من وقت للتاني
اكيد عمري ما
همنعك ولو حسيت انها عايزه تعيش في الفيلا هنا بلغني
وانا همشي فورا
لا من الناحيه دي هي طول عمرها بتحب قصر عمي
بقلمي سحر السحرتي
في قصر هادي كان عائد من العمل وجد مديحه في الجنينه تجلس شاردة الذهن
مالك يا مديحه حد مزعلك هنا
ابدا بالعكس دي مهيتاب بتعوضني عن حب بنتي اللي سافرت بس سرحت في الايام اللي عشتها مع عماد والخطوه المتاخره اننا ننفصل
انت مش زعلانه انك اتطلقت منه
لا دي خطوه اتاخرت كثير احنا جوازنا زي انسان مېت اكلينيكيا وعايش على اجهزه بنحاول نطول في عمره اكتر بس مفيش امل يرجع يعيش تاني
ليه انا كنت فاكرك
بتحبيه
حبيته بس الحب زي الزهره اذا ما ارتوتش وشافت الشمس بټموت وعماد ما حبنيش كان بيتعامل معايا بود واحترام لكن حب لا عشان كده حبه ماټ في قلبي وبقينا مستمرين عشان الاولاد
ما تزعليش الانسان مش بياخذ كل حاجه وانت عندك ولد وبنت بالدنيا كلها
اكيد وعندي دلوقتي انت
انا
اه اخ محتويني و مستضيفني في بيته انا متشكره قوي انت عارف ان انا كان ممكن اقعد في فيلا بابا بس ما اقدرش على الوحده وزياد مرتبط بوالده وما حبش يسيبه
اخص عليك بتشكريني على ايه انا عايزك تعتبري ده بيتك من النهارده كل
اللي بيشتغلوا هنا هياخذوا التعليمات منك ومهيتاب مسؤوليتك انت امها قصدي زي امها
لا انا امها فعلا وبحسها بنتي
نجحت اولى خطوات
